CRCC-kut Ihivriuqhiyukhat Qanuriliuqniginik Inuit Ihuigiyainik Piliihimanit Nunavumi

Ottawa - 2022-08-04

Ublumi, Machelaine Lahaie, Ikhivautalik Inuknit Ihivriuqniganik Ihuigiyauyulu Kamisiuyumi Piliihimanik (CRCC), uqaqtuq ihivriuqniganik Piliihimat qanuriliuqniginik Inuit ihuigiyainik havauhiqmik Nunavumi.

CRCC-kut atuqataqtunik ihivriuqnignik naunaiyainiaqtut ukuniga:

• Piliihimat pitquhiinik ayuiqhajutainiklu pijutiqaqtunik Inuit ihuigiyainik havauhiqmik;
• pikmagaa piginmagaaluniit Nunavumi Piliihimat malitiaqmagaa pitquhiqmiknik ayuiqhayamikniklu; unalu
• Piliihimat kiujutigiyainik qanuriniga pijutiqaqtunik Inuit ihuigiyainik havauhiuyumi.

CRCC-kut ilituqhainiaqtulu qauyimayauniganik ihumaluginigniklu Inuit ihuigiyainik havauhiqmi Nunavumi.

Ilagani uiguata 45.34(1)-mi Piliihimat Maligaqyuagani, CRCC-kut ihivriuqhilaaqtut naunaitiaqhiamyunik hulijutainik Piliihimat malitiaqmagaa pitquhiuyumik maligauyumiklu. Ihuaqnigani, una atuqpaktuq ilituqhaut ihumagiyaqaqniaqtuq Inuit ihuigiyainik havauhiqmik ihumaliulimagitulu pijutiqaqtunik naunaitumik hulijutimik uvaluniit qanuriliuqniginik atuni Piliihimani ilauyut.

Havauhikhat qahaktut CRCC-kut qaritauyami qungialiugaani.

Ukuniga CRCC-kunik

Inuknit Ihivriuqniga Ihuigiyauyuniklu Kamisiuyuq Piliihimanik (CRCC) havakviuyuq kanatami kavamanit, ajikutaqagituq iliguuqtuqlu Piliihimanit. Havaakhitaujuhiqut atuqtitiyaagani aulariqtumik ihuigiyaunik havauhiqmik Piliihimanit kiujutiqariagani hulijutimiknik qanuriliurutimikniklu ilagiyamiknit. CRCC-kut havaakha pivagiagani ihuigiyauyunik inuknit qanuriliuqniginik Piliihimani ilauyunit; ihivriuqhilutik ihuiguhuktut naamaguhugitpata Piliihimat havauhiinik ihuigiyamiknik Inuit; havaariliriaqlugit ihuigiyauyut ilituqhaqlugilu Piliihimat qanuriliuqniginik ila Inuit ihumagiluaqata; ihivriuqlugit naunaitut hulijutit; uqaqlugit naunaiqtunik ihuaqhailutiklu atuliquyauyunik; atuqpaaliriaganilu Inuit qauyimaniginik ihuigiyauyunik havauhiqmik.

-30-

Hivuniqhivaalirutikhat

Naunairyuumirumaguvit, uqaqatigilugu Media@crcc-ccetp.gc.ca.
Qaritauyakkut pulaarvinga: www.complaintscommission.ca
Malijavaptigut Twitter-mi: @CRCC_CCETP -mi