ᐃᓄᑐᐃᓐᓇᕐᓄᑦ ᕿᒥᕐᕈᐊᔭᐅᓂᖏ ᐅᓐᓂᓗᖅᓴᕐᕕᓐᓄᑦ ᑲᑎᒪᔨᖏᑦ ᕿᕐᒥᕈᓂᖏᑦ ᑲᒪᒋᔭᐅᖃᑦᑕᕐᓂᖏᓐᓂ ᐃᓄᑐᐃᓐᓇᕐᓂᑦ ᐅᓐᓂᕐᓘᑕᐅᕙᑦᑐᓂᒃ ᐸᓖᓯᒃᑯᓐᓄᑦ ᓄᓇᕗᒻᒥ

ᐋᑐᕚ - 2022-08-04

Related Links

ᐅᓪᓗᒥᐅᔪᖅ, ᒪᑲᓚᐃᓐ ᒪᕼᐊᐃ, ᐃᔅᓯᕙᐅᑕᖅ ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC) ᐸᓖᓯᒃᑯᓐᓄᑦ, ᐅᖃᐅᓯᖃᓚᐅᖅᑐᖅ ᕿᒥᕐᕈᔭᒥᓂᕐᒥᓂᒃ ᐸᓖᓯᒃᑯᑦ ᑲᒪᖃᑦᑕᕐᓂᖏᓐᓂ ᐅᓐᓂᕐᓘᑎᓂᒃ ᐃᓄᑐᐃᓐᓇᕐᓂᑦ ᑲᒪᒋᔭᐅᖃᑦᑕᕐᓂᖏᓐᓂ ᓄᓇᕗᒻᒥ.

ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC) ᖃᐅᔨᓴᖃᑦᑕᕐᓂᐊᖅᑐᑦ ᐃᒪᐃᑦᑐᓂᑦ:

  • ᐸᓕᓯᒃᑯᑦ ᐱᖁᔭᖏᓐᓂ ᐃᓕᓐᓂᐊᑎᑦᑎᖃᑦᑕᕐᓂᖏᓐᓂᓪᓗ ᐃᓄᑐᐃᓐᓇᕐᓂᑦ ᐅᓐᓂᕐᓘᑏᑦ ᑲᒪᒋᔭᐅᖃᑦᑕᕐᓂᖏᓐᓂ; ᐊᒻᒪᓗ
  • ᒪᓕᓐᓂᕋᓗᐊᖅᑲᑕ ᐱᖁᔭᖏᓐᓂ ᐃᓕᓐᓂᐊᑎᑦᑎᓂᖏᓐᓂᓪᓗ ᓄᓇᕗᒻᒥ ᐸᓖᓯᒃᑯᑦ; ᐊᒻᒪᓗ
  • ᖃᓄᖅ ᐸᓖᓰᑦ ᑕᑎᒃᓴᐅᓂᖏᓐᓄᑦ ᓵᑕᒃᓴᐅᔪᓐᓇᕐᓂᖏᓐᓄᑦ ᖃᓄᐃᓕᐅᕈᑎᒃᓴᓄᑦ ᐱᔾᔪᑎᒋᓪᓗᒋᑦ ᐃᓄᓕᒫᓄᑦ ᐅᓐᓂᖅᓗᒃᓴᕐᕕᒃᓴᖃᖅᑐᑦ ᐱᓕᕆᐊᕆᕙᓪᓕᐊᓂᐊᖅᑎᓪᓗᒋᑦ.

ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC) ᖃᐅᔨᓴᕋᔭᕐᒥᔪᑦ ᖃᓄᖅ ᐅᔾᔨᕈᓱᓕᒃᑲᓐᓂᕆᐊᖃᕐᓂᖏᓐᓂ ᐅᑉᐱᕆᔭᐅᑦᑎᐊᕐᓂᖏᓐᓂᓪᓗ ᑭᒃᑯᑐᓐᓇᐃᑦ ᐅᓐᓂᓗᖅᓴᖅᑐᑦ ᑲᒪᒋᔭᐅᓂᖏᑦ ᓄᓇᕗᒻᒥ.

ᐃᓗᐊᓃᑦᑐᒥᑦ 45.34(1) ᐸᓖᓯᒃᑯᑦ ᐱᖁᔭᖏᓐᓂ, ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC) ᕿᒥᕐᕈᒍᓐᓇᕐᖓᑕ ᓇᓗᓇᐃᖅᓯᒪᔪᓂᒃ ᐸᓖᓯᒃᑯᓐᓄᑦ ᐅᓐᓂᕐᓘᑕᒥᓂᕐᓂᑦ ᒪᓕᓪᓗᑎᑦ ᐱᖁᔭᖏᓐᓂ ᒪᓕᒐᖏᓐᓂᓪᓗ. ᒪᓕᓪᓗᑎᑦ, ᐃᓕᖅᑯᓯᖏᓐᓂ ᖃᐅᔨᓴᕐᓂᕐᒧᑦ ᑭᒃᑯᑐᐃᓐᓇᕐᓄᑦ ᐅᓐᓂᕐᓘᑕᐅᔪᓂᒃ ᑲᒪᒋᔭᐅᖃᑦᑕᕐᓂᖏᓐᓂ ᐊᒻᒪᓗ ᓇᓗᓇᐃᖅᓯᖏᓪᓗᑎᑦ ᐊᑦᑐᐊᔪᓄᒃ ᓇᓗᓇᐃᖅᑕᐅᓯᒪᔪᓂᒃ ᖃᓄᐃᑦᑐᒥᓂᕐᓄᑦ ᐅᕝᕙᓘᓐᓃᑦ ᑲᒪᓂᖏᓐᓂ ᐃᒻᒥᒃᑰᖅᑐᓄᑦ ᐸᓕᓯᒃᑯᓐᓂ.

ᒪᓕᒐᐃᑦ ᐊᑐᐃᓐᓇᐅᔪᑦ ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᓐᓂᑦ.

ᐅᖃᐅᓯᓖᑦ ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC)

ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC) ᑎᒥᐅᔪᖅ ᒐᕙᒪᑐᖃᒃᑯᓐᓂᑦᑐᖅ, ᐊᔾᔨᐅᖏᑦᑐᖅ ᐃᒻᒥᒃᑰᖅᑐᑦ ᑕᐃᑲᓐᖓᑦ ᐸᓖᓯᒃᑯᓐᓂ. ᑐᕌᒐᖏᑦ ᐅᓐᓂᕐᓘᑕᓂᒃ ᑲᒪᑦᑎᐊᖃᑦᑕᕐᓗᑎᑦ ᐸᓖᓯᒃᑯᑦ ᖃᓄᐃᑦᑐᒥᓂᐅᓂᖏᓐᓂ ᐊᒻᒪᓗ ᐃᖅᑲᓇᐃᔭᖅᑎᖁᑎᖏᓐᓂ ᑲᒪᒻᒥᓗᑎᑦ. ᐃᓄᑐᐃᓐᓇᕐᓄᑦ ᕿᒥᕐᕈᔭᐅᓂᖏᑦ ᐅᓐᓂᓗᖅᓴᕕᓐᓄᑦ ᑲᑎᒪᔨᖏᑦ (CRCC) ᑐᕌᒐᖏᑦ ᐅᓐᓂᕐᓘᑎᓂᒃ ᐱᓗᑎᒃ ᑭᒃᑯᑐᐃᓐᓇᕐᓂᑦ ᑲᒪᒋᔭᐅᓕᕐᓗᑎᑦ ᐸᓖᓯᒃᑯᑦ; ᕿᒥᕐᕈᓗᑎᑦ ᐅᓐᓂᕐᓘᑎᒥᓂᕐᓂᑦ ᓈᒻᒪᒋᔭᐅᓐᖏᑦᑐᓂᑦ ᐸᓖᓯᒃᑯᓐᓄᑦ ᑲᒪᒋᔭᐅᓂᒥᓂᖏᓐᓄᑦ ᐅᓐᓂᕐᓘᑎᖃᖅᑎᓪᓗᒋᑦ; ᐅᓐᓂᕐᓗᖅᓴᖅᑳᖅᑕᖅᑯᖅ ᖃᐅᔨᓴᓕᕐᓗᑎᑦ ᐸᓖᓯᒃᑯᓐᓂ ᑭᒃᑯᑐᐃᓐᓇᐃᑦ ᑕᑯᔪᒪᔭᖏᓐᓂ ᑲᒪᓗᑎᑦ; ᕿᒥᕐᕈᓕᕐᓗᑎᑦ ᖃᓄᐃᓘᕈᑎᒥᓂᕐᓂᑦ; ᖃᐅᔨᒃᑲᐃᓗᑎᓪᓗ ᖃᐅᔨᓴᒥᓂᖏᓐᓂ ᐊᑐᓕᖁᔭᖏᓐᓂᓪᓗ ᐅᖃᕐᓗᑎᑦ; ᓴᖅᑭᔮᖅᑎᑦᑎᑲᓐᓂᕐᓗᑎᑦ ᑭᒃᑯᑐᐃᓐᓇᕐᓄᑦ ᐅᔾᔨᕆᔭᐅᖁᓪᓗᒋᑦ ᐅᓐᓂᕐᓘᑎᒥᓂᑦ ᖃᓄᖅ ᑲᒪᒋᔭᐅᓐᓂᕐᒪᖔᑕ.

-30-

ᑐᑭᓯᒋᐊᒃᑲᓐᓂᕈᑎᑦᓴᑦ

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᖃᐅᔨᒋᐊᕐᕕᒋᓗᒍ ᐅᓇ media@crcc-ccetp.gc.ca.
ᖃᕋᓴᐅᔭᒃᑯᑦ ᑐᑭᓯᒋᐊᕐᕕᔅᓴᖅ: www.complaintscommission.ca
ᖃᐅᔨᒋᐊᖃᑦᑕᕈᓐᓇᕐᒥᔪᑎᑦ ᐅᑯᑎᒎᓇ Twitter: @CRCC_CCETP

Date modified: