ᖃᓄᐃᓕᐅᕈᑎᕕᓂᖏᑦ ᕿᒥᕐᕈᐊᖅᑕᐅᕗᑦ ᐸᓖᓯᒃᑯᑦ ᐱᓕᕆᖃᑦᑕᕐᓂᕕᓂᖏᓐᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔭᐅᕙᓪᓕᐊᓂᖓ ᑕᐃᑲᓂ “V” ᐸᓖᓯᖃᕐᕕᒃ/ᓄᓇᕗᑦ

ᕿᒥᕐᕈᐊᖅᑕᐅᓂᖓᑦᑕ ᐊᑯᓂᐅᓂᖓ – ᐊᐃᕆᓕ 1, 2018-ᒥᑦ, ᒫᑦᓯ 31, 2022-ᒧᑦ

ᐸᓖᓯᒃᑯᑦ ᐱᖁᔭᕐᔪᐊᑦ
ᒪᓕᒐᖅ 45.34(1)

ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ

PDF Format [527KB]

Related Links

• News Release
  November 28, 2024
• Specified activity review of the RCMP's handling of the public complaint process in "V" Division / Nunavut
• RCMP Commissioner's Response
• Community-based Research [PDF]
• ᐱᓕᕆᓂᖏᑦ ᐃᓄᒋᐊᑦᑐᓄᑦ ᐅᓐᓂᕐᓗᖅᕕᐅᓲᓄᑦ ᐸᓕᓯᒃᑯᓄᑦ ᓄᓇᕗᒻᒥ [PDF]
• ᑐᓴᒐᒃᓴᖅ
  August 4, 2022
• Tuhagakhamik Tunihijut
  August 4, 2022
• News Release
  August 4, 2022
• ᒪᓕᒐᐃᑦ
• Kangiqhidjutit
• Systemic Review Terms of Reference

ᐊᐅᓚᑦᓯᔨᓂᑦ ᓇᐃᓈᖅᓯᒪᔪᑦ

ᐊᖏᔫᓕᕐᓂᖏᓐᓄᑦ ᐊᒻᒪᓗ ᐋᕿᒃᓯᓯᒪᖕᒪᑕ ᑭᒃᑯᑐᐃᓐᓇᐃᑦ ᐅᓐᓂᕐᓗᒃᕕᖃᕈᓐᓇᕐᓗᑎᒃ ᓄᓇᕗᒻᒥ (V ᐸᓖᓯᖃᕐᕕᖕᒥ) ᐱᒻᒪᕆᐅᕗᖅ ᑕᑯᑎᑦᑎᓂᐊᕋᑦᑕ ᑕᑯᒃᓴᐅᑦᑎᐊᕐᓂᑦᑎᓐᓂᒃ ᓵᑕᒃᓴᐅᓪᓗᑕᓗ ᐊᒻᒪᓗ ᐊᑑᑎᖃᖅᖢᑕ ᐃᓄᖏᓐᓄᑦ ᓄᓇᕗᑦ, ᐱᓗᐊᖅᑐᒥᒃ ᐃᓄᐃᑦ. ᐊᑐᖅᓯᑦᑎᐊᕈᑕᐅᓕᕈᓐᓇᕐᒥᖕᒪᑦ ᑭᒃᑯᑐᐃᓐᓇᑦ ᐅᓄᕐᓂᖅᓴᐅᖁᓪᓗᒋᑦ ᖁᒃᓴᓱᖃᑦᑕᕐᓂᐊᓐᖏᒻᒪᑕ ᐸᓖᓯᒃᑯᓂᒃ ᓄᓇᓖᑦ ᑕᖁᖃᑦᑕᓕᕈᑎᒃ ᐅᓐᓂᕐᓘᑕᐅᔪᑦ ᐅᒃᐱᕆᔭᐅᖃᑦᑕᖅᑐᑦ ᐱᓕᕆᐊᖑᖃᑦᑕᖅᑐᑦ, ᐊᒻᒪᓗ ᖃᐅᔨᓇᓱᒃᑕᐅᑦᑎᐊᖃᑦᑕᖅᑐᑦ ᑕᒪᕐᒥᒃ ᐊᒻᒪᓗ ᐱᐅᓚᔪᒥᒃ, ᐱᐅᓯᑐᖃᖏᓐᓄᑦ ᐊᑐᖅᓯᑦᑎᐊᖅᖢᑎᒃ. ᐅᓇ ᐊᖏᔪᒥᒃ ᐱᒻᒪᕆᐅᔪᑦ ᐸᓖᓯᖃᕐᕕᑦ ᓄᓇᕗᒻᒥ ᑕᐃᑲᓂ ᓴᐃᒪᖃᑎᒌᑦᑎᐊᕈᑎᒃᓴᓂᒃ ᐊᑐᖅᓯᒋᐊᖃᖅᑐᑦ ᐃᑲᔫᑎᓂᐊᕐᒪᑕ ᓄᓇᓕᖕᓄᑦ ᐱᔨᑦᑎᕋᖅᑕᖏᓐᓄᑦ ᓅᑉᐸᓪᓕᐊᓗᑎᒃ ᑐᑭᖃᑦᑎᐊᖅᑐᑎᒍᑦ.

ᑕᐃᒪᓗ ᐅᓄᓐᖏᖃᑦᑕᖅᓯᒪᔪᑦ ᑭᒃᑯᑐᐃᓐᓇᕐᓂᑦ ᐅᓐᓂᕐᓘᑕᐅᔪᑦ ᓄᓇᕗᒻᒥ ᖃᐅᔨᓇᖅᓯᓚᐅᖅᑐᑦ ᑕᐃᑲᓂ ᕿᒥᕐᕈᐊᕐᓇᐅᑎᓪᓗᒍ (75-ᖑᔪᑦ ᐃᓄᖕᓂᑦ ᐅᓐᓂᕐᓘᑕᐅᔪᑦ ᑕᐃᒪᖓᓂᑦ 4 ᐊᕐᕌᒍᓂ), ᑭᒃᑯᑐᐃᓐᓇᓂᑦ ᐅᓐᓂᕐᓘᑕᐅᔪᑦ ᐃᓄᖕᓂᒃ ᖃᐅᔨᓴᖅᓯᓂᖓ ᐊᑯᓂᐅᓗᐊᖅᓯᒪᔪᖅ ᐱᔭᕇᕋᓱᒃᖢᒍ ᐊᒻᒪᓗ ᑕᒪᕐᒥᐸᓗᑦᑎᐊᖅ ᖃᐅᔨᓴᕐᓂᖓ ᓈᒻᒪᒃᓯᔪᓐᓇᕋᑎᒃ ᐱᑕᑕᖃᑦᑕᓚᐅᓐᖏᑦᑐᑦ ᐃᓚᖏᑦ. ᐅᓇ ᐱᓗᐊᖅᑐᒥᒃ ᐱᔾᔪᑎᒋᓪᓗᒋᑦ ᐅᓂᒃᑳᓕᐊᖑᓚᐅᖅᑐᑦ ᑖᒃᑯᓇᖓᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓴᕿᑎᑦᑎᓯᒪᔪᑦ ᑕᐃᒫᒃᑕᐅᖅ ᐊᔾᔨᖏᓐᓂᒃ ᐱᔾᔪᑎᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᖃᐅᔨᓴᕈᓯᖃᓚᐅᖅᑐᑦ ᐊᒻᒪᓗ ᑎᑎᖃᖁᑎᒋᔭᐅᔪᑦ ᖃᐅᔨᓴᖅᑕᐅᓪᓗᑎᒃ.^{Footnote 1}

ᐱᔭᕆᐅᖅᓴᑎᑦᑎᓂᖅ ᑖᒃᑯᓄᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᑕᐅᕙᒃᑐᑦ ᒪᓕᒐᖅᑎᒍᑦ ᐊᑐᕆᐊᓕᑦ ᑕᐃᒫᒃ ᐱᔭᕆᐅᖅᓴᔭᐅᓯᒪᒋᐊᓕᑦ, ᒫᓐᓇᕈᖅᑎᓯᒪᑦᑎᐊᕐᓗᑎᒃ ᐊᒻᒪᓗ ᐊᖏᒡᓕᒋᐊᕐᓗᒍ ᖃᐅᔨᒪᓃᑦ ᑲᓇᑕᒥ ᐊᑐᐊᒐᓂᒃ, ᐊᒻᒪᓗ ᐊᑐᓕᖅᑎᑦᑎᓂᖅ ᐊᑐᐊᒐᕐᒥᒃ ᒪᓕᑦᑎᐊᕈᑕᐅᓂᐊᖅᑐᒥᒃ ᐃᑲᔪᕐᓂᐊᕐᓗᒋᑦ ᐸᓖᓯᒃᑯᑦ ᑎᑭᐅᑎᑦᑎᐊᕐᓂᐊᕐᒪᔾᔪᒃ ᑐᑭᓕᐅᕈᑎᒋᕙᓪᓕᐊᔪᑦ ᑕᒪᑐᒧᖓ. ᐱᒻᒪᕆᐅᓛᖑᕗᖅ, V ᐸᓖᓯᖃᕐᕕᒃ ᓴᕿᑦᑎᒋᐊᖃᖅᑐᖅ ᓇᖕᒥᓂᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐊᑐᐊᒐᖃᕐᓗᑎᒃ ᐅᑯᐊᓗ ᐃᑲᔫᑎᓂᐊᖅᑐᑦ ᐸᓖᓯᒃᑯᓄᑦ ᓄᓇᕗᒻᒥ. ᐸᓖᓯᒃᑯᑦ ᑲᔪᖏᖅᓴᔭᐅᕗᑦ ᓴᓇᖃᑎᖃᕐᓗᑎᒃ ᓄᓇᓕᖕᓂᒃ ᐊᒻᒪᓗ ᐃᓄᐃᑦ-ᐊᐅᓚᑦᑎᓗᑎᑦ ᑲᑎᒪᔨᑦ, ᐊᒻᒪᓗᑦᑕᐅᖅ ᑖᒃᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ, ᓴᕿᑦᑎᓗᑎᒃ ᓈᒻᒪᒃᑐᓂᒃ ᐱᐅᓯᑐᖃᕐᒧᑦ ᐅᓐᓂᕐᓗᒃᕕᒃᓴᓄᑦ ᐋᕿᒃᓯᔾᔪᑎᑦ ᐱᓕᕆᔾᔪᑎᖃᕐᓗᑎᒃ. ᓯᕗᓪᓕᐅᑎᒋᐊᓕᑦᑕᐅᖅ ᐃᖅᑲᓇᐃᔭᓕᕐᑎᑦᑎᕙᓪᓕᐊᓂᖅ ᐊᒻᒪᓗ ᐃᖅᑲᓇᐃᔭᖅᑎᑦᑏᓐᓇᕐᓂᖅ ᐃᓄᖕᓂᒃ ᑖᒃᑯᐊ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᖃᕐᓗᑎᒃ ᐊᒻᒪᓗ ᑎᑎᕋᖅᑎᖃᕐᓗᑎᒃ ᑕᐃᒫᒃ ᐸᓖᓯᖃᕐᕕᑦ ᐃᓂᖃᑦᑎᐊᕐᓂᐊᕐᒪᑕ ᐱᐅᓛᒥᒃ ᐱᔨᑦᑎᕋᕈᓐᓇᕐᓗᑎᒃ ᐊᑐᖅᓯᓗᑎᒃ ᓄᓇᓕᖕᓂᑦ ᐱᔭᐅᔪᒪᔪᓂᒃ, ᐱᓗᐊᖅᑐᒥᒃ ᐃᓄᐃᑦ ᓄᓇᖏᓐᓂ.

ᐃᓱᐊ, ᐸᓖᓯᒃᑯᑦ ᐊᒻᒪᓗ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓴᓇᖃᑎᒌᒃᓯᒪᔪᑦ ᖃᐅᔨᒪᑎᑦᑎᓂᖅᓴᐅᓕᖅᖢᑎᒃ ᐊᒻᒪᓗ ᐱᔭᒃᓴᐅᓕᖅᖢᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᓕᕆᔭᐅᓂᐊᕐᒪᑕ ᑕᐃᒫᒃ ᐊᑑᑎᖃᕐᓗᑎᒃ ᓄᓇᕗᒻᒧᑦ ᐊᒻᒪᓗ ᐃᓄᖏᓐᓄᑦ. ᐅᓇ ᐱᓕᔭᕇᖅᑕᐅᒋᐊᓕᒃ ᑐᑭᓯᓇᖃᑎᒌᖕᓂᒃᑯᑦ ᐃᓄᐃᑦ ᐊᐅᓚᑦᓯᔨᖏᑦ ᐊᒻᒪᓗ ᐱᐅᓯᕚᓪᓕᖅᑎᓪᓗᒋᑦ ᓴᕿᑦᑎᖃᑎᒌᖕᓂᖅ, ᐃᓱᒪᒋᔭᐅᑦᑎᐊᕐᓗᑎᒃ ᐃᓄᐃᑦ ᐱᐅᓯᑐᖃᖏᑦ ᐊᑑᑎᖃᖅᑐᑦ, ᐊᑐᓕᖁᔭᖏᑦ ᐅᑯᐊᓗ ᐋᕿᒃᑕᐅᓯᒪᔪᑦ ᐊᒥᓱᓂᑦ ᑲᒥᓴᓂᑦ ᐊᒻᒪᓗ ᐃᖅᑲᖅᑐᐃᕕᒃᑰᖅᑎᑦᑎᕙᖕᓂᖅ, ᐊᒻᒪᓗ ᑐᑭᒧᐊᒍᑎᖃᕐᓗᑎᒃ ᑐᓐᖓᔾᔪᑎᖏᓐᓂᒃ ᐃᓄᐃᑦ ᓄᓇᖓᑦ ᐊᑐᐊᒐᕐᒥᒃ.

ᐱᔾᔪᑖ ᑖᔅᓱᒪ ᐅᓂᒃᑳᖅ

ᑕᐃᑲᓂ ᔪᓚᐃ 21, 2022, ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ (CRCC) ᐸᓖᓯᒃᑯᓄᑦ ᐱᒋᐊᖅᑎᑦᑎᓚᐅᖅᑐᑦ ᐱᓕᕆᔾᔪᓯᕐᒥᖕᓂᒃ ᖃᐅᔨᓴᑦᑎᐊᖅᖢᑎᒃ ᐸᓖᓯᒃᑯᑦ ᑲᒪᓕᕌᖓᒥᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᐅᔪᒥᒃ ᓄᓇᕗᒻᒥ (V ᐸᓖᓯᖃᕐᕕᒃ).

ᖃᐅᔨᓴᖅᓯᓂᖅ ᐱᔾᔪᑎᖃᓚᐅᖅᑐᑦ ᑎᓴᒪᓂᑦ^{Footnote 2}:

1. ᐊᑐᐊᒐᐃᑦ, ᐱᐅᓯᑦ, ᐊᒻᒪᓗ ᑐᑭᒧᐊᒍᑎᑦ – ᖃᓄᑐᐃᓐᓇᖅ ᑎᑎᖃᑦ ᐅᑯᐊᓗ ᑐᑭᒧᐊᒍᑎᖏᑦ ᐸᓖᓯᒃᑯᑦ ᑭᒃᑯᑐᐃᓐᓇᐃᑦ ᐅᓐᓂᕐᓗᑳᖓᑕ ᐱᓕᕆᔾᔪᓯᖏᑦ ᓄᓇᕗᒻᒥ ᓈᒻᒪᒃᑐᑦ, ᐊᑑᑎᖃᑦᑎᐊᖅᑐᑦ, ᓈᒪᔪᑦ, ᐊᒻᒪᓗ ᑐᑭᓯᓇᑦᑎᐊᖅᑐᑦ
2. ᐱᔭᕆᐅᖅᓴᑎᑦᑎᓂᖅ – ᑲᓄᑐᐃᓐᓇᐅᒐᓗᐊᖅᐸᑦ ᐸᓖᓯᒃᑯᑦ ᐱᔭᕆᐅᖅᓴᑎᑦᑎᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᕐᒥᖕᓂᒃ ᑖᒃᑯᐊᓗ ᓈᒻᒪᒃᑲᓗᐊᕈᑎ, ᐊᑑᑎᖃᑦᑎᐊᕋᓗᐊᕈᑎᒃ, ᓈᒪᒐᓗᐋᕈᑎᒃ, ᐊᒻᒪᓗ ᑐᑭᓯᓇᑦᑎᐊᕋᓗᐊᕈᑎᒃ
3. ᒪᓕᑦᑎᐊᖅᑎᑦᑎᓂᖅ – ᖃᓄᑐᐃᓐᓇᐅᒐᓗᐊᖅᐸᑦ ᐸᓖᓯᒃᑯᑦ ᒪᓕᑦᑎᐊᕐᓗᑎᒃ ᐊᑐᐊᒐᕐᓂᒃ, ᐱᐅᓯᕐᓂᒃ, ᐊᒻᒪᓗ ᑐᑭᒧᐊᒍᑎᓂᒃ, ᐊᔪᖏᑦᑐᑦ ᖃᐅᔨᓇᓱᑦᑎᐊᕐᓗᑎᒃ ᑕᒪᓐᓇ ᒪᓕᑦᑎᐊᕐᒪᖔᑦ ᐊᒻᒪᓗ ᒪᓕᖕᒪᖔᑦ
4. ᑭᒃᑯᑐᐃᓐᓇᐃᑦ ᑕᐅᑦᑐᖓᑦ – ᐃᓄᐃᑦ ᓄᓇᕗᒻᒥ ᖃᐅᔨᒪᒐᓗᐊᖅᐸᑕ, ᐊᒻᒪᓗ ᐊᔪᖏᑦᑎᐊᕋᓗᐊᖅᐸᑕ, ᐸᓖᓯᒃᑯᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᖏᓐᓂᒃ

ᐅᓇ ᐅᓂᒃᑳᖅ ᐅᖃᐅᓯᖃᖅᑐᖅ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᕈᓯᖏᓐᓂᒃ, ᓇᓂᓯᔾᔪᓯᖏᓐᓂᒃ, ᐊᒻᒪᓗ ᐊᑐᓕᖅᑕᐅᖁᔭᖏᓐᓂᒃ.

ᑖᒃᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐃᒻᒥᒎᖅᑐᑦ ᑎᒥᐅᔪᑦ ᐱᔭᒃᓴᖃᖅᑐᑦ ᐅᓐᓂᕐᓘᑕᐅᔪᓂᒃ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ ᖃᐅᔨᓴᖅᑕᐅᑦᑎᐊᕐᓗᑎᒃ ᓈᒻᒪᒃᑐᒥᒃ ᐊᒻᒪᓗ ᐃᓚᑰᓐᖏᑦᑐᒥᒃ. ᑎᑎᕋᖅᓯᒪᕗᑦ ᐃᓗᐊᓂ ᐊᕕᒃᑐᖅᓯᒪᔪᓂ ᐃᓚᒌᑦ VI ᐊᒻᒪᓗ VII ᑖᒃᑯᓇᓂ ᐸᓖᓯᒃᑯᑦ ᐱᖁᔭᕐᔪᐊᑦ, ᑎᓕᓯᒪᔭᖏᑦ ᑖᒃᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐃᒪᓐᓇᐅᖁᓪᓗᒋᑦ:

• ᐱᔭᕌᖓᑕ ᐅᓐᓂᕐᓘᑎᒋᔭᐅᔪᓂᒃ ᑭᒃᑯᑐᐃᓐᓇᓂᑦ ᐱᔾᔪᑎᒋᓪᓗᒋᑦ ᐱᓕᕆᑦᑎᐊᓐᖏᓂᖏᓐᓂᒃ ᐸᓖᓯᒃᑯᑦ
• ᕿᒥᕐᕈᐊᑦᑎᐊᕐᓗᒋᑦ ᑕᐃᑲᓂ ᐃᓄᒃ ᖁᕕᐊᓱᓐᖏᔾᔪᑎᖃᖅᐸᑦ ᐸᓖᓯᒃᑯᑦ ᐱᓕᕆᔾᔪᑎᒋᔭᖏᓐᓂᒃ ᐅᓐᓄᕐᓘᑎᒥᖕᓄᑦ
• ᐃᖏᕐᕋᓯᑎᓪᓗᒋᑦ ᐅᓐᓂᕐᓘᑕᐅᔪᓄᑦ ᐊᒻᒪᓗ ᖃᐅᔨᓴᕐᓂᖅ ᐸᓖᓯᒃᑯᑦ ᐱᓕᕆᔾᔪᑎᖏᓐᓂᒃ ᑭᒃᑯᑐᐃᓐᓇᓄᑦ ᐱᓯᒪᓂᖃᖅᑎᓪᓗᒍ
• ᕿᒥᕐᕈᐊᕐᓗᒋᑦ ᓇᓪᓕᐊᖕᓂᑦ ᐸᓖᓯᒃᑯᑦ ᖃᓄᐃᓕᐅᕈᑎᒋᓚᐅᖅᑕᖏᑦ ("ᐱᓕᕆᔾᔪᓯᖏᓐᓂᒃ ᖃᐅᔨᓴᑦᑎᐊᕐᓗᑎᒃ")
• ᐅᖃᐅᓯᐅᔪᓂᑦ ᓇᓂᔭᐅᔪᑦ ᐊᒻᒪᓗ ᐊᑐᓕᖅᑕᐅᖁᔨᓗᑎᒃ
• ᖃᐅᔨᒪᑎᑦᑎᓗᑎᒃ ᑭᒃᑯᑐᐃᓐᓇᕐᓂᒃ ᐅᓐᓂᕐᓘᑕᐅᔪᒧᑦ ᐱᓕᕆᔾᔪᓯᕆᔭᒥᖕᓂᒃ

ᖃᓄᖅ ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᓕᕆᔾᔪᓯᖏᓐᓂᒃ ᖃᐅᔨᓴᕐᓂᐊᖅᐸᑦ

ᐸᓖᓯᒃᑯᑦ ᖃᓄᐃᓕᐅᕈᑎᒋᔭᒥᖕᓂᒃ ᐱᓕᑦᑎᐊᕋᓗᐊᕐᓂᕐᒪᖔᑕ ᒪᓕᒃᖢᑎᒃ ᒪᓕᒐᕐᓂᒃ, ᐱᖁᔭᕋᓛᓂᒃ, ᐅᕝᕙᓘᓐᓃᑦ ᒥᓂᔅᑕ ᑐᑭᒧᐊᒍᑖᓂᒃ, ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ:

• ᓇᓗᓇᐃᖅᓯᓗᑎᒃ ᓈᒻᒪᒃᓯᒪᓐᖏᑦᑐᓂᒃ ᐊᒻᒪᓗ ᐱᓕᕆᔾᔪᑎᒥᖕᓂ ᐱᔾᔪᑕᐅᔪᓂᒃ ᖃᐅᔨᓴᑦᑎᐊᕐᓗᒋᑦ ᐸᓖᓯᒃᑯᑦ ᐱᓕᕆᑎᑦᑎᔾᔪᑎᖏᑦ, ᖃᓄᐃᓕᐅᕈᑎᖏᑦ, ᐊᒻᒪᓗ ᐊᐅᓚᑕᕕᓂᖏᑦ
• ᐅᓂᒃᑳᑦ ᖃᓄᑐᐃᓐᓇᖅ ᐊᑐᐊᒐᐅᒐᓗᐊᕈᑎᒃ, ᐱᐅᓯᐅᒐᓗᐊᕈᑎᒃ ᐊᒻᒪᓗ ᑐᑭᒧᐊᒍᑎᐅᒐᓗᐊᕈᑎᒃ ᐱᓯᒪᓂᖃᖅᑎᓪᓗᒋᑦ ᐸᓖᓯᒃᖁᑯᓂᒃ ᐊᐅᓚᑦᑎᔾᔪᑎᖏᓐᓂᒃ ᐋᒻᒪᑦᑎᐊᕆᐊᖃᖅᑐᑦ, ᐊᑐᖅᓯᑦᑎᐊᕆᐊᖃᖅᑐᑦ, ᐊᒥᒐᓐᖏᓪᓗᑎᒃ, ᐊᒻᒪᓗ ᑐᑭᓯᓇᕐᓗᑎᒃ
• ᐊᑐᓕᖅᑕᐅᖁᔨᓗᑎᒃ ᐱᐅᓯᕚᓪᓕᖁᓗᒋᑦ ᑖᒃᑯᐊ ᐱᔾᔪᑕᐅᔪᑦ
• ᑎᑎᕋᖅᑕᐅᓗᑎᒃ ᐅᓂᒃᑳᓂ ᐊᒻᒪᓗ ᐸᓖᓯᒃᑯᑦ ᑭᐅᓯᔾᔪᑎᖏᑦ ᐱᐅᓯᕚᓪᓕᕈᑎᒃᓴᓄᑦ ᐸᓖᓯᒃᑯᑦ ᓵᑕᒃᓴᐅᔪᓐᓇᕐᓂᖏᑦ ᐊᒻᒪᓗ ᑕᑯᒃᓴᐅᑦᑎᐊᕆᐊᖃᕐᓂᖏᑦ
• ᖃᐅᔨᒋᐊᑎᐊᒃᑲᓐᓂᕐᓗᑎᒃ ᐊᑐᓕᖅᑎᑕᐅᔪᓂᑦ ᑭᖑᓂᐊᓂ ᐊᑐᓕᖁᔭᐅᓯᒪᔪᓂᒃ

ᐱᔾᔪᑎᖏᑦ ᖃᐅᔨᓴᕐᓗᑎᒃ ᐸᓖᓯᒃᑯᑦ ᐱᓕᕆᔾᔪᑎᒋᔭᕕᓂᖏᓐᓂᒃ ᑭᒃᑯᑐᐃᓐᓇᓂᒃ ᐅᓐᓂᕐᓗᒃᑎᓪᓗᒋᑦ ᐱᓕᕆᔾᔪᓯᖏᑦ ᓄᓇᕗᒻᒥ:

ᓄᑖᖑᕆᐊᖅᑎᓪᓗᒍ ᖃᐅᔨᓴᕈᓯᖓ ᑭᒃᑯᑐᐃᓐᓇᐃᑦ ᐅᓐᓂᕐᓗᒃᑎᓪᓗᒋᑦ ᐸᓖᓯᒃᑯᓄᑦ ᑭᖑᕙᓗᐊᖅᑐᖅ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᑭᖑᓪᓕᖅᐹᒥᒃ ᕿᒥᕐᕈᐊᕐᓂᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐸᓖᓯᒃᑯᓂᑦ ᑕᑕᑎᕆᐊᓕᒃᑎᒍᑦ ᑐᓂᔭᐅᓗᑎᒃ ᐸᓖᓯᒃᑯᓄᑦ ᐊᒻᒪᓗ ᔫᑳᓐ ᒐᕙᒪᒃᑯᖏᓐᓄᑦ, Review of Yukon's Police Force [ᕿᒥᕐᕈᐊᖅᑕᐅᓂᖓ ᔫᑳᓐ ᐸᓖᓯᒃᑯᑦ], ᓴᕿᑕᐅᓚᐅᖅᑐᖅ ᐋᒍᓯ 2010 ᐅᑯᐊᓗ ᖃᐅᔨᓇᓱᑦᑎᐊᖅᑐᑦ ᑭᒃᑯᑐᐃᓐᓇᐃᑦ ᐅᓐᓂᒃᓘᑎᖏᓐᓂᒃ ᑎᑎᕋᖅᓯᒪᔪᓂᒃ ᑕᐃᑲᖓᑦ 2005 ᑎᑭᓪᖢᒍ 2010.^{Footnote 3} ᐅᓇ ᕿᒥᕐᕈᐊᕐᓂᖅ ᒪᓕᒃᑕᐅᓚᐅᖅᑐᖅ ᐱᖓᓱᓂᒃ ᓯᕗᓂᑦᑎᓐᓂ ᐊᕐᕌᒍᑕᒫᑦ ᕿᒥᕐᕈᐊᖅᑕᐅᖃᑦᑕᖅᑐᓂᒃ (2007 ᑎᑭᓪᖢᒍ 2009) ᑭᒃᑯᑐᐃᓐᓇᓄᑦ ᐅᓐᓄᕐᓘᑎᖏᑦ ᑕᒪᐃᓐᓄᑦ ᐸᓖᓯᖃᕐᕕᖕᓄᑦ ᑕᒪᐃᓐᓂ ᑲᓇᑕᒥ: Review of the Record Project 2009 - Summary [ᕿᒥᕐᕈᐊᖅᑕᐅᓂᖓ ᑎᑎᕋᖅᓯᒪᔪᓂᒃ ᐱᓕᕆᐊᖑᔪᖅ 2009 – ᓇᐃᓈᖅᓯᒪᔪᖅ], Review of the RCMP's Public Complaint Records – 2008 [ᕿᒥᕐᕈᐊᕐᓂᖏᑦ ᐸᓖᓯᒃᑯᑦ ᑭᒃᑯᑐᐃᓐᓇᓂᑦ ᐅᓐᓂᕐᓗᑎᓂᒃ ᑎᑎᕋᖅᓯᒪᔪᓂᒃ – 2008] ᐊᒻᒪᓗ Review of the RCMP's Public Complaint Records – 2007 [ᕿᒥᕐᕈᐊᖅᑕᐅᓂᖓ ᐸᓖᓯᒃᑯᑦ ᑭᒃᑯᑐᐃᓐᓇᓄᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᓯᒪᔪᓂᒃ] – 2007.

ᐃᓱᒫᓘᑎᑦ ᐊᑑᑎᖃᕐᒪᖔᑕ ᑭᒃᑯᑐᐃᓐᓇᐃᑦ ᐅᓐᓂᒃᓘᑎᖏᓐᓄᑦ ᐱᓕᕆᔾᔪᓯᖓᑦ ᓄᓇᕗᒻᒥ

ᑕᐃᒪᖓᓂᑦ ᔮᓄᐊᕆ 2019, ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᓕᕆᖃᑎᖃᓚᐅᖅᑐᑦ ᓄᓇᕗᑦ ᒐᕙᒪᒃᑯᑦ ᐊᖓᔪᖅᑳᖏᓐᓂᒃ ᐊᒻᒪᓗ ᒐᕙᒪᐅᓐᖏᑦᑐᓂᒃ ᐊᐅᓚᑦᓯᔨᓂᒃ ᓄᓇᕗᒻᒥ, ᐅᑯᐊᓗ ᓴᕿᑦᑎᓚᐅᖅᑐᑦ ᐃᓱᒫᓘᑎᒥᖕᓂᒃ ᐸᓖᓯᓕᕆᓂᖓ V ᐸᓖᓯᖃᕐᕕᖓᓂ. ᐅᑯᐊ ᐃᓱᒫᓘᑎᑦ ᑐᓴᖅᑎᑦᑎᔾᔪᑕᐅᒃᑲᓐᓂᓚᐅᖅᑐᑦ ᑖᒃᑯᓇᖓᑦ ᑲᓇᑕᒥᐃᓄᐃᑦᖃᓄᐃᓕᓯᒋᐊᕈᑎᓄᑦᐸᕐᓇᐅᑦᐅᑯᓄᖓᑭᓐᖑᖅᑕᐅᓯᒪᔪᑦᐊᒻᒪᐃᓄᐊᖅᑕᐅᓯᒪᔪᑦᓄᓇᖃᖅᑳᖅᓯᒪᔪᑦᐊᕐᓇᐃᑦ, ᓂᕕᐊᖅᓯᐊᑦᐊᒻᒪ 2SLGBTQQIA+ ᐃᓄᓐᓄᑦ ᐅᑯᐊᓗ ᐅᖃᐅᓯᐅᓚᐅᖅᑐᑦ ᐸᓖᓯᒃᑯᓂᑦ ᐃᒡᓯᓐᓇᖅᑕᐅᖃᑦᑕᕐᓂᖏᑦ.

ᐱᔾᔪᑕᐅᔪᑦ ᐸᓖᓯᒃᑯᑦ ᐅᓐᓂᕐᓘᑕᐅᔪᓂᒃ ᐋᕿᒃᓯᔾᔪᑎᖏᑦ

ᖃᐅᔨᓴᑦᑎᐊᓚᐅᖅᑎᓪᓗᒋᑦ ᐅᓐᓂᕐᓘᑎᕕᓂᖏᑦ ᓄᓇᕗᒻᒥᑦ ᐊᕙᑖᓂᑦ ᐊᐃᕆᓕ 1, 2015 ᐊᒻᒪᓗ ᒫᑦᓯ 31, 2021, ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓗᓇᐃᓚᐅᖅᑐᑦ ᐃᒪᓐᓇ:

• ᐃᓚᖏᑦ ᖃᐅᔨᓴᖅᑕᐅᔪᑦ ᐊᑯᓂᐅᑎᒋᖃᑦᑕᖅᑐᑦ 3 ᑎᑭᓪᖢᒍ 5 ᐊᕐᕌᒍᓄᑦ ᐱᔭᕇᕋᓱᒃᖢᒋᑦ
• ᐃᓚᖏᑦ ᖃᐅᔨᓴᕐᓃᑦ ᐱᒋᐊᖅᑎᑕᐅᓯᒪᓐᖏᑦᑐᑦ ᐸᓖᓯᒃᑯᑦ ᖃᓂᒋᔮᓄᑦ ᒪᕐᕉᒃ ᐊᕐᕌᒍᑦ, ᑕᐃᒪᓐᓇᐅᓂᖓᓄᑦ ᐃᓚᖏᑦ ᖁᔭᓈᓚᐅᖅᑕᖏᑦ ᐅᓐᓂᓘᑎᕕᓂᖅᑎᒃ.
• ᖃᓂᒋᔮᓂ 2/3 ᐅᓐᓂᕐᓘᑎᑦ ᖁᔭᓈᖅᑕᐅᓚᐅᖅᑐᑦ ᐅᕝᕙᓘᓐᓃᑦ ᐋᕿᒃᑕᐅᑦᑎᐊᓚᐅᖅᑐᑦ – ᐅᓇ ᐳᓴᑎᖓ ᐊᖏᓂᖅᓴᐅᔪᖅ ᑖᒃᑯᓇᖓᓪᓕ ᑲᓇᑕᒥ ᖃᑦᓯᐅᕙᖕᓂᖏᓐᓂᑦ

ᒪᓕᒃᖢᒋᑦ National Guidebook—Public Complaints [ᑲᓇᑕᒥ ᑐᑭᒧᐊᒍᑎᑦ – ᑭᒃᑯᑐᐃᓐᓇᓂᑦ ᐅᓐᓂᕐᓘᑕᐅᔪᓄᑦ] (ᒫᓐᓇ ᐊᒻᒪᓗ 2017) ᐸᓖᓯᒃᑯᑦ ᐃᒋᑦᑎᑐᐃᓐᓇᖃᑦᑕᖅᓯᒪᔪᑦ ᐅᓐᓂᕐᓘᑎᓂᒃ ᐃᓗᐊᓂ 90 ᐅᓪᓗᑦ ᐱᓚᐅᖅᖢᓂᔾᔪᒃ ᐊᓂᒍᕌᖓᑕ ᐊᒻᒪᓗ ᑎᑎᕋᖅᑕᐅᒋᐊᖃᖅᖢᑎᒃ ᐊᑯᓂᐅᓕᖅᑎᑕᐅᒃᑲᓐᓂᕐᓂᐊᖅᐸᑕ.

ᐊᖏᓛᖑᓗᓂ ᐊᒻᒪᓗ ᑕᒪᒃᑭᖅᓯᑦᑎᐊᕐᓗᓂ ᑭᒃᑯᑐᐃᓐᓇᓂᑦ ᐅᓐᓂᕐᓘᑎᑦ ᐱᓕᕆᐊᖑᔪᓐᓇᕐᓗᑎᒃ ᐱᒻᒪᕆᐅᖅᐸᐅᕗᖅ ᐸᓖᓯᒃᑯᑦ ᓵᑕᒃᓴᐅᑦᑎᐊᕈᒪᒍᑎᒃ

ᔪᓇᐃᑎᑦ ᓇᐃᓴᓐᔅ ᑎᑎᕋᕐᕕᖓ ᐊᖓᔮᕐᓗᖕᓇᖅᑐᓄᑦ ᐊᒻᒪᓗ ᐱᕋᔭᐅᑎᓄᑦ Handbook on police accountability, oversight and integrity [ᒪᓕᒋᐊᓕᑦ ᓱᓕᔪᑦ ᐅᖃᓕᒫᒐᖅ ᐸᓖᓯᒃᑯᑦ ᓵᑕᒃᓴᐅᔭᕆᐊᖃᕐᓂᖏᓐᓂᒃ, ᑕᒻᒪᖅᑕᖏᑦ ᐊᒻᒪᓗ ᒪᓕᒋᐊᖃᖅᑐᑦ ᐱᕚᓪᓕᑦᑎᐊᕈᑎᒃᓴᓄᑦ] ᑐᑭᓯᑦᑎᐊᖁᔨᕗᖅ ᐱᒻᒪᕆᐅᓂᖓᓂ ᐊᑑᑎᖃᖅᑐᒥᒃ ᐊᐅᓚᑕᐅᑎᐊᕐᓗᑎᒃ ᑭᒃᑯᑐᐃᓐᓇᓄᑦ ᐅᓐᓂᕐᓘᑎᓕᕆᓂᖅ.^{Footnote 4} ᑕᒪᓐᓇ ᐱᓕᕆᔾᔪᑕᐅᔪᖅ ᐊᑐᖅᑕᐅᑦᑎᐊᖅᑎᓪᓗᒍ ᐊᔪᖏᑦᑎᐊᖅᑐᖅ, ᐃᒪᓐᓇ:

• ᐸᓖᓯᒃᑯᑦ ᓵᑕᒃᓴᐅᔪᑦ
• ᐃᑲᔫᑎᓗᑎᒃ ᐃᓄᐃᑦ ᑕᑎᒃᓴᕈᓐᓇᕐᓂᐊᕐᒪᑕ ᐸᓖᓯᒃᑯᓂᒃ
• ᐱᐅᓯᕚᓪᓕᕐᓗᒍ ᐸᓖᓯᓕᕆᑦᑎᐊᖃᑦᑕᕐᓗᑎᒃ ᓇᓗᓇᐃᖅᓯᓗᑎᒃ ᐃᓗᐊᓐᖏᔾᔪᑎᓂᒃ ᐱᐅᓯᕚᓪᓕᕆᐊᓕᑦ ᐅᕝᕙᓘᓐᓃᑦ ᐸᓖᓯᑐᖃᐃᓐᓇᖅ ᐊᑐᓂ ᑐᑭᒧᐊᒃᑎᑕᐅᔭᕆᐊᖃᖅᐸᑦ ᐅᕝᕙᓘᓐᓃᑦ ᐱᔭᕆᐅᖅᓴᑎᑕᐅᓗᓂ

ᖃᓄᐃᓕᖓᓂᖓ ᑭᒃᑯᑐᐃᓐᓇᐃᑦ ᐅᓐᓂᒃᓘᑎᖏᓐᓂᒃ ᐱᓕᕆᔭᐅᔾᔪᓯᖏᑦ

ᐱᔭᒃᓴᖃᖅᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᔾᔪᑎᖏᑦ ᐊᕕᒃᑎᒪᔪᑦ ᐊᕙᑖᓂᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᒻᒪᓗ ᐸᓖᓯᒃᑯᑦ. ᐸᓖᓯᒃᑯᑦ ᐱᓕᕆᖃᑦᑕᖅᑐᖅ ᑕᒪᐃᓐᓂᒃ ᑲᓇᑕᑎᒍᑦ ᐊᒻᒪᓗ ᐊᕕᒃᑐᖅᓯᒪᔪᑎᒍᑦ.

ᐸᓖᓯᒃᑯᑦ ᑲᓇᑕᑎᒍᑦ

ᐸᓖᓯᒃᑯᑦ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ (NPCD):

• ᐱᔭᒃᓴᖃᖅᑐᑦ ᑲᓇᑕᒥ ᐊᑐᐊᒐᑦ ᐊᒻᒪᓗ ᐱᔭᕆᐅᖅᓴᑎᑕᐅᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᖃᑦᑕᕐᓗᑎᒃ
• ᑐᑭᒧᐊᒃᑎᑦᑎᓲᑦ ᐸᓖᓯᖃᕐᕕᒃ ᖃᐅᔨᒪᔨᒻᒪᕆᐅᓗᑎᒃ ᐱᓕᕆᔪᓐᓇᕐᓂᐊᕐᒪᑕ ᐊᒻᒪᓗ ᐃᖅᑲᓇᐃᔭᖅᑎᑦ ᐊᐅᓚᑦᓯᔨᖓᑦ ᐸᓖᓯᑦ (EMRO)
• ᒪᓕᑦᑎᐊᕐᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᖃᐅᔨᓴᑦᑎᐊᕐᓗᒋᑦ ᐱᓕᕆᐊᖑᓗᑎᒃ ᑕᒪᐃᓐᓄᑦ ᐊᐅᓚᑦᓯᕕᖏᓄᑦ^{Footnote 5}

ᐸᓖᓯᖃᕐᕕᒃᑎᒍᑦ

ᑕᒪᕐᒥᒃ ᐸᓖᓯᒃᑯᑦ ᒪᓕᓲᑦ ᐊᔾᔨᒌᒥᒃ ᑕᒪᐃᓐᓄᑦ ᐱᒋᐊᕈᑎᓂᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᑐᓂ ᐸᓖᓯᖃᕐᕕᒃ ᐃᓚᖓᒍᑦ ᐳᖅᑐᓕᕇᖕᓂᖃᖅᑐᖅ ᖃᓄᖅ ᐱᓕᕆᔭᐅᔾᔪᑎᖏᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐃᓗᐊᓂ ᐸᓖᓯᖃᕐᕕᖕᒥᖕᓂ ᓄᓇᒥᖕᓂ.

ᓄᓇᕗᑦ

V ᐸᓖᓯᖃᕐᕕᒃ ᑎᓕᓯᓲᖅ ᐱᔭᒃᓴᓂᒃ ᖃᐅᔨᓴᖁᔨᓪᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐃᒪᓐᓇ ᐊᑖᓂ ᑎᑎᕋᖅᓯᒪᕗᑦ:

ᐱᔭᒃᓴᕆᓪᓗᒋᑦ	ᐃᓂᒋᓪᓗᒋᑦ
ᑲᒪᒋᕆᐊᖃᖅᖢᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐃᓗᐊᓂ ᐸᓖᓯᖃᕐᕕᑦ	ᐸᓖᓯᖃᕐᕕᑦ ᐊᐅᓚᑦᓯᓕᔨᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᒃᑯᑦ
ᖃᐅᔨᒪᔨᒋᔭᐅᔪᑦ ᑖᒃᑯᑎᒍᑦ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᑎᓕᓯᓲᑦ ᖃᐅᔨᓴᖅᑎᓂᒃ ᑲᒪᓲᑦ ᐊᑎᓕᐅᕆᓪᓗᑎᒃ ᐊᒻᒪᓗ ᐊᐅᓪᓚᕐᑎᑦᑎᓪᓗᑎᒃ ᑭᖑᓪᓕᖅᐹᖅᓯᐅᑎ ᖃᐅᔨᓴᕈᑕᐅᔪᑦ ᐅᓂᒃᑳᖓᓂᒃ ᑖᒃᑯᓄᖓ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᕿᒥᕐᕈᐊᕐᓂᐊᕐᒪᑕ	ᐃᖅᑲᓇᐃᔭᖅᑎᑦ ᐊᐅᓚᑦᓯᔨᖓᑦ ᐸᓖᓯᑦ
ᑎᑎᕋᖅᐸᒃᑐᑦ ᐊᒻᒪᓗ ᐊᑎᓕᐅᕆᓪᓗᑎᒃ ᑭᖑᓪᓕᖅᐹᖅᓯᐅᑎ ᐅᓂᒃᑳᖅ ᓇᓗᓇᐃᔭᑦᑎᐊᖅᓯᒪᔪᖅ ᓇᓂᔭᖏᓐᓂᒃ ᖃᐅᔨᓴᖅᑕᐅᔪᑦ	ᐊᕕᒃᑐᖅᓯᒪᔪᓂ ᖃᐅᔨᒪᔨᒋᔭᐅᔪᑦ ᑲᒥᓯᓇᐅᓐᖏᑦᑐᖅ ᓴᓇᔨ ᐅᕝᕙᓘᓐᓃᑦ ᐸᓖᓯᖃᕐᕕᒃ ᐊᖓᔪᖅᑳᖓ

ᑭᓲᓂᖏᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᓲᖏᑦ

ᑎᑎᖃᑦ ᐊᒻᒪᓗ ᓄᐊᓯᒪᔪᑦ

• ᑕᒪᕐᒥᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᓄᐊᑕᐅᓯᒪᔪᑦ V ᐸᓖᓯᖃᕐᕕᒃ ᕿᒥᕈᐊᖅᑕᐅᓕᖅᑎᓪᓗᒋᑦ (ᐊᐃᕆᓕ 1, 2018, ᑭᓪᖢᒍ ᒫᑦᓯ 31, 2022)
• ᐊᑑᑎᖃᖅᑐᑦ ᑲᓇᑕᒥ ᐊᑐᐊᒐᐃᑦ ᐊᒻᒪᓗ ᑐᑭᒧᐊᒍᑎᑦ
• ᐱᔭᕆᐅᖅᓴᐅᑎᑦ ᐊᒻᒪᓗ ᐃᓕᓐᓂᐊᕈᑎᑦ
• ᐸᓖᓯᖃᕐᕕᒃ ᐱᐅᓯᖏᑦ ᐊᐅᓚᑦᑎᓂᐊᖅᖢᑎᒃ
• ᐊᓯᖏᑦ ᐊᑑᑎᖃᖅᑐᑦ ᑎᑎᖃᑦ

ᐊᐱᖅᓱᖅᖢᒋᑦ

• ᐸᓖᓯᒃᑯᑦ ᐃᓚᐅᑎᑦᑎᖃᑦᑕᖅᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᑎᓪᓗᒋᑦ V ᐸᓖᓯᖃᕐᕕᖕᒥ
• ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐋᑐᕚᒥ
• ᓄᓇᕗᒻᒥ ᐃᓄᑐᐃᓐᓇᐃᑦ ᖃᐅᔨᒪᑦᑎᐊᖅᑕᖏᑦ ᐸᓖᓯᒃᑯᑦ ᑭᒃᑯᑐᐃᓐᓇᕐᓂᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᖏᑦ, ᐃᓚᒋᔭᐅᓪᓗᑎᒃ ᑎᐊᓕᑐᐊᓕ ᒐᕙᒪᒃᑯᑦ ᐊᖓᔪᖅᑳᖓᓂᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᑳᓐᑐᕌᒃᓯᓪᓗᑎᒃ NVision-ᑯᓂᒃ, ᓄᓇᖅᑲᖅᑳᖅᓯᒪᔪᓂᑦ-ᓇᖕᒥᓂᖁᑎᒋᔭᐅᔪᖅ ᑲᒻᐸᓂᐅᔪᖅ, ᐱᓕᕆᓪᓗᓂ ᓄᓇᓕᖕᓂ-ᐱᓯᒪᔪᓂᒃ ᖃᐅᔨᓴᖅᖢᑎᒃ. NVision-ᑯᑦ ᑎᑎᕋᓚᐅᖅᑐᑦ ᐅᓂᒃᑳᒥᒃ ᓇᓂᔭᐅᔪᓂᒃ, ᐃᓚᓕᐅᑎᓪᓗᒋᑦ ᐊᑐᓕᖁᔭᐅᔪᑦ ᖃᓄᖅ ᐱᐅᓯᕚᓪᓕᕈᓐᓇᖅᐸᑦ ᑭᒃᑯᑐᐃᓐᓇᓄᑦ ᐅᓐᓂᕐᓗᒍᑕᐅᔪᑦ ᐱᓕᕆᔾᔪᓯᖏᑦ ᓄᓇᕗᒻᒥ (Handling of Public Complaints by the RCMP in Nunavut [ᐱᓕᕆᐊᕆᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ ᓄᓇᕗᒻᒥ]).

ᐊᑐᓂ ᑎᑎᕋᖅᓯᒪᔪᑦ ᓇᓂᔭᒥᖕᓂᒃ ᐊᒻᒪᓗ ᐊᑐᓕᖁᔭᖏᑦ ᑎᑎᕋᖅᓯᒪᔪᑦ ᓇᓪᓕᐊᖕᓂᒃ ᑎᑎᖃᓂᒃ ᕿᒥᕐᕈᐊᓚᐅᕐᓂᕐᒥᖕᓂᒃ.

ᑕᒪᕐᒥᒃ ᑎᑎᕋᖅᓯᒪᔪᑦ ᕿᓲᓂᖏᑦ ᕿᒥᕐᕈᐊᓚᐅᖅᑕᕗᑦ, ᑕᑯᓗᒍ ᐅᐃᒍᖅ A.

ᐊᑐᓕᖁᔭᐅᔪᑦ

ᐱᔭᕇᕋᒥᒃ ᐱᓕᕆᔾᔪᓯᕐᒥᖕᓂᒃ ᖃᐅᔨᓴᑦᑎᐊᓚᐅᖅᖢᑎᒃ, ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐃᒪᓐᓇ ᐊᑐᓕᖅᑕᐅᖁᔨᓚᐅᖅᑐᑦ

ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᔭᐅᔪᑦ, ᐊᑐᓕᖁᔭᐅᔪᑦ ᐊᒻᒪᓗ ᖃᐅᔨᓇᓱᒃᑕᐅᑦᑎᐊᖅᓯᒪᔪᑦ

ᐊᑐᐊᒐᐃᑦ, ᐱᐅᓯᑦ, ᐊᒻᒪᓗ ᑐᑭᒧᐊᒍᑎᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᓲᑦ ᓈᒻᒪᖕᒪᖔᑕ, ᐊᑑᑎᖃᕐᒪᖔᑕ, ᐃᓚᖂᓐᖏᒻᒪᖔᑕ, ᐊᒻᒪᓗ ᑐᑭᓯᓇᑦᐊᑎᕐᒪᖔᑕ ᐊᑑᑎᖃᖅᑐᑦ ᐊᑐᐊᒐᐃᑦ, ᐱᐅᓯᑦ, ᐊᒻᒪᓗ ᑐᑭᒧᐊᒍᑎᑦ ᐊᐅᓚᑦᑎᓗᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ, ᖃᓄᖅ ᐊᑐᓕᖅᑎᑕᐅᓯᒪᕙᑦ, ᐊᒻᒪᓗ ᖃᓄᑐᐃᓐᓇᖅ ᐱᑕᖃᖅᑐᑦ ᐊᑐᖅᑕᐅᔪᑦ ᒥᐊᓂᕆᔾᔪᑎᑦ ᐊᒻᒪᓗ ᕿᒥᕐᕈᐊᕈᓯᑦ. ᐊᑑᑎᖃᖅᑐᑦ ᐊᑐᐊᒐᐃᑦ, ᐱᐅᓯᑦ, ᐊᒻᒪᓗ ᑐᑭᒧᐊᒍᑎᑦ ᐃᑲᔪᓲᑦ ᐃᓚᐅᔪᓂ ᑭᒃᑯᑐᐃᓐᓇᓄᑦ ᐅᓐᓂᕐᓘᑎᑦ ᐱᓕᕆᐊᖑᑎᓪᓗᓄᒋᑦ ᒪᓕᑦᑎᐊᖁᓪᓗᒋᑦ ᐃᓱᒪᓕᐊᕆᓂᖅ, ᓴᕿᑦᑎᓂᖅ ᑐᑭᓯᓇᑦᑎᐊᖅᑐᓂᒃ ᓂᕆᐅᓇᖅᑐᓂᒃ, ᐊᒻᒪᓗ ᐊᔾᔨᒌᓐᖏᓗᐊᖅᑐᓂᒃ ᑐᑭᑖᖅᑎᑕᐃᓕᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᓕᕆᓂᕐᒧᑦ ᖃᐅᔨᓴᕈᑕᐅᔪᓄᑦ ᐱᓕᕆᔾᔪᑕᐅᔪᑦ.

ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᓯᓪᓗᑎᒃ ᐱᖓᓱᑦ ᕿᑎᐊᓂᑦ ᐱᔾᔪᑕᐅᔪᑦ ᐊᒻᒪᓗ ᒪᕐᕉᖕᓂᒃ ᐱᖁᔨᕗᖔᕈᑎᓕᐅᓕᖅᑐᑦ.

ᑭᓲᓂᖏᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᓲᖏᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᓚᐅᖅᑐᑦ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐊᑐᐊᒐᒃᓴᓂᒃ, ᐅᑯᐊᓗ ᐃᓚᖃᖅᑐᑦ ᐅᑯᓂᖓ:

• ᐸᓖᓯᒃᑯᑦ ᑲᓇᑕᒥ ᐊᑐᐊᒐᖅ^{Footnote 6} ᓇᓗᓇᐃᑦᑎᐊᖅᓯᒪᔪᑦ ᒪᓕᒐᖅᑎᒍᑦ ᐊᑐᖅᑕᐅᒋᐊᓕᖕᓂ ᐃᓚᖓ VII ᐸᓖᓯᒃᑯᑦ ᐱᖁᔭᕐᔪᐊᖓ ᐱᓯᒪᓂᖃᖅᑐᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ. ᑕᒪᐃᓐᓄᑦ, ᐅᖃᖅᓯᒪᔪᖅ ᑭᓱ ᐱᓕᕆᔭᕆᐊᖃᕐᒪᖔᑕ ᐊᒻᒪᓗ ᑭᓇᐅᑉ ᐱᔭᒃᓴᕆᖕᒪᖔᒍ (ᐆᒃᑑᑎᒋᓪᓗᒍ, ᑭᓇ ᐱᕙᒃᐸ ᐅᓐᓂᕐᓘᑎᓂᒃ, ᑭᓇ ᖃᐅᔨᓴᖅᓂᐊᖅᐸ, ᐊᒻᒪᓗ ᑭᓇ ᐅᓂᒃᑳᓕᐅᕐᓗᓂ).
• ᐅᓇ ᑐᑭᒧᐊᒍᑎ ᐅᑯᐊ ᑎᑎᕋᖅᓯᒪᔪᑦ ᖃᓄᐃᓕᐅᕈᑎᒃᓴᓂᒃ, ᐱᓕᕆᔾᔪᓯᑦ, ᐊᒻᒪᓗ ᖃᓄᐃᑉᐸᓪᓕᐊᓂᐊᖅᑐᑦ ᖃᓄᐃᓕᖓᓕᕐᒪᖔᑕ ᖃᐅᔨᓇᓱᓕᕈᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᕐᓗᑎᒃ ᒪᓕᒃᓗᒋᒃ ᐊᑐᐊᒐᐃᑦ, ᒪᓕᒐᐃᑦ, ᐊᒻᒪᓗ ᐱᖁᔭᕋᓛᑦ (ᐅᓪᓗᓕᖅᓯᒪᔪᖅ ᕕᕗᐊᕆ 23, 2017).^{Footnote 7}

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐅᑯᐊᑦᑕᐅᖅ ᐊᐱᖅᓱᓚᐅᖅᑐᑦ ᐸᓖᓯᒃᑯᑦ ᐊᒻᒪᓗ ᕿᒥᕐᕈᐊᖅᖢᒋᑦ V ᐸᓖᓯᖃᕐᕕᒃ ᐱᐅᓯᖏᑦ ᐊᐅᓚᑦᑎᓂᕐᒧᑦ, ᐊᒻᒪᓗ NVision-ᒃᑯᑦ ᐊᐱᖅᓲᑎᖏᑦ ᐊᒻᒪᓗ ᐅᓂᒃᑳᖓ, ᐊᒻᒪᓗ ᑖᒃᑯᓄᖓ ᐊᑕᔪᑦ ᑎᑎᖃᑦ.

ᓇᓂᔭᐅᔪᖅ 1: ᑲᓇᑕᒥ ᐊᑐᐊᒐᖅ ᓈᒻᒪᓐᖏᑦᑐᖅ ᐅᕝᕙᓘᓐᓃᑦ ᑐᑭᓯᓇᓐᖏᑦᑐᖅ

ᐊᑐᓕᖁᔭᐅᔪᖅ 1: ᐅᑯᐊ ᐸᓖᓯᒃᑯᑦ ᖃᓄᐃᓕᖓᓕᕐᒪᖔᑕ ᑲᓇᑕᒥ ᑭᒃᑯᑐᐃᓐᓇᕐᓂᑦ ᐅᓐᓂᕐᓘᑕᐅᔪᓂᒃ ᐊᑐᐊᒐᖏᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᓯᓚᐅᖅᑐᑦ ᑖᒃᑯᐊ ᑲᓇᑕᒥ ᐊᑐᐊᒐᐃᑦ ᓈᒻᒪᒃᑐᑦ ᐊᒻᒪᓗ ᐃᓄᐃᒃᑲᖓᔪᑦ ᐱᒻᒪᕆᐅᔪᓂᒃ ᐃᓚᒃᓴᖏᓐᓂᒃ ᑖᒃᑯᐊ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᑦ ᐊᒻᒪᓗ ᒪᓕᑦᑎᐊᖅᑐᑦ ᒪᓕᒐᕐᓂᒃ ᑕᐃᒪᓐᓇᐅᔭᕆᐊᖃᖅᑎᑕᐅᔪᒥᒃ ᐸᓖᓯᒃᑯᑦ ᐱᖁᔭᕐᔪᐊᖓᑎᒍᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᓈᒻᒪᓐᖏᑦᑐᖃᓚᐅᖅᑐᑦ, ᐃᓚᓕᐅᑎᓯᒪᓚᐅᓐᖏᑦᑐᑦ ᑕᐃᒪᓐᓇᐅᔭᕆᐊᖃᖅᑐᑦ ᒥᐊᓂᕆᓗᓂ ᐅᕝᕙᓘᓐᓃᑦ ᕿᒥᕐᕈᐊᖅᑕᐅᓗᓂ ᐊᑑᑎᖃᖅᑐᓂᒃ ᐊᑯᐊᒐᖅ ᐅᕝᕙᓘᓐᓃᑦ ᐃᓚᓕᐅᑎᓯᒪᓪᓗᑎᒃ ᖃᓄᑐᐃᓐᓇᖅ ᒪᓕᒃᑕᐅᔪᓐᓇᕐᓂᖏᑦ ᐊᒻᒪᓗ ᖃᐅᔨᓴᖅᑕᐅᓗᑎᒃ ᒪᓕᒃᑎᐊᕆᐊᖃᕐᓂᖏᑦ. ᐅᑯᐊ ᑲᓇᑕᒥ ᐊᑐᐊᒐᖅ ᑐᑭᓯᓇᑦᑎᐊᓚᐅᓐᖏᒻᒥᔪᑦ ᐃᓚᖏᑦ ᐊᒻᒪᓗ ᐊᔾᔨᒌᒃᑑᑕᐅᓪᓗᑎᒃ ᑐᑭᒧᐊᒍᑎᓂ.

ᐅᓇ ᑲᓇᑕᒥ ᐊᑐᐊᒐᖅ ᑐᑭᓯᓇᑦᑎᐊᓐᖏᑦᑐᖅ ᐊᒻᒪᓗ ᑕᑭᓗᐊᖅᑐᖅ

ᐅᑯᐊ ᑐᑭᓕᐅᕈᑕᐅᕙᓪᓕᐊᔪᖅ ᐊᑐᐊᒐᖅ ᐋᕿᒃᓱᖅᓯᒪᓐᖏᑦᑐᑦ ᑐᓐᖓᔾᔪᑎᖏᑦ, ᐊᑑᑎᖃᖅᑐᑦ, ᐊᒻᒪᓗ ᐱᔾᔪᑎᖏᑦ ᓂᕆᐅᓇᖅᑐᑦ ᖃᓄᖅ ᐋᕿᒍᑎᓂᐊᕐᒪᖔᑕ ᐃᑲᔫᑎᑦ ᒪᓕᑦᑎᐊᕐᓗᑎᒃ ᐃᓱᒪᓕᐅᕆᓂᕐᒧᑦ. ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓗᓇᐃᖅᓯᓯᒪᔪᑦ ᐅᑯᓂᖓ ᐊᑖᓂ ᐱᔾᔪᑎᑦ ᑲᓇᑕᐅᑉ ᐊᑐᐊᒐᖏᓐᓂ:

• ᐃᓚᖏᑦ ᐊᕕᒃᑐᖅᓯᒪᔪ ᑐᑭᓯᔭᕐᓂᓐᖏᑦᑐᑦ. ᐆᒃᑑᑎᒋᓪᓗᒍ, ᐃᓚᖓ 4.2 ᑕᑭᓗᐊᖅᑐᖅ, ᑐᑭᓯᓇᖅᑐᒥᒃ ᑐᑭᒧᐊᒃᑎᑦᑎᓂᖃᓐᖏᑐᖅ, ᐊᒻᒪᓗ ᐅᖃᖅᓯᒪᔪᖅ ᐸᓖᓯᒃᑯᑦ ᐱᖁᔭᕐᔪᐊᖓ ᐊᒥᓱᐃᖅᓯᒪᓗᐊᖅᖢᓂ. ᐅᓇ ᑕᐃᒪᓐᓇᐅᔭᕆᐊᖃᖅᑎᑦᑎᔪᖅ ᐃᓚᒋᔭᐅᔪᑦ ᐅᓯᖅᑕᕐᓗᑎᒃ ᐊᕙᑖᓂᑦ ᐸᓖᓯᒃᑯᑦ ᐱᖁᔭᕐᔪᐊᖏᑦ ᐊᒻᒪᓗ ᑲᓇᑕᒥ ᐊᑐᐊᒐᖅ.^{Footnote 8}
• ᖃᓄᕆᑦᑐᑐᐃᓐᓇᐃᑦ ᖃᕆᓴᐅᔭᒃᑯᑦ ᐊᑦᑕᑕᐅᑎᑦ ᐊᔪᕐᓗᑎᒃ. ᐃᓚᖏᑦ ᖃᕆᓴᐅᔭᒃᑯᑦ ᐊᑦᑕᑕᐅᑎᑦ ᐊᔪᑦᑎᐊᖅᑐᑦ, ᐊᒻᒪᓗ ᐊᓯᖏᑦ ᐊᔾᔨᒋᖃᑦᑕᓐᖏᑕᖏᑦ ᑐᕌᕈᑎᖓᑕ ᐊᑦᑕᑕᕈᑎᖓᓄᑦ.
• ᑲᓇᑕᒥ ᐊᑐᐊᒐᖅ ᐊᒻᒪᓗ ᑐᑭᒧᐊᒍᑎ ᐃᒻᒥᖕᓄᑦ ᐋᕿᐅᑎᑦᑎᐊᕌᐃᓐᓄᒍᓐᓇᓐᖏᑦᑐᑦ. ᐃᓚᖏᑦ ᑎᑎᕋᖅᓯᒪᓂᖏᑦ ᐊᔾᔨᓕᐅᕆᓯᒪᔪᑦ, ᐅᑯᐊᓗ ᑕᒪᕐᒥᒃ ᑎᑎᖃᑦ ᑕᑭᓗᐊᖅᑐᐊᓘᓪᓗᑎᒃ. ᐃᓚᖏᑦ ᐊᔪᕆᖅᓲᔾᔨᔪᑦ ᑲᓇᑕᒥ ᐊᑐᐊᒐᖅ ᓇᓗᓇᐃᑯᓗᓗᐊᖅᓯᒪᔪᑦ ᐊᒻᒪᓗ ᐊᑑᑎᖃᕐᓂᖅᓴᐅᓇᔭᖅᑐᑦ ᑐᑭᒧᐊᒃᑎᑦᑎᔾᔪᑎᐅᓗᑎᒃ. ᑲᓇᑕᒥ ᐊᑐᐊᒐᖅ ᐃᓗᓕᖃᓐᖏᑦᑐᖅ ᐊᑦᑕᑕᐅᑎᒥᒃ ᑐᑭᒧᐊᒍᑎᓄᑦ, ᑕᒪᔾᔭᐅᒐᓗᐊᖅᑎᓪᓗᒋᑦ ᖃᐅᔨᒪᑎᑦᑎᕕᑦ ᑐᑭᒧᐊᒍᑎᓂ ᐊᒥᓱᓂ ᑎᑎᕋᖅᓯᒪᔪᓂᒃ.

ᐅᓇ ᑕᐃᒪᓐᓇᐅᔭᕆᐊᖃᖅᑎᓯᒪᓐᖏᑦᑐᑦ ᒥᐊᓂᕆᓂᐊᕐᓗᓂ ᐅᕝᕙᓘᓐᓃᑦ ᕿᒥᕐᕈᐊᕐᓂᐊᕐᓗᓂ ᐊᑐᐊᒐᐃᑦ ᒪᓕᑦᑎᐊᕐᒪᖔᑕ

ᐅᓇ ᑲᓇᑕᒥ ᐊᑐᐊᒐᖅ ᐱᓕᕆᔭᕆᐊᖃᖅᓯᒪᓐᖏᑕᖓ ᒥᐊᓂᕆᓂᖅ ᐅᕝᕙᓘᓐᓃᑦ ᕿᒥᕐᕈᐊᕐᓂᖅ ᖃᓄᖅ ᐊᑐᐊᒐᖅ ᐊᑑᑎᖃᑦᑎᐊᕐᒪᖔᑦ ᐊᒻᒪᓗ ᐊᑐᓕᖅᑎᑕᐅᓗᓂ ᐋᕿᑦᑎᐊᖅᓯᒪᓗᓂ. ᐅᖃᖅᓯᒪᓐᖏᑦᑐᖅᑕᐅᖅ ᒪᓕᒋᐊᖃᕐᒪᖔᑕ ᕿᒥᕐᕈᐊᕆᐊᑐᓐᖏᑦᑐᑦ ᐅᖃᖅᓯᒪᔪᖅ. ᐊᑑᑎᖃᖅᑐᖅ ᐊᑐᐊᒐᕐᒧᑦ ᓵᑕᒃᓴᐅᑎᑦᑎᔾᔪᑎᑦ ᐃᓚᖃᕆᐊᖃᖅᑐᑦ ᐊᑖᓂ ᑎᑎᕋᖅᓯᒪᔪᑦ ᐃᓪᓚᓪᓚᕆᖏᑦ^{Footnote 9}:

• ᑕᒪᕐᒥᑦᑎᐊᖅ ᑐᓴᒐᒃᓴᓂᒃ ᓄᐊᑦᑎᓂᖅ ᐊᑐᐊᒐᕐᒧᑦ ᐊᑕᔪᑦ ᐊᒻᒪᓗ ᐱᓕᕆᔾᔪᓯᑦ
• ᑐᑭᓯᔪᓐᓇᕐᓗᒋᑦ, ᐱᓕᕆᔾᔪᓯᑦ, ᐊᒻᒪᓗ ᐊᑐᖅᑕᐅᑎᓪᓗᒋᑦ ᑐᓴᒐᒃᓴᑦ ᒪᓕᒃᑐᑦ ᐃᒻᒥᒍᑦ ᖃᐅᔨᓴᖅᓯᓂᕐᒧᑦ ᐱᓕᕆᔾᔪᓯᖏᓐᓂᑦ
• ᐃᒻᒥᒍᑦ ᑐᓴᒐᒃᓴᓂᒃ-ᑐᓴᕐᑎᑦᑎᓂᖅ ᐊᑕᔪᓄᑦ ᐊᑐᐊᒐᕐᒥᒃ ᓴᕿᑎᑦᑎᓂᕐᒧᑦ ᒥᐊᓂᕆᓂᐊᕐᓗᓂ ᑐᓴᒐᒃᓴᓂᒃ
• ᖃᐅᔨᓴᕈᓯᑦ ᐱᐅᓯᖏᑦ ᐅᑯᐊ ᐃᑲᔫᑎᔪ ᐱᕙᓪᓕᐊᑎᑦᑎᓂᕐᒧᑦ ᓄᑖᓂᒃ ᐊᑐᐊᒐᕐᓂᒃ, ᐱᐅᓯᕐᓂᒃ, ᐊᒻᒪᓗ ᐊᔪᕈᒻᓲᔾᔨᔪᓂᒃ

ᑲᓇᑕᒥ ᐊᑐᐊᒐᖅ ᐱᓯᒪᓂᖃᓐᖏᑦᑐᖅ ᐊᖑᑎᑦ ᐊᕐᓇᐃᓪᓗ ᐊᓯᖏᓪᓗ ᖃᐅᔨᓴᖅᑕᐅᓂᖏᑦ ᑕᐅᑦᑐᖏᑦᑎᒍᑦ

ᐊᖑᑎᑦ ᐊᕐᓇᐃᓪᓗ ᐊᓯᖏᓪᓗ ᖃᐅᔨᓴᖅᑕᐅᓂᖏᑦ ᖃᐅᔨᓴᕈᓯᕐᒥᒃᑎᒍᑦ ᐃᖏᕐᕋᓂᖃᖅᑐᑦ ᐊᑐᖅᑕᐅᔪᖅ ᖃᐅᔨᓇᓱᒃᖢᑎᒃ ᖃᓄᖅ ᐊᔾᔨᒌᓐᖏᑦᑐᑦ ᑭᒃᑯᑐᐃᓐᓇᐃᑦ ᐊᑐᖅᓯᓂᐊᖅᐸᑦ ᐊᑐᐊᒐᕐᓂᒃ, ᐱᓕᕆᑎᑦᑎᔾᔪᑕᐅᔪᓂᒃ, ᐊᒻᒪᓗ ᐃᖏᕐᕋᓯᑎᑕᐅᓯᒪᔪᓂᒃ. ᒪᓕᒃᖢᒋᑦ ᐊᕐᓇᐃᑦ ᐊᒻᒪᓗ ᐊᖑᑎᑦ ᐊᕐᓇᐃᓪᓗ ᐊᓯᖏᓪᓗ ᖃᐅᔨᓴᖅᑕᐅᓂᖏᑦ:

ᐊᖑᑎᑦ ᐊᕐᓇᐃᓪᓗ ᐊᓯᖏᓪᓗ ᖃᐅᔨᓴᖅᑕᐅᓂᖏᑦ ᐱᓕᕆᔾᔪᓯᖃᖅᑐᑦ ᑐᑭᓯᔭᒃᑯᑦ ᐅᑯᐊᓗ ᐊᒃᑐᖅᑕᐅᔪᑦ ᐱᔾᔪᑕᐅᔪᓄᑦ ᐱᓕᕆᐊᖑᔪᓂ ᐃᖏᕐᕋᓯᑎᑕᐅᓯᒪᔪᑎᒍᑦ; ᓇᓗᓇᐃᖅᓯᓗᑎᒃ ᖃᓄᖅ ᐃᖏᕐᕋᓯᑎᑕᐅᓯᒪᔪᑦ ᑖᒃᑯᓄᖓ ᐋᕿᒃᓯᒪᔪᓐᓇᖅᐸᑦ ᑎᑭᐅᑎᓂᐊᕐᓗᑎᒃ ᐊᔾᔨᒌᓐᖏᑑᑎᓂᒃ ᐱᔭᐅᔪᒪᔪᓂᑦ ᐃᓄᖕᓂᑦ ᐊᒃᑐᖅᑕᐅᓛᖑᔪᓂᑦ; ᐊᒻᒪᓗ ᓂᕆᐅᓇᖅᑐᑦ ᐊᒻᒪᓗ ᐊᒃᑐᓗᐊᖅᑕᐃᓕᑎᑦᑎᓂᖅ ᓇᓕᐊᑐᐃᓐᓇᓂᑦ ᑐᓗᖅᑕᐅᑎᓂᑦ ᐱᓇᓱᒃᖢᓂ ᐅᕝᕙᓘᓐᓃᑦ ᐃᑲᓰᐊᖅᑖᕋᓱᒃᖢᓂᒃ ᑕᒪᑐᒪᖓᑦ ᐃᖏᕐᕋᓯᑎᑕᐅᓯᒪᔪᓂᑦ.^{Footnote 10}

ᑲᓇᑕᒥ ᐊᑐᐊᒐᖅ ᑕᐃᒪᓐᓇᐅᔭᕆᐊᖃᖅᑎᑦᑎᓐᖏᑦᑐᖅ ᐅᕝᕙᓘᓐᓃᑦ ᑲᔪᖏᖅᓴᐃᑎᑦᑎᓐᖏᑦᑐᖅ ᐸᓖᓯᒃᑯᑦ ᐋᕿᒃᓱᐃᓗᑎᒃ ᐅᕝᕙᓘᓐᓃᑦ ᐱᓯᒪᓂᖃᕐᓗᑎᒃ ᐊᔾᔨᐅᓐᖏᑦᑐᓄᑦ ᖃᓄᐃᓕᖓᔪᓄᑦ ᐸᓖᓯᖃᕐᕕᒃ ᐊᕕᒃᑐᖅᓯᒪᔪᓂ ᐊᑐᐊᒐᕐᓂᒃ. ᐊᑑᑎᖃᖅᑎᓪᓗᒋᑦ ᐊᖑᑎᑦ ᐊᕐᓇᐃᓪᓗ ᐊᓯᖏᓪᓗ ᖃᐅᔨᓴᖅᑕᐅᓂᖏᑦ ᐊᓯᖏᓪᓗ ᑕᑯᔪᒪᔭᖏᓐᓂᒃ ᐃᑲᔪᕈᓐᓇᖅᑐᑦ ᐸᓖᓯᖃᕐᕕᑦ ᑐᑭᓯᓇᑦᑎᐊᖅᑎᑦᑎᓪᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᓯᖏᓐᓂᒃ ᐃᓗᐊᓂ ᐱᓕᕆᕕᒋᔭᒥᖕᓂ. ᑕᐃᒪᓗ ᑲᓇᑕᒥ ᐊᑐᐊᒐᖅ ᓈᒻᒪᓐᖏᑦᑐᖅ ᐃᓚᓕᐅᑎᔭᕆᐊᒃᓴᖓ ᐊᒻᒪᓗ ᐊᑐᕆᐊᒃᓴᖓ ᐃᖏᕐᕋᓯᑎᑕᐅᓯᒪᔪᓄᑦ ᐱᓯᒪᓂᖅᑎᓪᓗᒋᑦ ᓇᓪᓕᐊᖕᓄᑦ ᐸᓖᓯᖃᕐᕕᖕᒧᑦ, ᓴᕿᑦᑎᔭᕆᐊᖃᖅᑐᑦ ᐊᒻᒪᓗ ᐊᑐᕆᐊᖃᖅᑐᑦ ᐸᓖᓯᖃᕐᕕᑦ ᐊᑐᐊᒐᖓᓂᒃ ᐃᑲᔪᕐᓂᐊᕐᓗᒋᑦ V ᐸᓖᓯᖃᕐᕕᒃ ᐱᓕᕆᐊᕆᓂᐊᕐᓗᒋᑦ ᑖᒃᑯᐊ ᐃᖏᕐᕋᓯᑎᑕᐅᓯᒪᔪᑦ ᓲᕐᓗ:

• ᐅᓇ ᒐᕙᒪᑐᖃᒃᑯᑦ ᐃᓄᐃᑦ ᓄᓇᖓᓄᑦ ᐊᑐᐊᒐᖅ – ᐅᓇ ᐊᑐᐊᒐᖅ ᐊᑐᖅᑕᐅᓲᖅ ᑕᒪᐃᓐᓄᑦ ᒐᕙᒪᑐᖃᒃᑯᑦ ᐊᐅᓚᑦᓯᕕᖏᓐᓂᑦ ᐊᒻᒪᓗ ᑎᒥᖁᑎᖏᓐᓂᑦ, ᐊᒻᒪᓗ ᑐᕌᖅᑐᖅ "…ᓴᕿᑦᑎᓗᑎᒃ ᐃᓅᓯᓕᕆᓂᕐᒧᑦ-ᒪᕿᒪᓇᓱᐊᕈᑎᒃᓴᓄᑦ ᐊᒻᒪᓗ ᐱᐅᓯᑐᖃᕐᒧᑦ ᐃᓚᐃᓐᓈᖅᑕᐅᓐᖏᓪᓗᑎᒃ ᐊᕙᑖᓂᑦ ᐃᓄᐃᑦ ᐊᒻᒪᓗ ᐊᓯᖏᑦ ᑲᓇᑕᒥᐅᑦ." ᐅᓇ ᐊᑐᐊᒐᖅ ᑲᔪᐃᖅᓴᐃᔪᖅ ᐃᓄᐃᑦ ᓄᓇᖓᓂ ᐱᒋᐊᕈᑕᐅᓗᓂ ᓴᕿᑦᑎᓗᑎᒃ ᐱᔨᑦᑎᕋᐅᑎᓂᒃ ᑖᒃᑯᐊᓗ ᐊᑑᑎᖃᖅᑐᑦ ᐃᓄᖕᓄᑦ: "ᐃᓄᐃᑦ ᖃᐅᔨᒪᓂᖅᐹᑦ ᑖᒃᑯᓂᖓ ᐱᔾᔪᑕᐅᔪᓂᒃ ᐊᒃᑐᐃᔪᓂᒃ ᓄᓇᓕᖕᓂᒃ, ᐊᕕᒃᑐᖅᓯᒪᔪᓂᒃ, ᐊᒻᒪᓗ ᓄᓇᖃᑎᒌᖕᓂᒃ ᐊᒻᒪᓗ, ᑕᐃᒪᐃᒻᒪᑦ, ᑕᒪᐃᓐᓂᑦ ᐃᓂᖃᖅᑐᑦ ᐊᒻᒪᓗ ᐱᔭᒃᓴᖃᖅᑐᑦ ᐃᓱᒪᓕᐅᕆᓗᑎᒃ ᑖᒃᑯᐊ ᐊᑑᑎᖃᖅᑐᑦ ᐃᓄᖕᓄᑦ ᐊᒻᒪᓗ/ᐅᕝᕙᓘᓐᓃᑦ ᐃᓄᐃᑦ ᓄᓇᖓᓄᑦ."
• ᐃᓄᐃᑦ ᐱᐅᓯᑐᖃᖏᑦ ᐊᑑᑎᓕᑦ – ᐅᑯᐊ ᒪᓕᒃᑐᑦ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪᓗ ᐃᓚᓕᐅᑎᔭᕆᐊᓕᑦ ᐱᓕᕆᔾᔪᓯᕐᓄᑦ ᐊᒃᑐᐃᔪᑦ ᐃᓄᖕᓂᒃ ᓄᓇᓕᖕᓂ ᑕᐃᒪᓗ ᐊᑑᑎᖃᑦᑎᐊᕐᓂᐊᕐᒪᑕ.

ᓇᓂᔭᐅᔪᖅ 2: V ᐸᓖᓯᖃᕐᕕᒃ ᐱᑕᖃᓐᖏᑦᑐᖅ ᐊᕕᒃᑐᖅᓯᒪᔪᓄᑦ-ᐱᓯᒪᓂᖃᖅᑐᓂᒃ ᐊᑐᐊᒐᕐᓂᒃ ^{Footnote 11}

ᐊᑐᓕᖁᔭᐅᔪᖅ 2: V ᐸᓖᓯᖃᕐᕕᒃ ᓴᕿᑦᑎᓯᒪᔪᑦ ᐊᕕᒃᑐᖅᓯᒪᔪᓂᑦ ᑭᒃᑯᑐᐃᓐᓇᓄᑦ ᐅᓐᓂᕐᓗᖕᓂᖕᒧᑦ ᐊᑐᐊᒐᖅ ᐊᑐᖅᑕᐅᓗᓂ ᓄᓇᕗᑉ ᐱᔪᒪᔭᖏᓐᓄᑦ

V ᐸᓖᓯᖃᕐᕕᒃ ᐱᖃᕆᐊᖃᖅᑐᖅ ᐊᕕᒃᑐᖅᓯᒪᔪᑎᒍᑦ ᐊᑐᐊᒐᕐᒥᒃ ᐃᓱᒪᒋᑦᑎᐊᕐᓗᒋᑦ ᖃᓄᖅ ᓄᓇᕗᑦ ᐊᔾᔨᒋᔭᐅᓐᖏᑑᓂᖓ ᐊᓯᖏᓐᓂᑦ ᐸᓖᓯᖃᕐᕕᖕᓂᑦ, ᐃᓚᒋᔭᐅᓪᓗᑎᒃ ᐊᓯᖏᑦᑕᐅᖅ ᐊᖏᔪᒻᒪᕆᐋᓘᖕᒪᑦ ᓄᓇᖓ, ᐅᓄᖅᑐᑦ ᐃᓄᐃᑦ ᓄᓇᖃᖅᑐᑦ, ᐊᒻᒪᓗ ᐸᓖᓯᖃᕐᕕᑦ ᐃᖅᑲᓇᐃᔭᖅᑎᖃᓲᑦ ᒪᕐᕈᑐᐊᓂᒃ ᐸᓖᓯᒃᑯᑦ.

ᐊᐱᖅᓱᐃᑎᓪᓗᒋᑦ NVision-ᑯᑦ ᓴᕿᑦᑎᓚᐅᖅᑐᑦ ᐱᑕᖃᕆᐊᖃᕐᓂᖓᓂᒃ V ᐸᓖᓯᖃᕐᕕᒃ ᐋᕿᒃᓱᑦᑎᐊᖅᓯᒪᓂᖅᓴᐅᓗᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᖏᑦ ᐊᔾᔨᒋᔭᐅᓐᖏᑦᑐᒦᒻᒪᑕ ᖃᓄᐃᓕᖓᓂᖏᑦ ᐃᓄᐃᑦ. "ᒫᓐᓇᐅᔪᖅ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᐊᔾᔨᑎᐊᖓ ᖃᓪᓗᓈᑦ ᓄᓇᖓᓂ, ᓂᕆᐅᓇᖅᖢᓂ ᑖᒃᑯᐊ ᓄᓇᓖᑦ ᓴᓇᖃᑎᖃᕐᓗᑎᒃ ᑕᒪᑐᒪᓂ ᐱᓕᕆᔾᔪᓯᐅᔪᒥᒃ."^{Footnote 12} ᑕᑯᒍᒃ ᑭᒃᑯᑐᐃᓐᓇᐃᑦ ᖃᐅᔨᒪᔭᕆᐊᖃᖅᑕᖏᑦ ᐊᒻᒪᓗ ᑕᐅᑦᑐᖏᑦ ᐱᓯᒪᔪᑦ ᑐᑭᓯᒋᐊᒃᑲᓐᓂᕐᓗᑎᑦ.

ᐊᕕᒃᑐᖅᓯᒪᔪᑦ ᐊᑐᐊᒐᖅ ᐱᓯᒪᓂᖃᕐᓗᓂ ᑕᒪᐃᓐᓂᒃ ᑲᓇᑕᒥ ᑕᐃᒪᓐᓇᐅᔭᕆᐊᖃᖅᑎᑕᐅᔪᓂᒃ ᐊᒻᒪᓗ ᓇᓪᓕᐊᖕᓄᑦ ᐊᕕᒃᑐᖅᓯᒪᔪᓂ ᐱᔭᐅᔪᒪᔪᓂᒃ

V ᐸᓖᓯᖃᕐᕕᒃ ᓴᓇᖃᑎᖃᕆᐊᖃᖅᑐᖅ ᐃᓄᖕᓂᒃ ᐊᐅᓚᑦᓯᔨᖏᓐᓂᒃ ᓴᕿᑦᑎᖃᑎᒌᒡᓗᑎᒃ ᐊᕕᒃᑐᖅᓯᒪᔪᓂ ᑭᒃᑯᑐᐃᓐᓇᓄᑦ ᐅᓂᕐᓗᒃᕕᒃ ᐊᑐᐊᒐᖅ ᑭᐅᓯᓂᐊᖅᑐᖅ ᐃᓄᐃᑦ ᐱᔪᒪᔭᖏᓐᓂᒃ ᐃᓄᐃᑦ ᓄᓇᖏᓐᓂ ᓄᓇᕗᒻᒥ.

ᐊᓯᖏᑦᑎᒍᑦᑕᐅᖅ, ᐊᕕᒃᑐᖅᓯᒪᔪᓄᑦ ᐊᑐᐊᒐᐃᑦ ᑐᑭᒧᐊᒍᑎᖃᕈᓐᓇᖅᑐᑦ ᐅᑯᓂᖓ:

• ᐱᓕᕆᓗᑎᒃ ᐱᐅᓯᑐᖃᖏᓐᓄᑦ ᓈᒻᒪᒃᑐᓂᒃ ᐃᒻᒥᒍᑦ ᐋᕿᒃᓯᔾᔪᑕᐅᓗᑎᒃ. ᑕᐃᑲᓂ NVision-ᑯᑦ ᐊᐱᖅᓱᖅᑐᑦ "ᓇᓗᓇᐃᖅᓯᔪᖃᓚᐅᖅᑐᖅ ᑕᐃᒪᒎᖅ ᐊᒥᓱᑦ ᐅᓐᓂᕐᓘᑎᑦ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ ᑖᔅᓱᒪᖓᑦ ᐃᓄᖕᒥᖔᖃᑦᑕᖅᑐᑦ ᑐᓴᖅᑕᐅᔪᒪᔪᒥᑦ, ᐊᒻᒪᓗ ᑖᒃᑯᐊ ᐅᓐᓂᕐᓘᑎᑦ ᐋᕿᒃᑕᐅᑦᑎᐊᖃᑦᑕᖅᑐᑦ ᐱᓕᕆᐊᖑᔭᕌᖓᒥᒃ ᓯᓚᑖᓂᑦ ᐱᓕᕆᔾᔪᓯᖅ (ᓲᕐᓗ ᑲᑎᒪᖃᑎᒋᓪᓗᒋᑦ ᑖᒃᑯᐊᓗ ᐅᔾᔨᖅᑐᖅᑎᖏᑦ). ᐅᐸᒃᓯᓯᒪᓪᓗᑎᒃ ᑲᑎᒪᓂᖅ ᐋᕿᒃᓯᑦᑎᐊᕐᓇᕐᓂᖅᓴᐅᔪᖅ ᑕᒪᐃᓐᓄᑦ ᐅᓐᓂᕐᓗᒃᑐᒧᑦ ᐊᒻᒪᓗ ᐸᓖᓯᒧᑦ ᑖᓐᓇ ᐅᖃᐅᓯᐅᔪᖅ, ᐃᑲᔪᖅᑐᖅ ᓵᖓᖃᑎᒌᖕᒪᑎᒃ ᐱᔾᔪᑕᐅᔪᖅ ᐱᔾᔪᑎᒋᓪᓗᒍ ᑖᒃᑯᖕᓄᖓ ᐱᓯᒪᔪᖅ." ᐊᕕᒃᑐᖅᓯᒪᔪᑦ ᐊᑐᐊᒐ ᓇᓗᓇᖅᓯᔪᓐᓇᖅᑐᖅ ᑖᒃᑯᐊ ᐸᓖᓯᒃᑯᑦ ᐊᖏᖅᓯᒪᔭᖏᑦ ᐋᕿᒃᓯᓂᐊᕐᓗᑎᒃ ᐅᓐᓂᕐᓘᑕᐅᔪᓂᒃ ᐊᒻᒪᓗ ᐃᓚᓕᐅᑎᑦᑎᐊᕐᓗᒋᑦ ᑐᑭᒧᐊᒍᑎᑦ ᑐᓐᖓᔾᔪᑎᒋᓂᐊᖅᑕᒥᖕᓄᑦ ᐱᐅᓯᑐᖃᖏᓐᓄᑦ ᐊᑑᑎᖃᖅᑐᑦ ᐊᒻᒪᓗ ᐱᐅᓯᑦᑎᐊᖅᑐᑦ ᐃᓄᐃᑦ ᓄᓇᖏᓐᓄᑦ.
• ᖃᐅᔨᑦᑎᐊᕆᑦ ᐊᑐᖅᑕᐅᔪᓐᓇᕋᓗᐊᕐᒪᖔᑕ. ᐊᕕᒃᑐᖅᓯᒪᔪᑦ ᐊᑐᐊᒐᖏᑦ ᓇᓗᓇᐃᖅᓯᓯᒪᔪᓐᓇᖅᑐᑦ ᖃᓄᖅ ᐊᑐᖅᑕᐅᔪᓐᓇᕋᒪᖔᑕ ᑐᓵᔨᑦ ᐊᒻᒪᓗ ᐃᓄᒃᑎᑑᓕᕆᔨᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᑎᖏᓐᓄᑦ ᐊᑐᖅᑕᐅᔭᕆᐊᖃᓕᕌᖓᑕ.

ᑕᒪᐃᓐᓄᑦ ᐊᐅᓚᑦᑎᔾᔪᑎᒥᖕᓄᑦ ᐱᐅᓯᕆᔭᖏᑦ ᓄᓇᓐᖑᐊᓕᐅᖅᓯᒪᓐᖏᑦᑐᑦ ᑲᓇᑕᐅᑉ ᐊᑐᐊᒐᖓᕐᓄᑦ

V ᐸᓖᓯᖃᕐᕕᒃ ᒫᓐᓇᐅᔪᖅ ᐊᑐᖅᓯᔪᑦ ᐱᐅᓯᕐᓄᑦ ᐊᐅᓚᑦᑎᔾᔪᑎᒥᖕᓄᑦ ᐱᐅᓯᕆᔭᖏᑦ (SOP) ᑐᑭᒧᐊᒍᑎᒋᓂᐊᖅᑐᑦ ᑕᒪᓐᓇ ᐱᓕᕆᐊᖑᑎᓪᓗᒍ. ᐊᐅᓚᑦᑎᔾᔪᑎᒥᖕᓄᑦ ᐱᐅᓯᕆᔭᖏᑦ ᐃᑲᔫᑎᔪᑦ ᓇᓗᓇᐃᑦᑎᐊᕐᓂᐊᖅᖢᒋᒃᑦ ᓇᓪᓕᐊᖕᓄᑦ ᐱᔭᒃᓴᐃᑦ ᐃᓗᐊᓂ ᐸᓖᓯᖃᕐᕕᒃ ᑭᓯᐊᓂ ᑕᒪᐃᓐᓂᒃ ᑕᑯᑎᑦᑎᖃᑦᑕᓐᖏᑦᑐᑦ ᖃᓄᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᒥᖕᓂᒃ ᐊᑐᓕᖅᑎᑕᐅᒋᐊᓕᖕᓂ ᐃᓗᐊᓂ V ᐸᓖᓯᖃᕐᕕᒃ. ᑕᐃᔭᐅᖃᑦᑕᓐᖏᑦᑐᑦ ᑲᓇᑕᒥ ᐊᑐᐊᒐᖅ ᐅᕝᕙᓘᓐᓃᑦ ᑐᑭᒧᐊᒍᑎ ᐊᒻᒪᓗ ᖃᓄᐃᓕᐅᕆᐊᖃᖅᑕᖏᓐᓂᒃ ᐊᔪᕆᖅᓲᔾᔨᓯᒪᖃᑦᑕᖅᑐᑦ ᑖᒃᑯᐊ ᐱᔭᒃᓴᓂᒃᑕᐅᔪᑦ ᑕᐃᑲᓂ ᐱᓕᕆᐊᖑᑎᓪᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᓇᓗᓇᐃᔭᖅᓯᖃᑦᑕᓐᖏᑦᑐᑦ ᖃᓄᖅ ᐱᔭᕇᕆᐊᖃᖅᑐᓂᒃ. ᑕᒪᐃᓐᓂ, ᐊᐅᓚᑦᑎᔾᔪᑎᒥᖕᓄᑦ ᐱᐅᓯᕆᔭᖏᑦ ᓴᕿᑕᐅᒋᐊᓕᑦ ᐊᕕᒃᑐᖅᓯᒪᔪᓂ ᐊᑐᐊᒐᕐᓂᑦ ᐊᒻᒪᓗ ᒪᓕᑦᑎᐊᕐᓗᑎᒃ ᑲᓇᑕᐅᑉ ᐊᑐᐊᒐᖓᓂᒃ.

ᓇᓂᔭᐅᔪᖅ 3: ᐸᓖᓯᒃᑯᑦ ᐱᒻᒪᕆᐅᔪᒥᒃ ᐱᐅᓯᕚᓪᓕᖅᑎᑦᑎᔪᑦ ᑐᑭᒧᐊᒍᑎᒥᖕᓂᒃ

ᑕᒪᕐᒥᒃ, ᑐᑭᒧᐊᒍᑎᑦ ᐊᑐᖅᑕᐅᓲᑦ ᕿᒥᕐᕈᐊᕐᓇᐅᑎᓪᓗᒍ (ᑐᑭᒧᐊᒍᑎ ᐅᓪᓗᖓ: ᕕᕗᐊᕆ 23, 2017) ᓈᒻᒪᓚᐅᖅᑐᑦ ᐊᒻᒪᓗ ᑭᒃᑭᑎᓚᐅᓐᖏᑦᑐᑦ ᓴᕿᑦᑕᕆᐊᖃᖅᑐᓂᒃ ᐱᒻᒪᕆᐅᔪᓂᒃ ᐃᓚᖏᓐᓂᒃ ᖃᐅᔨᓴᖅᑕᐅᔪᓂ, ᑕᐃᒪᓐᓇᐅᒐᓗᐊᖅᑎᓪᓗᒍ ᓈᒻᒪᓚᐅᓐᖏᑦᑐᑦ ᐅᕝᕙᓘᓐᓃᑦ ᑐᑭᓯᓇᓚᐅᓐᖏᑦᑐᑦ ᑕᐃᒪᓗ ᑕᐃᒪᓐᓇᐅᓲᖑᖕᒪᑕ ᓲᖃᐃᒻᒪ ᑖᒃᑯᑎᒍᑦ ᑲᓇᑕᒥ ᐊᑐᐊᒐᖅ.

ᐸᓖᓯᒃᑯᑦ ᑐᓂᓯᓚᐅᖅᑐᑦ ᒫᓐᓇᒨᖓᓕᖅᓯᒪᑦᑎᐊᖅᑐᒥᒃ ᑐᑭᒧᐊᒍᑎᒥᖕᓂᒃ ᑕᐃᑲᓂ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᑎᖏᓐᓄᑦ (ᑎᓯᐱᕆ 2022) ᐊᖏᔪᒥᒃ ᐱᐅᓯᕚᓪᓕᖅᓯᒪᓚᐅᖅᑐᖅ ᑭᖑᓂᑦᑎᓐᓂᓪᓕ ᑎᑎᕋᖅᓯᒪᔪᓂᑦ ᐊᑐᖅᑕᐅᓯᒪᔪᓂᑦ (ᕕᕗᐊᕆ 2017), ᐱᓗᐊᖅᑐᒥᒃ ᐃᒃᐱᒋᑦᑎᐊᖅᖢᒍ ᑐᑭᓯᓇᖅᓯᑎᑦᑎᓯᒪᓂᖓ. ᐅᓇ ᑐᑭᒧᐊᒍᑎ:

• ᑐᑭᓯᓇᑦᑎᐊᕐᓂᖅᓴᖅ ᐊᒻᒪᓗ ᐅᖃᐅᓯᕐᓂᒃ ᐊᑐᖅᓯᑦᑎᐊᕐᓂᖅᓴᖅ
• ᐃᓚᓕᐅᑎᓯᒪᔪᑦ ᐅᖃᓕᒫᒐᕐᓂᖅᑑᓪᓗᓂ ᓇᓗᓇᐃᑦᑎᐊᖅᓯᒪᓪᓗᒋᑦ ᐱᔨᑦᑎᕋᐅᑎᓂ ᐱᐅᓯᑦ ᐱᓯᒪᓂᖃᖅᑎᓪᓗᒋᑦ ᑭᒃᑯᑐᐃᓐᓇᐃ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᓪᓗᒋᑦ
• ᐃᓚᓕᐅᑎᓯᒪᓪᓗᒋᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᑐᓕᖁᔭᐅᔪᑦ ᓯᕗᓂᐊᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐅᓂᒃᑳᑦ ᑎᓕᔭᐅᓯᒪᒐᒥᒃ ᑖᒃᑯᐊ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᖃᐅᔨᓴᖅᑕᐅᑦᑎᐊᖃᑦᑕᕐᓗᑎᒃ ᑕᑕᑎᑦᑎᐊᕐᓗᒍ ᐊᑲᐅᓐᖏᓕᐅᕈᑎᖃᖅᑐᓄᑦ ᑕᑕᑎᕆᐊᓕᑦ

ᐱᔭᕆᐅᖅᓴᑎᑦᑎᓂᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᕐᓂᒃ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖃᑦᑕᖅᑐᑦ ᐱᐅᑦᑎᐊᕐᒪᖔᑕ ᐊᑐᐃᓐᓇᐃᔪᑦ ᐱᔭᕆᐅᖅᓴᐅᑎᑦ, ᐊᒻᒪᓗ ᑭᒃᑯᑦ ᐃᓕᓐᓂᐊᖅᑎᑕᐅᓂᐊᖅᐸᑦ. ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᓯᓪᓗᑎᒃ ᐱᖓᓱᑦ ᕿᑎᐊᓂᑦ ᐱᔾᔪᑕᐅᔪᑦ ᐊᒻᒪᓗ ᒪᕐᕉᖕᓂᒃ ᐱᖁᔨᕗᖔᕈᑎᓕᐅᓕᖅᑐᑦ.

ᐊᓯᕈᖅᑐᑦ ᐊᑖᓂ ᐱᐅᓯᕚᓪᓕᕈᑎᒐᔭᖅᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᑦ ᖃᐅᔨᒪᔭᕆᐊᖃᖅᑕᖏᑦ ᐱᓕᕆᔾᔪᓯᕐᒧᑦ ᐊᒻᒪᓗ ᑖᒃᑯᐊᓗ ᐱᓕᕆᐊᖑᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᖃᐅᔨᓴᕐᓂᐊᕐᓗᓂ ᓄᓇᕗᒻᒥ ᐱᐅᓯᑐᖃᖏᓐᓂᒃ ᖃᐅᔨᒪᔭᕆᐊᓕᑦ ᐊᒻᒪᓗ ᐃᒃᐱᒍᓱᑦᑎᐊᕐᓗᑎᒃ ᐱᔾᔪᑕᐅᔪᓂᒃ ᐱᓯᒪᔪᓄᑦ ᐃᓄᖕᓄᑦ.

ᐅᓇ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᕐᓂᖓ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᔭᕆᐅᖅᓴᐅᑎᑦ^{Footnote 13}

ᑕᐃᑲᓂ ᕿᒥᕐᕈᐊᖅᑕᐅᑎᓪᓗᒋᑦ, ᐸᓖᓯᒃᑯᑦ ᐊᑕᐅᓯᕐᒥᒃ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᔭᕆᐅᖅᓴᑎᑦᑎᕕᖃᖅᑐᑦ. ᐅᓇ ᓴᓇᔭᐅᓯᒪᔪᖅ ᑐᓂᓯᓯᒪᓂᐊᕐᒪᑦ ᐃᓄᖕᒥᒃ ᐅᖓᑖᓄᑦ ᐅᓪᓗᖅ ᐊᑕᐅᓯᖅ (8 ᐃᒃᑲᕐᕋᓄᑦ). ᑕᐃᒪᓐᓇᐅᒐᓗᐊᖅᑎᓪᓗᒍ, ᐱᔭᕆᐅᖅᓴᑎᑦᑎᓂᖓ, ᐅᑯᐊ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐋᕿᒃᓱᖅᓯᒪᔪᑦ ᑭᓐᖑᒪᒋᔭᐅᔪᓂᒃ ᐊᕕᒃᑐᖅᓯᒪᔪᓂ, ᐅᑯᐊᓗ ᑐᑭᖃᖅᑐᑦ ᐅᓪᓗᖅ ᐊᕝᕙᓗᐊᖓᓂᒃ (ᓲᕐᓗ ᐃᓚᖏᑦ ᐃᓕᓐᓂᐊᕈᑎᑦ ᒪᓕᒃᑐᑦ ᑭᓐᖑᒪᒋᔭᐅᔪᓂᒃ ᐊᒻᒪᓗ ᖃᖓᒃᑯᑦ ᐊᑐᕈᓐᓇᕐᓂᖏᓐᓂᒃ ᐋᕿᒃᓯᓯᒪᖃᑦᑕᖅᑐᑦ ᐊᕕᒃᑐᖅᓯᒪᔪᑦ).

ᓯᕗᓪᓕᖅ ᐊᕝᕙᖓ ᐃᓕᓐᓂᐊᖅᑕᐅᔪᖅ ᑐᓂᓯᓯᒪᔪᖅ ᖃᓄᐃᓕᖓᓂᖏᓐᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᖏᑦ, ᐃᓚᒋᔭᐅᓪᓗᑎᒃ ᖃᓄᖅ ᐱᕙᓪᓕᐊᔭᕆᐊᖃᖅᑐᑦ ᐊᒻᒪᓗ ᑕᑕᑎᕆᐊᖃᖅᑐᑦ, ᑎᓕᔭᐅᓯᒪᔾᔪᑎᑦ ᑕᐃᒪᓐᓇᐅᔭᕆᐊᖃᖅᑎᑕᐅᔪᓂᒃ, ᐊᒻᒪᓗ ᐊᑑᑎᖃᖅᑐᑦ ᒪᓕᒐᐃᑦ ᐊᒻᒪᓗ ᐊᑐᒐᖅ ᐅᑯᓄᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ. ᐅᓇ ᐱᖃᑖ ᐊᓪᓗᑎᔪᖅ ᑎᑎᕋᖅᑕᐅᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᖃᐅᔨᓴᖅᑎᑦ ᐅᓂᒃᑳᖓ ᐅᓐᓂᕐᓘᑎᓂᒃ ᖃᐅᔨᓴᓚᐅᖅᑎᓪᓗᒋᑦ. ᐃᓚᐅᔪᑦ ᐱᑎᑕᐅᔭᕆᐊᖃᓚᐅᖅᑐᑦ 80% ᐃᑭᐊᕿᕕᒃᑯᑦ ᖃᐅᔨᓴᕈᑎᑦ ᐊᓂᒍᐃᓂᐊᕐᓗᑎᒃ, ᑕᒪᐅᓐᓇ ᐅᓄᓐᖏᑦᑐᑦ ᐱᒋᐊᓚᐅᖅᑐᑦ.^{Footnote 14}

ᓇᓂᔭᐅᔪᖅ 4: ᐅᑯᐊ ᐱᔭᕆᐅᖅᓴᐅᑎᑦ ᐃᓕᓐᓂᐊᕈᑎᑦ ᐃᓗᓕᖃᐅᖅᑐᑦ ᐸᓖᓯᒃᑯᑦ ᐱᖁᔭᕐᔪᐊᖏᓂᒃ ᑭᓯᐊᓂ ᐱᐅᓯᒋᐊᕆᐊᖃᖅᑐᑦ ᐋᕿᑦᑎᐊᒃᑲᓐᓂᕆᐊᖃᖅᑐᑦ

ᐅᓇ ᕿᒥᕐᕈᐊᖅᑕᐅᓂᖓ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᔭᕆᐅᖅᓴᐅᑎᑦ ᐃᓕᓐᓂᐊᖅᑕᐅᓂᖓ ᐃᒪᓐᓇ:

• ᒪᓕᑦᑎᐊᕐᓗᓂ ᐸᓖᓯᒃᑯᑦ ᐱᖁᔭᕐᔪᐊᖓᓂᒃ (ᐱᔭᕆᐅᖅᓴᓂᖅ ᐅᖃᖅᓯᒪᔪᖅ ᐃᓗᐊᓂ ᐸᓖᓯᒃᑯᑦ ᐱᖁᔭᕐᔪᐊᖓᓂ)
• ᓈᒻᒪᒃᓗᓂ, ᐱᐊᓚᓗᓂ, ᐊᑑᑎᖃᕐᓗᓂ, ᐊᒻᒪᓗ ᑐᑭᓯᓇᕐᓗᓂ ᑐᓴᕐᑎᑦᑎᓂᖓ ᐱᒻᒪᕆᐅᔪᓂᒃ ᐃᓚᖏᓐᓂᒃ ᑖᒃᑯᐊ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᖏᑦᑎᒍᑦ

ᐱᔭᕆᐅᖅᓴᑎᑦᑎᓂᖅ ᐱᐅᓯᕚᓪᓕᕈᓐᓇᖅᑐᖅ ᐋᕿᒋᐊᑦᑎᐊᕐᓗᓂ

ᐅᓇ ᐃᓕᓐᓂᐊᕈᑎ ᖄᒃᑲᓐᓂᐊᒍᑦ ᓇᓗᓇᐃᔭᑦᑎᐊᖅᓯᒪᒃᑲᓐᓂᕈᓐᓇᖅᑐᖅ ᐊᒻᒪᓗ ᐃᓗᓕᖏᑦ ᑎᑎᕋᖅᓯᒪᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑕ ᖃᓄᐃᓕᔭᐅᓚᐅᕐᓂᖏᑦ, ᓲᕐᓗ ᐃᒻᒥᒍᑦ ᐋᕿᒃᓯᒪᔪᑦ ᐊᒻᒪᓗ ᖁᔭᓈᖅᓯᔪᑦ.

ᐅᓇ ᐃᓕᓐᓂᐊᕈᑎ ᓇᓗᓇᐃᔭᖅᓯᓯᒪᓐᖏᓗᐊᖅᑐᖅ ᖃᓄᖅ ᐊᔾᔨᒌᓐᖏᓂᖏᑦ ᐊᕙᑖᓂ ᖁᔭᓈᖅᓯᓂᖅ ᐊᒻᒪᓗ ᐃᒻᒥᒍᑦ ᐋᕿᒃᓯᓂᖅ

ᐱᒻᒪᕆᐅᕗᖅ ᑖᒃᑯᐊ ᐸᓖᓯᒃᑯᑦ ᑐᑭᓯᓗᑎᒃ ᐅᓇ ᐊᔾᔨᒌᓐᖏᓂᖓ, ᑕᐃᒪᓗ V ᐸᓖᓯᖃᕐᕕᒃ ᐊᑐᖅᓰᓐᓇᓲᑦ ᖁᔭᓈᖅᓯᔪᓂᒃ ᐊᒻᒪᓗ ᐃᒻᒥᒍᑦ ᐋᕿᒃᓯᔪᓂᒃ ᐱᔭᕇᕐᓂᐊᕐᓗᒍ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ, ᑕᐃᒪᓐᓇᐅᒐᓗᐊᖅᑎᓪᓗᒍ ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᓯᓯᒪᔪᑦ ᐅᓇ ᐱᓕᕆᔾᔪᓯᑦᑎᐊᕙᐅᓐᖏᑦᑐᖅ ᑕᐃᒫᕈᓗᑐᐃᓐᓈᕐᒪᑕ, ᑕᐃᒪᓗ ᐱᔭᕐᓂᓐᖏᑦᑐᖅ ᖃᐅᔨᔭᕆᐊᒃᓴᖅ ᑖᓐᓇ ᐅᓐᓂᕐᓘᑕᐅᓚᐅᖅᑐᖅ ᐋᕿᒃᓲᑎᖏᑦᑎᒍᑦ ᒪᓕᒃᖢᑎᒃ ᐱᓕᕆᔭᐅᓚᐅᕐᒪᖔᑦ ᑕᐃᒪᓗ ᖁᔭᓈᖅᑕᐅᓂᐊᖅᑎᓪᓗᒍ ᐅᕝᕙᓘᓐᓃᑦ ᐃᒻᒥᒍᑦ ᐋᕿᒃᓯᓂᐊᖅᑎᓪᓗᒋᑦ.

ᐃᓚᖏᓐᓂ ᐱᓕᕆᔭᐅᔪᓂ, ᐅᖃᐅᓯᖏᑦ ᑎᑎᖃᖁᑎᖏᓐᓂ ᐃᓱᒪᓕᖅᑎᑦᑎᓯᒪᔪᑦ ᐅᑯᐊ ᐊᖏᖅᓯᒪᓂᖏᑦ ᑲᔪᖏᖅᓴᐅᑕᐅᖃᑦᑕᓚᐅᖅᑐᑦ ᖁᔭᓈᖅᓯᖁᔭᐅᓪᓗᑎᒃ. ᐊᐱᖅᓱᖅᑕᐅᔪᓂᑦ ᓇᓗᓇᐃᓚᐅᖅᑐᖅ ᑖᒃᑯᐊ ᐃᖅᐸᖅᓯᒪᓂᖓ ᐱᓕᕆᔾᔪᓯᖏᑦᑕ ᖁᔭᓈᖅᓯᔪᖅ ᐊᒻᒪᓗ ᐃᒻᒥᒍᑦ ᐋᕿᒃᓯᓂᐊᖅᑎᓪᓗᒋᑦ ᑕᐃᑲᓂ ᐳᖅᑐᓕᕇᖕᓂᖅ ᐱᓪᓗᒍ ᑕᐃᒪᓐᓇᐅᔭᕆᐊᖃᕈᑎᑦ ᐃᓄᒃ ᐊᒻᒪᓗ ᐸᓖᓯᒃᑯᑦ ᑎᑭᐅᑎᓗᑎᒃ ᑕᒪᕐᒥᒃ ᓈᒻᒪᒋᔭᒥᖕᓄᑦ ᐊᖏᖃᑎᒌᒡᓗᑎᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐅᓇ ᐊᑐᖅᑕᐅᓐᖏᑦᑐᖅ ᐸᓖᓯᖃᕐᕕᖕᒥ ᐊᖓᔪᖅᑳᖏᓐᓂᑦ ᐊᖏᖃᑎᖃᓲᖑᖕᒪᑦ ᐃᒻᒥᒍᑦ ᐃᓄᖕᒧᑦ. ᑕᐃᒪᐃᓕᖓᑎᓪᓗᒋᑦ, ᐋᕿᑭᓯᔾᔪᑕᐅᔪᖅ ᑖᓐᓇ ᓇᓗᓇᐃᖅᑕᐅᓪᓗᓂ ᑕᐃᒫᒃ ᖁᔭᓈᖅᓯᓂᖓᓂᒃ.

ᑕᒪᐃᓐᓄᑦ, ᐅᑯᐊ ᐃᓚᖏᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᖁᔭᓈᖅᑕᐅᖃᑦᑕᖅᑐᑦ ᑕᐃᑲᓂ ᕿᒥᕐᕈᐊᕐᓇᐅᑎᓪᓗᒍ ᓲᕐᓗ ᐅᓄᕐᓂᖅᓴᒻᒪᕆᐅᓚᐅᖅᑐᑦ ᓄᓇᕗᒻᒥ ᐊᔾᔨᒋᓐᖏᑕᖓ ᑕᒪᕐᒥᒃ ᑲᓇᑕᐅᑉ (27% ᐊᔾᔨᒋᓐᖏᑕᖓ 11%). ᑕᐃᑲᓂ ᖁᔭᓈᖅᓯᑎᓪᓗᒋᑦ ᐅᓐᓂᕐᓘᑎᒥᖕᓂᒃ, ᐸᓯᔭᒃᓴᐅᓂᖅ ᖃᐅᔨᓴᖅᑕᐅᓐᖏᑦᑐᖅ ᐅᕝᕙᓘᓐᓃᑦ ᕿᒥᕐᕈᐊᖅᑕᐅᓐᖏᑦᑐᖅ. ᑐᓴᕈᒥᓇᓗᐊᖑᐊᖅᑐᖅ, ᑕᐃᑲᓂ ᐅᓐᓂᕐᓘᑎ ᖃᐅᔨᓴᖅᑕᐅᑎᓪᓗᒍ ᓄᓇᕗᒻᒥ, ᓈᓴᖅᓯᒪᔪᑦ ᐃᑲᔫᑎᑦᑎᐊᓚᐅᖅᑐᑦ ᐸᓯᒃᖠᖅᑐᓂᑦ ᐅᓄᕐᓂᖅᓴᐅᒻᒪᕆᒃᖢᑎᒃ ᑲᓇᑕᒥᑦ ᖃᑦᓯᐅᕙᒍᓯᖏᓐᓂᑦ (12% ᐊᔾᔨᒋᓐᖏᑕᖓ 7%). ᖁᔭᓐᓇᒦᖑᓇᖅᑐᖅ ᑖᒃᑯᐊ ᐋᕿᓯᒋᐊᖅᓯᒪᔫᒐᓗᐊᑦ ᐅᓐᓂᕐᓘᑕᐅᔪᓂᒃ ᐃᒻᒥᒍᑦ, ᐃᓚᓕᐅᑎᓪᓗᒋᑦ ᐊᖏᖃᑎᒌᖕᓂᖅ ᐸᓖᓯᖃᕐᕕᒃ ᐊᖓᔪᖅᑳᖏᓪᓗ, ᐅᑯᐊ ᐱᔭᒃᓴᕆᔭᖏᑦ ᐸᓖᓯᒃᑯᑦ ᖃᐅᔨᑎᑦᑎᓗᑎᒃ ᐃᓄᑐᐃᓐᓇᒥᒃ ᑐᑭᓯᑦᑎᐊᕐᑎᓪᓗᒋᑦ ᖃᓄᐃᓕᑎᑦᑎᔪᓐᓇᕐᓂᖓ ᖁᔭᓈᖅᓯᒍᑎᒃ ᐅᓐᓂᕐᓘᑎᒥᖕᓂᒃ ᐊᒻᒪᓗ ᑐᓂᓯᔪᑦ ᐱᕕᖃᕐᑎᑦᑎᓪᓗᑎᒃ ᖃᐅᔨᓴᖅᑕᐅᒃᑲᓐᓂᕆᐊᖃᕐᓂᖓ.

ᐅᓇ ᐃᓄᒃ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐃᓕᓐᓂᐊᖅᑎᑦᑎᓂᖅ ᑐᓂᓯᓯᒪᔪᖅ ᐊᔪᕆᖅᓲᑎᓂᒃ ᐃᒻᒥᒍᑦ ᐋᕿᒃᓯᓂᐊᖅᐸᑕ ᐊᒻᒪᓗ ᖁᔭᓈᖅᓯᓂᐊᖅᐸᑕ. ᐃᑲᔫᑎᒐᔭᖅᑐᖅ ᐊᑐᖅᑕᐅᑦᑎᐊᒃᑲᓐᓂᓕᕈᑎᒃ ᑐᓐᖓᔾᔪᑎᑦ ᐊᒻᒪᓗ ᐱᔾᔪᑎᑦ ᑖᒃᑯᓄᖓ ᓂᕈᐊᖅᑕᐅᓯᒪᔪᓐᓇᖅᑐᑦ ᑕᐃᒫᒃ ᐃᓚᓕᐅᑎᓗᒋᑦ:

• ᖄᒃᑲᓐᓂᐊᒍᑦ ᖃᓄᐃᓕᖓᓇᔭᖑᐊᖅᑐᑎᒍᑦ ᑐᑭᓯᑎᑦᑎᐊᒃᑲᓐᓂᕈᓐᓇᖅᑐᓂᒃ ᐱᓕᕆᔾᔪᓯᑦ ᐊᑐᖅᑕᐅᒋᐊᖃᕐᓂᐊᖅᑐᑦ ᑖᒃᑯᓄᖓ ᓂᕈᐊᖅᓯᒪᔪᓐᓇᖅᑕᖏᑦᑎᒍᑦ
• ᐅᖃᖃᑎᒌᒡᓗᑎᒃ ᐊᒻᒪᓗ ᐊᔪᕆᖅᓱᖅᑕᐅᓗᑎᒃ ᖃᖓ ᐊᑐᖅᑕᐅᔪᓐᓇᕐᒪᖔᑕ ᐊᑐᓂ
• ᖃᓄᐃᓕᑎᑦᑎᔪᑦ ᖁᔭᓈᖅᓯᔪᓄᑦ ᐅᓐᓂᕐᓘᑎᒥᖕᓂᒃ
• ᑐᑭᓯᓇᖅᓯᑦᑎᐊᕆᐊᖃᖅᑐᖅ ᖃᓄᐃᒻᒪᑦ ᑕᐃᒪᐃᓕᓂᖓ ᑎᑎᕋᖅᑕᐅᓯᒪᔪᓃᖃᑕᐅᓂᐊᕐᒪᑦ

ᓇᓂᔭᐅᔪᖅ 5: ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᔭᕆᖅᓴᓂᖅ ᒪᓕᒐᖅᑎᒍᑦ ᐊᑐᕆᐊᑐᓐᖏᑦᑐᖅ ᐊᒻᒪᓗ ᐃᓕᓐᓂᐊᕐᑎᑦᑎᔾᔪᓯᖏᑦ ᐊᔾᔨᒌᓐᖏᑦᑎᐊᖅᑐᖅ

ᐊᑐᓕᖁᔭᐅᔪᖅ 3: ᐸᓖᓯᒃᑯᑦ ᐱᑕᖃᓕᕐᑎᑦᑎᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᔭᕆᐅᖅᓴᓯᒪᒋᐊᖃᕐᓗᑎᒃ ᒪᓕᒐᐅᓗᓂ ᑕᒪᐃᓐᓄᑦ ᖃᐅᔨᓴᖅᑎᓄᑦ ᐊᒻᒪᓗ ᑎᑎᕋᖅᑎᖏᓐᓄᑦ ᑖᒃᑯᓂᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᕐᓂᒃ

ᐱᔭᕆᐅᖅᓴᓯᒪᓂᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᕐᓂᒃ ᖃᐅᔨᓴᖅᑎᐅᓂᐊᕐᓗᑎᒃ ᐊᔾᔨᒌᓐᖏᑑᑕᐅᓗᐊᖅᑐᑦ ᑕᒪᐃᓐᓂ ᑲᓇᑕᒥ ᐊᒻᒪᓗ ᐃᓗᐊᓂ ᐊᑐᓂ ᐸᓖᓯᖃᕐᕕᑦ. ᑕᐃᒪᖓᓂᑦ ᕿᒥᕐᕈᐊᖅᑕᐅᓂᖓ ᑕᒪᑐᒧᖓ ᖃᐅᔨᑦᑎᐊᕋᓱᒃᖢᑕ, ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᒪᓕᒐᖅᑎᒍᑦ ᐅᖃᖅᓯᒪᓐᖏᑦᑐᑦ ᐊᑐᖅᑕᐅᔭᕆᐊᖃᕐᒪᖔᑕ, ᑐᓂᔭᐅᖃᑦᑕᓐᖏᑦᑐᑦ ᐊᑯᓚᐃᑦᑐᒥᒃ ᐃᓂᖃᖅᑎᑕᐅᓗᑎᒃ, ᐊᒻᒪᓗ ᐊᕕᒃᑐᖅᓯᒪᔪᑦ ᑐᒃᓯᕋᕆᐊᖃᖅᑕᖏᑦ. ᐸᓖᓯᒃᑯᑦ ᐅᖃᖅᓯᒪᔪᑦ ᑖᒃᑯᐊᑐᐊᖅ ᐸᓖᓯᖃᕐᕕᑦ M (ᔫᑳᓐ), D (ᒫᓂᑑᐸ), ᐊᒻᒪᓗ E (ᐳᑎᓯ ᑲᓚᑉᐱᐊ) ᐱᔭᕇᖅᓯᓯᒪᔪᑦ ᑕᒪᑐᒥᖓ (D ᐸᓖᓯᖃᕐᕕᒃ ᐱᔭᕆᐅᖅᓴᑎᑕᐅᓯᒪᔪᑦ ᒪᕐᕈᐃᖅᖢᑎᒃ).

ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᐱᖅᓲᑎᑦ ᐅᖃᖅᓯᒪᔪᑦ ᑖᒃᑯᐊ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᑐᕌᖅᑐᑦ ᐊᖓᔪᖅᑳᓄᑦ ᐊᐅᓚᑦᑎᔾᔪᑎᒋᓪᓗᒋᑦ ᐊᒻᒪᓗ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᑎ, ᑭᓯᐊᓂ ᖃᐅᔨᓴᖅᑎᐅᓐᖏᑦᑐᑦ. ᑕᐃᑲᓂ V ᐸᓖᓯᖃᕐᕕᒃ:

• ᐃᓕᓐᓂᐊᕈᑎᑦ ᐊᐅᓚᑕᐅᓐᖏᑦᑐᑦ ᓇᓕᐊᖕᓂᑐᐃᓐᓇᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᓂᒃ ᑕᐃᑲᓂ ᕿᒥᕐᕈᐊᖅᑎᓪᓗᑕ
• ᑕᒪᕐᒥᐸᓗᒃ ᐃᓄᐃᑦ ᐊᐱᖅᓱᖅᑕᐅᔪᑦ ᖃᐅᔨᒪᓚᐅᓐᖏᑦᑐᑦ ᑕᒪᑐᒥᖓ ᐃᓕᓐᓂᐊᕈᑎᑕᖃᕐᓂᖓᓂᒃ
• ᑭᓯᐊᓂ ᑖᒃᑯᐊᑐᐊᖅ ᐃᓕᓐᓂᐊᖅᑎᑕᐅᓯᒪᓪᓗᑎᒃ ᐃᓚᖓᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑲᒪᓂᕐᒧᑦ ᐱᔭᕆᐅᖅᓴᓂᖅ
• ᑖᓐᓇᑐᐊᖅ ᐊᑕᐅᓯᖅ ᑎᑎᕋᖅ ᐃᓕᓐᓂᐊᖅᑎᑕᐅᓯᒪᔪᖅ ᕿᓂᓚᐅᖅᑎᓪᓗᒋᑦ ᑭᓯᐊᓂ ᐊᑐᓕᖁᔭᐅᔪᒃᓴᓂᒃ ᐊᐅᓚᑦᓯᓕᔨᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᒃᑯᑦ

ᑭᓯᐊᓂ, ᖃᐅᔨᓴᖅᑎᑦ ᑕᐃᑲᓂ V ᐸᓖᓯᖃᕐᕕᒃ ᐱᔭᕆᐅᖅᓴᓯᒪᓐᖏᑦᑐᑦ ᒫᓐᓇᒫᖅ ᐱᓕᕆᔭᐅᔭᕆᐊᓕᖕᓂᒃ ᑕᒪᐅᓐᓇ:

• ᐅᖃᐅᑎᔭᐅᓯᒪᓂᖅ ᖃᐅᔨᒪᓂᖅᓴᐅᔪᓂᒃ ᐃᓚᒋᔭᐅᔪᓂᑦ
• ᕿᓂᖅᑐᑦ ᓇᖕᒥᓂᖅ ᐱᔭᕆᐅᖅᓴᐅᑎᒃᓴᒥᖕᓂᒃ ᐃᑲᔪᕐᓂᐊᕐᓗᒋᑦ ᐊᐅᓚᑦᓯᔨᑦ
• ᕿᒥᕐᕈᐊᖅᑕᐅᔪᑦ ᑎᑎᖃᑦ ᓲᕐᓗ ᑐᑭᒧᐊᒍᑎᑦ

ᐱᑕᖃᓐᖏᑦᑐᒃ ᒪᓕᒐᖅᑎᒍᑦ ᑕᐃᒪᓐᓇᐅᔭᕆᐊᖃᖅᑎᑕᐅᔪᓂᒃ ᐃᓕᓐᓂᐊᖅᓯᒪᓗᑎᒃ ᓇᓗᓇᐃᖅᓯᒐᔭᖅᑐᑦ ᖃᓄᐃᒻᒪᑦ V ᐸᓖᓯᖃᕐᕕᒃ ᐱᖃᕐᓗᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᖏᑦ ᐅᓂᒃᑳᓕᐅᕐᓗᑎᒃ ᐊᐱᖅᓲᓂᒃ ᐅᑯᐊᓗ ᖃᐅᔨᒪᔭᐅᓐᖏᑦᑐᑦ ᐃᓗᐊᓂ ᑲᓇᑕ ᐊᑐᐊᒐᖅ ᐊᒻᒪᓗ ᑭᓯᐊᓂ ᐊᑐᖅᓯᔪᑐᐊᑦ ᑐᑭᒧᐊᒍᑎᓂᒃ. ᑕᐃᒪᓐᓇᐅᔭᕆᐊᖃᖅᑎᑦᑎᔪᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᖏᑦ ᐃᓕᓐᓂᐊᖅᑎᑕᐅᓯᒪᓗᑎᒃ ᑕᒪᐃᓐᓂᒃ ᑲᓇᑕᒥ ᐊᑐᐊᒐᖅ ᐊᒻᒪᓗ ᑐᑭᒧᐊᒍᑎᑦ ᐃᑲᔫᑎᓂᐊᖅᑐᑦ ᑖᒃᑯᓄᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᖏᑦ ᒪᓕᑦᑎᐊᕈᓐᓇᖅᓯᓗᑎᒃ ᐊᑐᐊᒐᕐᓂᒃ ᐊᒻᒪᓗ ᑐᑭᒧᐊᒍᑎᓂᒃ.

ᐅᑯᐊ ᐸᓖᓯᒃᑯᑦ ᐋᕿᒃᓯᓯᒪᓕᖅᑐᑦ ᒪᓕᒐᖃᕐᓗᑎᒃ ᐱᔭᕆᐅᖅᓴᓯᒪᒋᐊᖃᕐᓗᑎᒃ ᑕᐃᒪᖓᓂᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᕐᓂᕆᓚᐅᖅᑕᖏᓐᓂᑦ

ᐅᑯᐊ ᐸᓖᓯᒃᑯᑦ ᒫᓐᓇᓵᖅ ᐊᒥᓱᓂᒃ ᐱᐅᓯᕚᓪᓕᖅᓯᒪᓕᖅᑐᑦ ᐋᕿᑦᑎᐊᕆᐊᖅᓯᒪᓕᖅᑐᑦ:

• ᓄᑖᖅ ᒪᓕᒐᖅᑎᒍᑦ ᐊᑐᕆᐊᓕᒃ ᐱᔭᕆᐅᖅᓴᓯᒪᒋᐊᖃᕐᓂᖅ ᖃᐅᔨᓴᖅᑎᑦ – ᐅᑯᐊ ᐸᓖᓯᒃᑯᑦ ᓴᕿᑦᑎᓚᐅᖅᑐᑦ ᐃᑭᐊᕿᕕᒃᑯᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᑲᒪᓂᕐᒥᒃ ᐃᓕᓐᓂᐊᖅᑎᑦᑎᓂᖅ ᐊᒻᒪᓗ ᐱᒋᐊᖅᑎᑕᐅᓚᐅᖅᑐᑦ ᔮᓄᐊᕆ 2023. ᐅᓇ ᑭᖑᓪᓕᖅᐹᖅ ᓂᓪᓕᐅᑕᐅᔪᖅ ᐱᔾᔪᑎᒋᓪᓗᒋᑦ ᑐᑭᒧᐊᒍᑎᑦ (ᑎᓯᐱᕆ 2022) ᐋᕿᒃᑕᐅᓚᐅᖅᑐᖅ ᒪᓕᒐᖃᕐᓗᑎᒃ ᐱᔭᕆᐅᖅᓴᓯᒪᒋᐊᖃᕐᓗᑎᒃ ᑖᒃᑯᓄᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎᑦ. ᐅᑯᐊ ᐃᑭᐊᕿᕕᒃᑯᑦ ᐃᓕᓐᓂᐊᕈᑎᑦ ᕿᓚᒻᒥᐅᓲᑦ ᓇᐃᑦᑐᑦ ᑖᒃᑯᓇᖓᓪᓕ ᐅᐸᒃᓯᓯᒪᓪᓗᑎᒃ ᐃᓕᓐᓂᐊᕈᑎᓂᑦ ᑭᓯᐊᓂ ᐋᕿᒃᓯᒪᖕᒥᔪᑦ ᑕᐃᒫᒃᑕᐅᖅ.
• ᐸᕐᓇᐅᑎᑦ ᑭᒃᑯᑐᐃᓐᓇᐃᑦ ᖃᐅᔨᒪᓕᕐᓂᐊᕐᒪᑕ – ᐅᑯᐊ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐃᓚᓕᐅᔾᔨᓯᒪᔪᑦ ᐸᕐᓇᐅᑎᓂᒃ ᐃᑭᐊᕿᕕᒃᑯᑦ ᐃᓕᓐᓂᐊᕐᑎᑦᑎᖃᑦᑕᕐᓂᕐᒧᑦ ᐊᒻᒪᓗ ᖃᐅᔨᒪᔭᐅᑦᑎᐊᓕᕈᑎᒃᓴᑦ ᐃᓚᖏᑦ ᐱᓕᕆᓂᐊᖅᑕᒥᖕᓄᑦ ᐸᕐᓇᐅᑎᓃᑦᑐᑦ 2022/2023 ᑮᓇᐅᔭᓕᕆᓐᓇᐅᑉ ᐊᕌᒍᐊᓂ.
• ᐸᕐᓇᐅᑎᑦ ᐅᑯᐊ ᐃᓕᓐᓂᐊᖅᑕᐅᖃᑦᑕᕆᐊᖃᕐᓗᑎᒃ ᒪᓕᒐᖅᑎᒍᑦ ᐅᖃᖅᓯᒪᓕᕐᓗᑎᒃ – ᐅᓇ 2023/2024 ᐱᓕᕆᐊᒃᓴᓄᑦ ᐸᕐᓇᐅᑎ ᐊᖏᖅᓯᓯᒪᔪᖅ ᐊᑐᓕᖅᓂᐊᕋᒥᒃ ᐋᕿᒃᓯᒪᔾᔪᑎᒃᓴᒥᒃ ᐅᑯᐊᓗ ᐃᓚᐅᑎᑦᑎᔪᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᑦ ᐃᓕᓐᓂᐊᖅᑕᐅᔭᕆᐊᖃᕐᓂᐊᖅᑐᑦ ᒪᓕᒐᖅᑎᒍᑦ ᐊᑐᖅᓯᓗᑎᒃ, ᖃᐅᔨᓴᖅᑎᑑᓐᖏᑦᑐᑦ ᐊᓯᖏᑦᑕᐅᖅ.

ᑎᑎᕋᕐᕕᖕᒥ ᐱᓇᓱᐊᖅᑎᑦ ᓱᓕ ᐃᓕᓐᓂᐊᖃᑕᐅᔭᕆᐊᖃᓐᖏᑦᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐃᓕᓐᓂᐊᕈᑎᓄᑦ

ᑕᐃᒪᓗ ᓄᑖᖅ ᐱᑕᖃᓕᖅᑎᓪᓗᒍ ᑕᐃᒪᓐᓇᐅᔭᕆᐊᖃᖅᑎᑕᐅᓂᖅ ᖃᐅᔨᓴᖅᑎᑦ ᐱᔭᕇᖅᓯᓯᒪᒋᐊᓕᑦ ᐃᓕᓐᓂᐊᕐᓗᒋᑦ, ᓱᓕ ᒪᓕᒐᕐᒥᒃ ᐊᑐᖅᓯᓐᖏᑦᑐᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᑎ, ᒪᓕᒃᖢᒍ ᐅᖃᖅᓯᒪᓂᖓ ᐃᓇᖐᓯᒪᔪᖅ ᐸᓖᓯᒥᒃ ᑕᐃᑲᓂ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ.

ᑕᐃᒪᓗ ᐃᓱᒫᓗᓇᓚᐅᖅᑐᖅ ᑖᒃᑯᐊ ᐃᓄᐃᑦ ᖃᐅᔨᓴᖅᑐᑦ ᐱᔭᕆᐅᖅᓴᓯᒪᒋᐊᖃᖅᑐᑦ, ᑭᓯᐊᓂ ᐃᓄᒃ ᑖᓐᓇ ᐅᔾᔨᖅᑐᖅᑎᐅᔪᖅ ᐃᖅᑲᓇᐃᔮᕆᓪᓗᒍ ᐋᒃᑲᐅᓪᓗᓂ. ᑕᐃᒪᓗ ᐊᐅᓚᑦᓯᔨᑦ ᐱᑎᑕᐅᓂᐊᕐᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᔭᕆᐅᖅᓴᓂᖅ, ᐃᓚᓕᐅᑎᓯᒪᔪᓐᓇᖅᑐᖅ ᑖᒃᑯᓄᖓ ᐊᑐᖅᑕᐅᕙᒌᖅᑐᓄᑦ ᐃᓕᓐᓂᐊᕈᑎᓄᑦ:

• ᐊᐅᓚᑦᓯᔨᑦ ᐳᖅᑐᓂᖅᓴᓄᒃ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕈᑎᖏᑦ ᐃᑲᔫᑎᓲᑦ ᐃᓚᐅᔪᑦ ᖃᐅᔨᒪᓕᕐᓗᑎᒃ ᐊᒻᒪᓗ ᓴᓇᔨᕆᔪᓐᓇᖅᓯᓗᑎᒃ ᐊᔪᕈᓐᓃᖅᐹᕐᓕᕐᓗᑎᒃ ᓅᑉᐸᓪᓕᐊᓂᐊᕐᓗᑎᒃ ᐊᐅᓚᑦᓯᔨᑦ ᑎᑭᐅᑎᔪᓐᓇᖅᑕᖏᓐᓄᑦ. ᐅᓇ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐊᑐᖅᑕᐅᓲᖅ ᐅᖃᐅᓯᐅᓪᓗᑎᒃ ᑭᓲᓂᖏᓐᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᓕᕆᔾᔪᓯᐅᓂᐊᖅᑐᑦ ᑕᐃᑲᓂ ᑕᒪᑐᒧᖓ ᐃᓕᓐᓂᐊᕐᑎᑦᑎᔾᔪᑎᒋᓗᒋᑦ.
• ᐊᐅᓚᑦᓯᔨᖓ ᐳᖅᑐᓂᖅᓴᓄᑦ ᐃᓕᓐᓂᐊᕈᑎᑦ ᐃᑲᔪᖅᑐᖅ ᐸᓖᓯᒃᑯᑦ ᐊᖓᔪᖅᑳᖏᓐᓂᒃ ᐃᖅᑲᓇᐃᔮᖃᕈᓐᓇᖅᓯᓂᐊᕐᓗᑎᒃ ᓵᔾᔨᓐᑦ ᐸᓖᓯᓕᒫᓄᑦ ᐊᖓᔪᖅᑳᖑᓂᕐᒧᑦ.
• ᐅᔾᔨᖅᑐᖅᑎᑦ ᐳᖅᑐᓂᖅᓴᓄᑦ ᐃᓕᓐᓂᐊᕈᑎᖏᑦ ᐃᑲᔪᖅᑐᑦ ᑳᔅᑕᐳ ᐃᖅᑲᓇᐃᔮᖃᓕᕈᓐᓇᕐᓗᑎᒃ ᑯᐊᐳᓗ.

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᕐᓂᖓ ᓇᓂᓯᓚᐅᓐᖏᑦᑐᑦ ᐅᔾᔨᖅᑐᖅᑎᑦ ᐊᒻᒪᓗ ᐊᐅᓚᑦᓯᔨᑦ ᐳᖅᑐᓂᖅᓴᓄᑦ ᐃᖅᑲᓇᐃᔭᖅᑖᕈᓐᓇᐅᑎᒃᓴᖏᑦ ᐃᓕᓐᓂᐊᕈᑎᑦ ᐃᓚᓕᐅᑎᓯᒪᓐᖏᑦᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᑕᖃᕆᐊᓕᖕᓂᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᑕᐅᓯᖅ ᐃᓚᓕᐅᔾᔨᓯᒪᔪᖅ, ᐱᔾᔪᑎᒋᓪᓗᒋᑦ ᑯᐊᐳᓗ (ᐱᓗᐊᖅᑐᒥᒃ ᐅᑭᐅᖅᑕᖅᑐᒥ) ᐃᓇᖐᓯᒪᖃᑦᑕᕐᓂᐊᕐᒪᑦ ᐸᓖᓯᖃᕐᕕᒃ ᐊᖓᔪᖅᑳᖓᓂᒃ ᐅᕝᕙᓘᓐᓃᑦ ᑲᒥᓯᓇ ᐊᑎᓕᐅᕆᐊᖃᕐᓗᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑕᐅᓯᒪᔪᓂᒃ ᐅᓂᒃᑳᖏᓐᓂᒃ.

ᓇᓂᔭᐅᔪᖅ 6: V ᐸᓖᓯᖃᕐᕕᒃ ᒫᓐᓇᐅᔪᖅ ᓄᓇᓕᖕᓄᑦ ᐃᖅᑲᓇᐃᔭᕆᐊᕐᓂᐊᖅᑐᓂᒃ ᐱᔭᕆᐅᖅᓴᑎᑦᑎᖃᑦᑕᓐᖏᑦᑐᖅ ᑕᒪᑐᒥᖓ

ᐊᑐᓕᖁᔭᐅᔪᖅ 4: V ᐸᓖᓯᖃᕐᕕᒃ ᓄᓇᓕᖕᓄᑦ ᐊᐅᓪᓚᕐᑎᑦᑎᓚᐅᓐᖏᓂᕐᒥᖕᓂᒃ ᐱᔭᕆᐅᖅᓴᑎᑦᑎᓗᑎᒃ ᐃᓚᒋᔭᐅᔪᓂᒃ ᓴᓇᓂᐊᖅᑐᑦ V ᐸᓖᓯᖃᕐᕕᖕᒥ.

V ᐸᓖᓯᖃᕐᕕᒃ ᒫᓐᓇᐅᔪᖅ ᐱᒋᐊᓕᓵᕈᑎᓂᒃ ᐃᓱᒪᓕᐊᓂᕐᒧᑦ ᖃᐅᔨᓴᖅᓯᓂᕐᒥᒃ ᐊᒻᒪᓗ ᐱᔭᕆᐅᖅᓴᓯᒪᔭᕆᐊᓕᖏᑦ ᓴᓇᓯᒪᔪᑦ ᐃᑲᔪᕐᓂᐊᕐᓗᓂ ᐃᓅᓯᖏᓐᓂᒃ ᐊᑐᖅᓯᓂᐊᕐᒪᑕ ᐅᖓᓯᒃᑐᓂ ᓄᓇᓕᖕᓂ ᐃᖅᑲᓇᐃᔭᕐᓗᑎᒃ. ᐅᑯᐊ ᐱᔭᕆᐅᖅᓴᑎᑕᐅᕙᓐᖏᑦᑐᑦ ᐃᓄᐃᑦ ᐱᐅᓯᖏᓐᓂᒃ ᖃᐅᔨᒪᔭᒋᐊᖃᖅᑕᖏᓐᓂᒃ, ᓄᓇᓕᖕᓂᑦ ᖃᐅᔨᒪᔭᐅᔪᓂᒃ, ᐊᒻᒪᓗ ᐊᑐᖅᓯᒪᔭᑐᖃᖏᑦ ᐃᒻᒪᑲᓪᓚᓂᑦ ᐸᓖᓯᒃᑯᑦ ᓄᓇᕗᒻᒥ. ᑕᐃᒪᐃᑦᑐᑦ ᐱᔭᕆᐅᖅᓴᐅᑎᑦ ᐃᓚᓕᐅᑎᑦᑎᐊᕆᐊᖃᖅᑐᑦ ᐃᕐᖐᓐᓇᖅ ᐱᕕᖃᓕᑐᐊᕈᑎᒃ.

ᐱᐅᓯᑐᖃᖏᓐᓂᒃ ᒪᓕᑦᑎᐊᕆᐊᖃᕐᓂᖅ ᐱᔭᕆᐅᖅᓴᔭᐅᓯᒪᒋᐊᓂᒃ ᑭᓐᖒᒪᓇᖅᑐᖅ

ᐅᑯᐊ NVision-ᑯᑦ ᐅᓂᒃᑳᖏᒃ ᐃᓱᓕᑦᑎᓂᖃᓚᐅᖅᑐᑦ ᐱᑕᖃᓐᖏᓗᐊᕐᓂᖓᓂᒎᖅ ᐱᐅᓯᑐᖃᖏᓐᓂᒃ ᐊᔪᖏᑦᑎᐊᕆᐊᖃᖅᑕᖏᓐᓂᒃ ᐱᔭᕆᐅᖅᓴᓯᒪᔪᖃᓐᖏᑦᑐᑦ ᑕᒪᐃᓐᓂ ᐸᓖᓯᒃᑯᑦ ᐊᒻᒪᓗ ᓄᓇᓕᖕᓂ ᐊᒻᒪᓗ ᐅᓇ ᐱᐅᔪᓐᓃᖅᑎᑦᑎᔪᓐᓇᖅᑐᑦ ᓴᖕᖏᓂᖏᑦ ᓇᓕᖃᕇᒍᓃᖅᐸᑕ ᐅᑯᐊᓗ ᑕᐃᒪᐃᓕᖓᕙᒌᖅᑐᑦ ᐊᕙᑖᓂᑦ ᑕᒃᑯᐊᒃ ᒪᕐᕉᒃ (ᑕᑯᒍᒃ ᑭᒃᑯᑐᐃᓐᓇᓂᒃ ᖃᐅᔨᒪᑎᑦᑎᓂᖅ ᐊᒻᒪᓗ ᑕᐅᑦᑎᖏᓐᓂᒃ ᑎᑎᕋᖅᓯᒪᓂᖓ).^{Footnote 15}
ᐸᐃᐹᑦ ᑎᑎᕋᖅᑕᐅᔪᑦ ᐸᓖᓯᒃᑯᑦ ᐅᖃᖅᑲᓐᓂᖅᓯᒪᔪᑦ ᐊᑐᓕᖁᔭᐅᔪᓂᒃ ᑐᑭᓯᓇᖅᓯᑎᑕᐅᖃᑦᑕᕐᓗᑎᒃ ᐃᓕᓐᓂᐊᖅᑕᐅᓗᑎᒃ ᐸᓖᓯᒃᑯᑦ ᓄᑖ ᐃᖅᑲᓇᐃᔭᓕᖅᑐᑦ ᐅᑭᐅᖅᑕᖅᑐᒥ.^{Footnote 16}

ᐃᓄᐃᑦ ᐊᐅᓚᑦᓯᔨᖏᑦ ᐅᖃᐅᓯᖃᖅᓯᒪᔪᑦ ᐱᑕᖃᕆᐊᖃᕐᓂᖓᓂᒃ ᑕᒪᑐᒥᖓ ᐱᔭᕆᐅᖅᑕᐅᑦᑎᐊᓯᒪᓗᓂᑦᑕᐅᑦ:

• ᐅᑯᐊ ᐃᓄᐃᑦ ᑕᐱᕇᑦ ᑲᓇᑕᒥ (ITK), ᑲᓇᑕᒥ ᐃᓄᐃᑦ ᑭᒡᒐᖅᑐᖅᑎᑦ ᐊᐅᓚᑦᓯᔨᑦ, ᓴᕿᑦᑎᓯᒪᔪᑦ ᐱᓕᕆᐊᒃᓴᒥᖕᓄᑦ ᐸᕐᓇᐅᑎᑦ ᑖᒃᑯᐊ ᐸᓖᓯᒃᑯᑦ ᐱᓕᕆᓂᐊᖅᑕᖏᑦ ᐃᖅᐸᖅᓯᒪᔪᖏᑦ ᐊᒻᒪᓗ ᓯᕗᓪᓕᐅᑎᒋᐊᓕᖏᑦ ᐸᓖᓯᓕᕆᓂᕐᒥ ᐊᒻᒪᓗ ᐋᕿᒃᓱᐃᑦᑎᐊᒃᑲᓐᓂᕐᓗᑎᒃ ᑐᑭᓯᓇᓱᖃᑎᒌᑦᑎᐊᕈᓐᓇᕐᓂᕐᒥᒃ ᐃᓚᒌᑦᑎᐊᕐᓂᕐᒥᒃ. ᐊᕙᑖᓂᑦ ᐊᓯᖏᓐᓂᑦᑕᐅᖅ ᐃᖏᕐᕋᓯᑎᑕᐅᓯᒪᔪᓂᑦ, ᐅᑯᐊ ᐃᓄᐃᑦ ᑕᐱᕇᑦ ᑲᓇᑕᒥ-ᐸᓖᓯᒃᑯᑦ ᐱᓕᕆᐊᒃᓴᖏᓐᓄᑦ ᐸᕐᓇᐅᑎᑦ ᐊᖏᖅᓯᒪᔪᑦ ᑕᒪᑐᓱᖓ, "ᐱᕙᓪᓕᐊᑎᑦᑎᓂᖅ ᐊᒻᒪᓗ ᑐᓂᓯᓯᒪᓂᖅ ᐸᓖᓯᒃᑯᑦ ᐅᑯᐊ ᓴᓇᖃᑎᖃᕐᓂᐊᖅᑐᑦ ᐃᓄᖕᓂᒃ ᐅᕝᕙᓘᓐᓃᑦ ᐃᓄᐃᑦ ᓄᓇᖏᓐᓂᒃ."
• ᐅᑯᐊ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓐᓂᐊᖅᑏᑦ (QTC)^{Footnote 17} ᐊᔾᔨᐸᓗᖏᓐᓂᒃ ᐊᑐᓕᖅᑕᐅᖁᔨᓚᐅᖅᑐᑦ ᑕᐃᑲᓂ ᐅᓂᒃᑳᖅ: "ᖃᐅᔨᒪᑦᑎᐊᕐᓂᐊᕋᑦᑕ ᑖᒃᑯᐊ ᐃᓄᐃᑦ ᐱᐅᓯᑐᖃᖏᑦ ᑐᑭᓯᐅᒪᔭᐅᑦᑎᐊᕐᓗᑎᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᐅᑯᐊᓗ ᐃᖅᑲᓇᐃᔭᖅᑐᑦ ᐊᒃᑐᐃᓪᓗᑎᒃ ᐃᓄᖕᓂᒃ, ᐅᑯᐊ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ, ᐃᑲᔪᖅᑕᐅᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᓴᕿᑦᑎᓪᓗᐊᖅᑐᑦ ᐊᒻᒪᓗ ᑐᓂᓯᓯᒪᓪᓗᐊᖅᑐᑦ ᐱᐅᓯᑐᖃᕐᒥᖕᓂᒃ ᐃᓕᓐᓂᐊᖅᑎᑦᑎᖃᑦᑕᕐᓗᑎᒃ ᑕᒪᐃᓐᓄᑦ ᑕᐃᒪᐃᑦᑯᓄᑦ ᐃᖅᑲᓇᐃᔭᖅᑎᓄᑦ."^{Footnote 18}
• ᐅᑯᐊ ᔭᓗᓇᐃᕝ ᐊᕐᓇᐃᑦ ᑲᑐᔾᔨᖃᑎᒌᑦ ᒫᓐᓇᓵᖅ ᓴᕿᑦᑎᓚᐅᖅᑐᑦ ᐅᓂᒃᑳᖅ (ᐊᐃᕆᓕ 2024) ᐊᑐᓕᖅᑕᐅᖁᔨᓪᓗᑎᒃ ᒪᓕᒐᖃᕐᓄᑎᒃ ᐊᑐᖅᑕᐅᔭᕆᐊᖃᕐᓗᑎᒃ ᐱᐅᓯᑐᖃᕐᒥᒃ ᐊᑐᖅᓯᑦᑎᐊᕆᐊᖃᕐᓂᖅ ᐱᔭᕆᐅᖅᓴᔭᐅᓗᓂ ᐸᓖᓯᒃᑯᑦ "…ᐅᓇ ᑲᔪᓰᓐᓇᖃᑦᑕᕐᓗᓂ, ᓇᖕᒥᓂᖅ ᐅᐸᖑᑎᓯᒪᓗᑎᒃ ᐊᒻᒪᓗ ᓄᓇᓕᒃᑎᒍᑦ."

ᐸᓖᓯᒃᑯᑦ ᓄᓇᓕᖕᓄᑦ ᐃᖅᑲᓇᐃᔭᕆᐊᕐᓂᐊᖅᑐᑦ ᐱᔭᕆᐅᖅᓴᐅᑎᖏᑦ ᑕᐃᑲᖓᓂᑦ 2020 (ᓄᖃᖓᔪᖅ ᑎᑎᕋᖅᑕᐅᓂᖓᓂ)

ᐅᑯᐊ ᐸᓖᓯᒃᑯᑦ ᑳᓐᑐᕌᒃᓯᓚᐅᖅᑐᑦ ᐃᖃᓗᖕᓂ ᐃᓂᖃᖅᑐᑦ ᐃᓄᖕᓂᒃ-ᓇᖕᒥᓂᕆᔭᐅᔪᖅ ᐃᓕᓐᓂᐊᕐᑎᑦᑎᖃᑦᑕᕐᓗᑎᒃ ᐃᖅᑲᓇᐃᔭᕆᐊᕐᓂᐊᖅᑐᓄᑦ ᐱᔭᕆᐅᖅᓴᑎᑦᑎᓗᓂ ᐸᓖᓯᒃᑯᓂᒃ ᓄᓇᕗᒻᒦᓐᓂᐊᖅᑐᓂᒃ.

ᐅᓇ ᐱᓕᕆᑎᑦᑎᔾᔪᑕᐅᔪᖅ ᐃᓚᖃᖅᑐᖅ 7 ᐃᓕᓐᓂᐊᕈᑎᓂᒃ:

1. ᓴᐃᒪᖃᑎᒌᖕᓂᖅ (1 ᐅᓪᓗᖅ)
2. ᐊᕕᒃᑐᖅᓯᒪᔪᑦ ᖃᓄᐃᓕᖓᖕᒪᖔᑕ (1 ᐅᓪᓗᖅ)
3. ᐃᒻᒪᑲᓪᓚᓂᑦ ᑕᐃᒪᐃᓂᖓᓂᖏᑦ ᖃᖓᒃᑰᖓᑦᑕᓚᐅᖅᐸᑦ (1 ᐅᓪᓗᖅ)
4. ᐃᓄᒃᑎᑐᑦ (1 ᐅᓪᓗᖅ)
5. ᓴᐱᓕᖅᑕᐃᓕᒪᓂᖅ, ᓇᖕᒥᓂ-ᐸᕿᑦᑎᐊᕐᓂᖅ, ᐊᒻᒪᓗ ᐱᔭᕐᓂᓐᖏᑦᑐᓂᒃ ᐊᑐᖅᓯᔪᓐᓇᕐᓂᖅ (1 ᐅᓪᓗᖅ)
6. ᐱᒋᐊᕈᑎᑦ ᐊᑦᑕᕐᓇᒻᒪᕆᒃᑐᒥᒃ ᖃᓄᐃᓕᔪᖃᖅᑎᓪᓗᒍ ᑭᐅᓯᓂᖅ ᓄᓇᕗᒻᒥ ᐃᓗᐊᓂ (1 ᐅᓪᓗᖅ)
7. ᐃᓱᒪᒧᑦ ᐋᓐᓂᐊᖃᖅᑕᐃᓕᑎᑦᑎᓂᖅ ᐃᓅᓕᓴᐅᑎᑦ (3 ᐅᓪᓗᑦ)

ᐊᐃᑖᖑᒐᓗᐊᖅ, ᓄᕙᒡᔪᐊᕐᓇᖅ-19 ᐊᐃᑦᑐᐃᕙᓪᓕᐊᓚᐅᕐᓂᖓ ᐊᔪᓕᕐᑎᑦᑎᓯᒪᔪᖅ ᑲᔪᓯᑎᑦᑕᕆᐊᒃᓴᖓ ᐱᔭᕆᐅᖅᓴᑎᑦᑎᓂᖅ ᐊᓂᒍᖅᑎᓪᓗᒍ ᐊᑕᐅᓯᖅ ᐃᓕᓐᓂᐊᖅᑕᐅᔪᓐᓇᖅᖢᓂ ᐊᒻᒪᓗ ᐱᔭᕆᐅᖅᓴᑎᑦᑎᓂᖅ ᐱᒋᐊᒃᑲᓐᓂᓚᐅᓐᖏᑦᑐᖅ.^{Footnote 19} ᐊᐱᖅᓲᑎᑦ ᐃᓚᒋᔭᐅᔪᓄᑦ V ᐸᓖᓯᖃᕐᕕᖓ ᓇᓗᓇᐃᖅᓯᓯᒪᔪᖅ ᐃᓱᒪᖃᕐᒪᑕ ᐊᓯᖏᓐᓂᑦᑕᐅᖅ ᑲᔪᓯᔪᓐᓇᕐᒪᖔᑦ ᖃᐅᔨᓴᕈᑕᐅᓇᐅᕐᓗᑎᒃ ᐱᔭᕆᐅᖅᓴᑎᑦᑎᓂᖅ ᓅᑕᐅᓂᐊᖅᑐᓂᒃ ᐸᓖᓯᒃᑯᑦ ᐊᒻᒪᓗ ᐊᐃᑉᐸᖏᓐᓂᒃ ᐃᑭᐊᕿᕕᒃᑯᑦ ᐃᓕᓐᓂᐊᕐᓗᑎᒃ. ᐅᓇ ᐱᔭᕆᐅᖅᓴᑎᑦᑎᓂᖅ ᑕᒪᐃᓐᓄᑦ ᐸᓖᓯᓄᑦ ᓅᓐᓂᐊᖅᑐᓄᑦ V ᐸᓖᓯᖃᕐᕕᖕᒧᑦ, ᐱᓗᐊᖅᑐᒥᒃ ᐃᑲᔫᑎᓂᐊᖅᑐᖅ ᑖᒃᑯᐊ ᐃᓚᐅᔪᑦ ᑕᒪᑐᒧᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᓕᕆᔾᔪᓯᖅ ᑐᑭᓯᔭᐅᑦᑎᐊᒃᑲᓐᓂᕐᓗᓂ ᐃᓄᖕᓂᒃ ᐱᐅᓯᑐᖃᖏᓐᓂᒃ ᐊᒻᒪᓗ ᐃᓗᓕᖏᓐᓂᒃ ᐊᒻᒪᓗ ᐃᒻᒪᑲᓪᓚᒃ ᐊᑐᖅᓯᒪᔭᖏᑦ ᐸᓖᓯᒃᑯᑦ ᓄᓇᕗᒻᒥ.

ᒪᓕᒃᑕᐅᑦᑎᐊᖅᐸᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖃᑦᑕᖅᑐᑦ ᖃᓄᖅ ᐸᓖᓯᒃᑯᑦ ᐊᑐᐊᒐᖏᑦ ᐊᒻᒪᓗ ᐱᐅᓯᖏᑦ ᐱᓕᕆᓂᐊᖅᖢᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᓈᒻᒪᒃᑲᓗᖃᒃᒪᖔᑕ ᓄᐊᑕᐅᓯᒪᔪᑦ ᓄᓇᕗᒻᒥ. ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᓕᕆᓯᒪᔪᑦ 75 ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐅᖃᐅᓯᕕᓂᕐᓂᒃ ᓄᐊᓯᒪᔪᓂᒃ^{Footnote 20} (ᐊᕙᑖᓂᑦ ᐊᐃᕆᓕ 1, 2018 ᐊᒻᒪᓗ ᒫᑦᓯ 31, 2022) ᖃᓄᖅ ᐊᔾᔨᒋᓐᖏᒻᒪᖔᑕ ᓇᓪᓕᐊᖕᓄᑦ ᑕᖏᕆᑎᑕᐅᔪᓄᑦ. ᐅᐃᒍᖅ B ᑐᓴᕐᑎᑦᑎᔪᖅ ᐅᓐᓂᕐᓘᑎᓂᒃ (ᑭᓱᓂᒃ ᐱᔾᔪᑎᖃᕐᒪᖔᑕ ᐊᒻᒪᓗ ᖃᑦᓯᑦ ᐸᓯᒃᖠᖅᑐᑦ ᓄᓇᕗᒻᒥ ᐊᒻᒪᓗ ᖃᓄᖅ ᐅᓇ ᖃᓅᑎᒋᕙ ᐊᓯᖏᓐᓂᑦ ᑲᓇᑕᒥ ᑕᒪᒃᑭᖅᖢᒋᑦ). ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᓯᓯᒪᔪᖅ ᑕᒪᐃᓐᓄᑦ ᐱᔾᔪᑕᐅᔪᑦ ᐊᒻᒪᓗ ᐊᑕᐅᓯᕐᒥᒃ ᐊᑐᓕᖅᑕᐅᖁᔨᓪᓗᑎᒃ.

ᖃᓄᖅ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᓯᕙᑦ ᒪᓕᑦᑎᐊᕆᐊᖅᓂᕐᒥᒃ

ᐊᐱᖅᓲᑎᑦ ᐸᓖᓯᒃᑯᑦ ᐱᔾᔪᑎᒋᓪᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᕐᓂᕐᒥᒃ ᑕᐃᑲᓂ V ᐸᓖᓯᖃᕐᕕᖕᒥ ᓴᕿᑎᓯᒪᔪᑦ ᑐᑭᒧᐊᒍᑎ ᑖᓐᓇᑑᓚᐅᖅᑐᖅ ᐊᑐᖅᑕᐅᔪᖅ ᐱᓕᕆᓪᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᖢᑎᒃ. ᑕᐃᒪᐃᒻᒪᑦ, ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᓯᒪᔪᑦ ᖃᓄᖅ ᐊᑐᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᓯᒪᔪ ᕿᒥᕐᕈᐊᖅᑕᐅᓪᓗᑎᒃ ᐊᑐᖅᓯᑦᑎᐊᓚᐅᖅᑐᑦ 67 ᑕᐃᒪᓐᓇᐅᔭᕆᐊᖃᖅᑎᑕᐅᔪᓂᒃ ᑐᑭᒧᐊᒍᑎᓂ ᐊᔪᕆᖅᓲᔾᔨᔪᓂᒃ. ᐅᐃᒍᖅ B ᓇᓗᓇᐃᑦᑎᐊᖅᓯᒪᔪᖅ ᖃᓄᖅ ᑕᖏᖓ ᓂᕈᐊᖑᓯᒪᖕᒪᖔᑦ.

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓇᖅᓯᓚᐅᕐᒥᔪᑦ ᖃᓄᖅ ᐊᔪᕆᖅᓲᔾᔨᔪᑎᑦ ᐊᑖᓂ ᑎᑎᕋᖅᓯᒪᔪᑦ ᒪᓕᒃᑕᐅᓚᐅᕐᒪᖔᑦ:

• ᐅᑯᐊ ᐸᓖᓯᒃᑯᑦ-ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᑎᑎᕋᖅᓯᒪᔪᑦ ᑐᑭᓯᖃᑎᒌᒍᑎᒥᖕᓂᒃ (MOU)
• ᐅᑯᐊ ᐸᓖᓯᒃᑯᑦ Audit of Policy Management – Phase Two [ᖃᐅᔨᓴᖅᓯᒪᔭᖏᑦ ᐊᑐᐊᒐᕐᓂᒃ ᐊᐅᓚᑦᑎᓂᕐᒧᑦ – ᖃᓄᐃᑉᐸᓪᓕᐊᓂᖓ 2]

ᓇᓂᔭᐅᔪᖅ 7: ᐸᓖᓯᒃᑯᑦ ᑎᑎᕋᖅᐸᓪᓕᐊᓂᕐᒥᒃ ᐱᔭᕆᐅᖅᓴᓪᓗᑎᒃ ᒪᓕᑦᑎᐊᕐᓂᐊᕐᒪᑕ ᕿᒥᕐᕈᐊᕐᓂᕐᒧᑦ ᐱᔭᕐᓂᖃᑦᑕᓐᖏᑦᑐᓂᒃ

ᐊᑐᓕᖁᔭᐅᔪᖅ 5: ᐅᑯᐊ ᐸᓖᓯᒃᑯᑦ ᐊᒻᒪᓗ V ᐸᓖᓯᖃᕐᕕᒃ ᐊᑐᓕᖅᑎᑦᑎᓯᒪᔪᑦ ᐱᓕᕆᔾᔪᓯᕐᒥᒃ ᑕᒪᒃᑯᓄᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐊᔪᒋᓐᓂᐊᕐᒪᑕ ᓇᓗᓇᐃᖅᓯᖃᑦᑕᕐᓗᑎᒃ ᐊᓯᕈᖅᑕᐅᑎᖏᓐᓂᒃ, ᖃᐅᔨᓴᑦᑎᐊᕐᓗᒋᑦ ᐊᑐᐊᒐᐃᑦ ᒪᓕᑦᑎᐊᕐᒪᖔᑕ ᐊᒻᒪᓗ ᐱᔭᕆᐅᖅᓴᐅᑎᑦ ᐊᑑᑎᖃᑦᑎᐊᕐᒪᖔᑕ, ᐊᒻᒪᓗ ᖃᐅᔨᓗᑎᒃ ᖃᓄᖅ ᐋᕿᒋᑦᑎᐊᕋᔭᕐᒪᖔᑕ ᐱᑕᖃᕆᐊᖃᕈᓂ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᑐᖅᓯᓯᒪᔪᑦ ᐱᔭᕐᓂᓐᖏᑦᑐᓂᒃ ᖃᐅᔨᓴᑦᑎᐊᕋᓱᒃᖢᒋᑦ ᐱᐅᓯᑦ ᒪᓕᑦᑎᐊᕐᒪᖔᑕ ᑖᒃᑯᓄᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ

ᐱᑎᑕᐅᓗᓂ ᐱᔭᕇᖅᓯᒪᑦᑎᐊᖅᑐᒥᒃ ᖃᓄᐃᓕᖓᓇᔭᕐᒪᖔᑕ ᐅᓐᓂᕐᓘᑎᖏᓐᓂᒃ ᑎᑎᖃᖏᑦ ᓄᐊᓯᒪᔪᑦ ᐱᓕᕆᔭᐅᔾᔪᓯᖏᑦ, ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᑐᕆᐊᖃᕐᓂᐊᖅᑐᑦ, ᕿᒥᕐᕈᐊᕐᓗᒋᑦ, ᖃᓄᖅ ᐊᔾᔨᒌᒍᓐᓇᕐᒪᖔᑕ, ᐊᒻᒪᓗ ᓇᑭᑦ ᖃᐅᔨᒋᐊᒃᑲᓐᓂᕈᓐᓇᕐᓂᕐᒥᒃ ᑐᓴᒐᒃᓴᓂᒃ ᑖᒃᑯᓇᖓᑦ ᐱᖓᓱᓂᑦ ᐊᔾᔨᒌᓐᖏᑦᑐᓂᒃ ᑎᑎᕋᖅᐸᓪᓕᐊᔪᑦ ᐱᓕᕆᔾᔪᓯᕐᓂᑦ:

• ᐸᓖᓯᒃᑯᑦ ᐅᖃᐅᓯᐅᔪᓂᒃ ᐊᒻᒪᓗ ᖃᓄᐃᓕᔪᓂᒃ ᓈᓚᐅᓯᕆᕕᖏᑦ (PROS) – ᒪᓕᖃᑦᑕᖅᑐᑦ ᐅᓐᓂᕐᓘᑎᓂᒃ ᐋᕿᒃᑕᐅᓪᓗᑎᒃ ᐅᕝᕙᓘᓐᓃᑦ ᖃᐅᔨᓴᖅᑕᐅᓪᓗᑎᒃ
• ᐃᖅᑲᓇᐃᔭᖅᑐᓕᕆᓂᕐᒥ ᐊᐅᓚᑕᐅᓂᖏᑦ ᑎᑎᖃᖁᑎᖏᑦ ᐱᓕᕆᔾᔪᓯᖓ (HRMIS) – ᒪᓕᖃᑦᑕᖅᑐᑦ ᐊᑑᑎᖃᖅᑐᓂᒃ ᐅᓐᓂᕐᓘᑕᐅᔪᑦ ᐸᓖᓯᒃᑯᓂᒃ
• ᑖᒃᑯᐊ ᑎᒍᔭᒃᓴᐅᔪᑦ ᖃᕆᓴᐅᔭᕐᒦᓐᖏᑦᑐᑦ ᑎᑎᖃᑦ – ᐱᓯᒪᔭᐃᑦᑎᐊᓲᑦ V ᐸᓖᓯᖃᕐᕕᒃ

ᐅᓇ ᐱᓕᕆᔾᔪᓯᖅ ᐊᑯᓂᐅᓗᐊᓲᖅ ᐊᒻᒪᓗ ᐱᔭᕐᓂᕈᓐᓃᖅᑎᑦᑎᖃᑦᑕᖅᑐᖅ, ᑕᐃᒪᓗ ᒪᓕᒋᐊᖃᖅᑐᓂᒃ ᕿᒥᕐᕈᐊᒃᑲᓐᓂᓕᓲᑦ (ᐃᒻᒥᒍᑦ ᐊᒻᒪᓗ ᓯᓚᑎᒥᖕᓂᒃ) ᐱᔭᕐᓂᓐᖏᑦᑐᖅ.

ᓇᓂᔭᐅᔪᖅ 8: ᐅᖓᑖᓂ 2/3 V ᐸᓖᓯᖃᕐᕕᖓᓂ ᑭᒃᑯᑐᐃᓐᓇᐃᑦ ᐅᓐᓄᕐᓘᑎᖏᓐᓂᒃ ᑎᑎᕋᖅᓯᒪᔪᑦ ᓄᐊᓯᒪᔪᑦ ᐋᕿᒃᓱᖅᓯᒪᑦᑎᐊᓐᖏᑦᑐᑦ

ᑖᒃᑯᓇᖓᑦ ᐅᓐᓂᕐᓘᑎᖏᓐᓂᒃ ᑎᑎᖃᖏᑦ ᓄᐊᓯᒪᔪᓂᑦ ᕿᒥᕐᕈᐊᖅᑕᐅᔪᓂᑦ, 69.3% ᐃᓗᓕᖃᓚᐅᖅᑐᑦ ᐊᑕᐅᓯᕐᒥᐅᒐᓗᐊᖅ ᑕᒻᒪᖅᓯᒪᔪᓂ ᐃᓕᓯᒪᔪᑦ ᐊᒻᒪᓗ 16% ᐃᓗᓕᖃᓚᐅᖅᑐᑦ ᐊᑑᑎᖃᓐᖏᑦᑐᓂᒃ ᐊᒥᓱᓂᒃ (ᓇᓗᓇᐃᖅᓯᔪᖅ 1).^{Footnote 21} ᓇᓗᓇᐃᖅᓯᔪᖅ 2 ᑕᑯᑎᑦᑎᔪᖅ ᓇᐅᒃᑯᑦ ᓈᒻᒪᖃᑦᑕᓚᐅᓐᖏᑦᑐᑦ ᑖᒃᑯᐊᓗ ᑕᐃᒪᐃᓕᖓᔪᑦ ᓇᓕᔭᐅᖃᑦᑕᓚᐅᕐᒪᑕ.

ᓇᓂᔭᐅᔪᖅ 9: ᑎᑎᖃᐅᓯᐊᑦ, ᑎᑎᖃᑦ, ᐊᒻᒪᓗ ᐱᔾᔪᑎᖏᑦ ᖃᓄᐃᒻᒪᑦ ᑭᖑᕙᖅᓯᒪᖕᒪᖔᑕ ᐅᑯᐊ ᓈᒻᒪᖃᑦᑕᓐᖏᑐᑦ

ᐊᒥᓱᑦ ᖃᓄᐃᓕᖓᓕᕐᒪᖔᑕ ᑐᓴᕐᑎᑦᑎᔾᔪᑎᑦ ᐃᓄᖕᓄᑦ ᐅᑯᐊᓗ ᐅᓐᓂᕐᓘᑎᖃᖅᓯᒪᔪᑦ ᑎᑭᐅᑎᓯᒪᖃᑦᑕᓐᖏᑦᑐᑦ ᑐᑭᒧᐊᒍᑎᑦ ᐱᐅᓯᖏᓐᓂᒃ

ᐅᓇ 2017 ᑐᑭᒧᐊᒍᑎ ᐱᔭᕆᐊᖃᖅᑎᑦᑎᔪᖅ ᐸᓖᓯᒃᑯᑦ "…ᑐᓂᓯᓗᑎᒃ ᑐᑭᖃᑦᑎᐊᖅᑐᓂᒃ ᖃᓄᐃᓕᖓᓕᕐᒪᖔᑕ ᑕᐃᒪᓗ ᐱᕙᓪᓕᐊᑎᐊᕐᓂᐊᕐᒪᑦ ᖃᐅᔨᓴᕐᓂᖅ, ᓲᕐᓗ ᑐᓂᓯᓗᑎᒃ ᑐᓴᒐᒃᓴᓂᒃ ᑕᐃᒪᓗ ᑭᓱᑦ ᐱᔭᕇᖅᑕᐅᖕᒪᖔᑕ ᑕᐃᒪᖓᓂᑦ ᑭᖑᓪᓕᖅᐹᖓᓂᑦ ᖃᓄᐃᓕᖓᓕᕐᒪᖔᑕ ᑐᓴᕐᑎᑦᑎᓚᐅᖅᑎᓪᓗᒋᑦ ᐊᒻᒪᓗ ᑭᓱᑦ ᓱᓕ ᐱᓕᕆᔭᕆᐊᖃᕐᒪᖔᑕ.^{Footnote 23} ᐊᒥᓱᑦ ᑎᑎᖃᑦ ᐊᐅᓪᓚᖅᑎᑕᐅᓚᐅᖅᑐᑦ ᖃᓄᐃᓕᖓᓕᕐᒪᖔᑕ ᑐᓴᕐᑎᑦᑎᔪᓂᒃ ᐃᓄᑐᐃᓐᓇᓄᑦ ᐅᓐᓂᕐᓘᑎᕕᓂᖏᓐᓂᒃ ᐅᑯᐊᓗ ᑐᑭᓯᓇᖅᓯᓯᒪᓐᖏᓗᐊᖅᑐᑦ ᐊᒻᒪᓗ ᑐᑭᓯᓇᖅᓯᑎᓯᒪᓐᖏᓗᐊᖅᑐᑦ.

ᐱᔾᔪᑎᑦ ᐱᓕᕆᔭᕆᐊᖃᓕᖅᖢᒋᑦ ᑐᑭᓯᓇᖅᓯᓯᒪᓐᖏᓗᐊᖅᑐᑦ ᑎᑎᕋᖅᓯᒪᔪᑦ, ᑕᐃᒪᓗ ᐱᔭᕐᓂᓐᖏᑦᑐᖅ ᖃᐅᔨᓴᕋᓱᒃᖢᒋᑦ ᐱᔾᔪᑎᖃᑦᑎᐊᕋᓗᐊᕐᒪᖔᑕ

ᑎᑎᕋᖅᓯᒪᔪᑦ ᓄᐊᓯᒪᓪᓗᑎᒃ ᓇᓗᓇᐃᑯᓗᒃᓯᒪᓗᐊᖃᑦᑕᓐᖏᑦᑐᑦ ᐅᕝᕙᓘᓐᓃᑦ ᑐᑭᓯᓇᓗᐊᕋᑎᒃ ᖃᓄᖅ ᐱᓕᕆᔭᐅᓐᓂᕐᒪᖔᑕ, ᐱᓗᐊᖅᑐᒥᒃ ᐃᒻᒥᒍᑦ ᐋᕿᒃᓯᔾᔪᑕᐅᖃᑦᑕᖅᑐᑦ. ᑐᑭᓯᓇᓗᐊᓚᐅᓐᖏᑦᑐᖅ ᖃᓄᐃᒻᒪᑦ ᑕᐃᒪᐃᓕᓐᓂᕐᒪᖔᑕ ᐊᕙᑖᓂᑦ ᐃᓄᑐᐃᓐᓇᕐᓗ, ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑎ, ᐊᒻᒪᓗ/‌ᐅᕝᕙᓘᓐᓃᑦ ᐃᓚᐅᔪᖅ ᐸᓖᓯᒃᑯᑦ ᑕᐃᒪᐃᓕᑎᑦᑎᓂᑯᑦ ᐃᒻᒥᒍᑦ ᐋᕿᒃᓯᒃᑕᐅᓪᓗᓂ. ᑕᐃᒪᓐᓇᐅᒐᓗᐊᖅᑎᓪᓗᒍ 2017 ᑐᑭᒧᐊᒍᑎ ᐃᒪᓐᓇᐅᔭᕆᐊᖃᖅᑎᑦᑎᔪᖅ ᑖᒃᑯᐊ, "ᐅᓐᓂᕐᓘᑎᓂᒃ ᑕᑕᕆᐊᓕᒃ ᓇᓗᓇᐃᑦᑎᐊᖅᓯᒪᒋᐊᓕᒃ ᑎᑎᕋᖅᓯᒪᓪᓗᒋᑦ ᐊᑐᓂ ᐸᓯᒃᓯᕈᑕᐅᔪᑦ ᐅᖃᐅᓯᐅᓚᐅᖅᐸᑕᓗ ᐊᒻᒪᓗ ᖃᓄᑐᐃᓐᓇᖅ ᒪᒥᓴᐅᑕᐅᓐᓂᖅᐸᑕ."^{Footnote 24}

ᐅᑯᐊ ᑐᑭᒧᐊᒍᑎᑦ ᐊᔪᕆᖅᓲᔾᔨᓲᖅ ᐸᓖᓯᒃᑯᓂᒃ ᐃᓚᐅᔪᓂᒃ ᓈᒻᒪᒋᔭᐅᖁᓪᓗᒋᑦ ᑎᑎᕋᖅᓯᒪᔪᑦ ᖁᔭᓈᖅᑕᐅᔪᑦ ᐊᒻᒪᓗ ᐊᐅᓪᓚᖅᑎᓪᓗᒋᑦ ᑖᒃᑯᓄᐊ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐅᑯᐊᓗ ᐊᐅᓪᓚᕐᑎᑦᑎᓗᑎᒃ ᑎᑎᖃᓂᒃ ᑖᒃᑯᓄᖓ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ. ᐱᓕᕆᐊᕆᓪᓗᒋᑦ, ᐊᒥᓲᓐᖏᓗᐊᖅᑐᑦ ᖃᐅᔨᒪᔾᔪᑎᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᓯᒪᔪᑦ ᐊᒻᒪᓗ ᐸᐃᖅᓲᑎᕕᓃᑦ ᓴᕿᑎᑦᑎᔪᑦ ᑖᒃᑯᐊ ᐸᓖᓯᑦ, ᑖᒃᑯᐊᖑᒐᔪᒃᑐᑦ ᐅᔾᔨᖅᑐᖅᑎᖏᑦ, ᐱᓕᕆᖃᑦᑕᖅᑐᑦ ᐅᖃᐅᔾᔨᓪᓗᑎᒃ ᐃᓄᖕᒥᒃ ᐊᒻᒪᓗ ᐱᓕᕆᖃᑦᑕᖅᑐᑦ ᐋᕿᒃᑕᐅᖁᔭᖏᓐᓂᒃ ᒪᓕᒃᖢᑎᒃ ᐃᓄᑐᐃᓐᓇᐅᑉ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐱᑕᖃᖃᑦᑕᓚᐅᓐᖏᑦᑐᑦ ᐋᕿᒃᓯᔾᔪᑎᕕᓃᑦ ᖃᓄᖅ ᑕᐃᒪᐃᓕᓐᓂᕐᒪᖔᑕ (ᓲᕐᓗ ᐆᒃᑑᑎᒋᓗᒍ, ᑖᓐᓇ ᐅᖃᐅᓯᐅᔪᖅ ᐊᖏᖃᑦᑕᓐᖏᑦᑐᖅ) ᐅᓐᓂᕐᓘᑎᑦ ᖃᓄᐃᓕᖓᔪᓐᓇᕐᒪᖔᑕ ᐋᕿᒃᑕᐅᓐᓂᖅᐸᑕᓗ ᐃᒻᒥᒍᑦ ᒪᓕᒃᖢᒋᑦ ᐊᑖᒍᑦ ᐃᓚᖓ 45.56 ᐸᓖᓯᒃᑯᑦ ᐱᖁᔭᕐᔪᐊᖓ. ᑕᐃᒪᐃᓕᖓᑎᓪᓗᒋᑦ, ᐅᓐᓂᕐᓘᑎᑦ ᐃᒋᑕᐅᑐᐃᓐᓇᖃᑦᑕᖅᑐᑦ ᑕᐃᒪᓗ ᖁᔭᓈᖅᑕᐅᓪᓗᑎᒃ, ᑕᐃᒪᓗ ᐱᑕᖃᓐᖏᒃᑯᓂ ᒐᕙᒪᒃᑯᑎᒍᑦ ᐱᓕᕆᔾᔪᓯᕐᓂᒃ ᐸᓖᓯᒃᑯᑦ ᐱᖁᔭᕐᔪᐊᒍᑦ ᐊᑖᒍᑦ ᐅᑯᐊᓗ ᓇᓗᓇᐃᔭᖅᓯᒪᔪᑦ ᑕᐃᒪᐃᑦᑐᓄᑦ ᖃᓄᐃᓕᖓᔪᖃᓕᕐᓂᖅᐸᑦ. ᐅᓇ ᐃᖅᐸᖅᓯᒪᓂᖓ ᒪᓕᒐᖅ.

ᐊᑲᐅᓐᖏᓕᐅᕈᑎᖃᕐᓂᖅ ᑕᑕᑎᕆᐊᓕᑦ ᐊᓯᐅᓯᒪᔪᑦ ᐱᑕᖃᓐᖏᑦᑐᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓗᓇᐃᖅᓯᒪᔪᑦ ᐊᒥᓱᑦ ᖃᓄᐃᓕᓯᒪᔪᓂ ᑕᐃᑲᓂ ᐊᑲᓐᖏᓕᐅᕆᓯᒪᔪᖃᖅᑐᖅ ᑭᓯᐊᓂ ᐱᔭᕇᖅᓯᓯᒪᔪᓂᒃ ᓇᓂᓯᓐᖏᑦᑐᑦ ᐊᑲᐅᓐᖏᓕᐅᕆᔪᑦ ᑕᑕᑎᕆᐊᓕᖏᓐᓂᑦ ᐃᓗᐊᓂ 75 ᑎᑎᖃᑦ ᓄᐊᓯᒪᔪᓂ ᕿᒥᕐᕈᐊᖅᑕᐅᓯᒪᔪᑦ.

• ᑕᐃᒪᓗ ᒪᓕᒐᖅᑎᒍᑦ ᑎᑎᕋᖅᓯᒪᔪᖃᓐᖏᑦᑐᖅ ᑕᐃᔅᓱᒪᓂ, ᒪᕐᕉᒃ ᐸᓖᓯᑦ ᖃᐅᔨᒪᓇᑦᑎᐊᕋᓗᐊᕈᑎᒃ ᐊᑲᐅᓐᖏᓕᐅᕈᑎᖏᑦ ᖃᐅᔨᓴᖅᑕᐅᑦᑎᐊᕆᐊᓕᑦ ᑕᐃᒪᓗ ᐅᓐᓂᕐᓘᑕᐅᓂᖅᐸᑦ ᓇᓕᐊᑐᐃᓐᓇᖅ. ᑭᒃᑯᑐᐃᓐᓇᐃᑦ ᐅᓐᓄᕐᓘᑎᖏᓐᓂᒃ ᑎᑎᕋᖅᑎ ᑕᐃᑲᓂ V ᐸᓖᓯᖃᕐᕕᖕᒥ ᐅᖃᖅᓯᒪᔪᑦ ᑖᒃᑯᐊ ᐊᑲᐅᓐᖏᓕᐅᕈᑎᖃᕐᓂᖅ ᐃᒻᒥᒍᑦ ᖃᐅᔨᓇᓱᒃᑕᐅᑦᑎᐊᖃᑦᑕᖅᑐᑦ ᖃᐅᔨᓴᓕᕌᖓᑕ ᐃᓚᒋᐅᔪᑦ ᓈᒻᒪᒃᑳᖓᑦ ᖃᐅᔨᓴᕆᐊᖃᖅᖢᒍ.
• ᐅᓇ ᐃᒻᒥᒍᑦ ᐱᓕᕆᓂᖅ ᑎᑎᕋᖅᑕᐅᖃᑦᑕᓐᖏᑦᑐᑦ ᓇᒥᑐᐃᓐᓇᖅ ᐅᓐᓂᕐᓘᑎᓂ ᑎᑎᕋᖅᓯᒪᔪᓂ ᓄᐊᓯᒪᔪᓂ.

ᐊᑲᐅᓐᖏᓕᐅᕈᑎᖃᖅᑐᓂᑦ ᑕᑕᕆᐊᓕᑦ ᐱᓕᕆᔭᐅᔭᕆᐊᖃᖅᑎᑕᐅᓕᖅᑐᑦ ᑐᑭᒧᐊᒍᑎᑦᑎᒍᑦ ᐱᒋᐊᖅᖢᑎᒃ 2022.

ᐱᔾᔪᑎᖏᑦ ᖃᓄᐃᒻᒪᑦ ᑭᖑᕙᖅᓯᒪᖕᒪᖔᑕ ᑎᑎᕋᖅᓯᒪᓐᖏᑦᑐᑦ

ᑖᓐᓇ 2017 ᑐᑭᒧᐊᒍᑎ ᑕᕿᑕᒫᑦ ᑎᑎᕋᖃᑦᑕᕆᐊᖃᖅᑎᑦᑎᔪᖅ ᑕᐃᒪᓗ ᓄᐊᑕᐅᓯᒪᔪᑦ ᑎᑎᖃᑦ ᐅᖓᑖᓃᓕᖅᐸᑕ 90 ᐅᓪᓗᐃᑦ. ᖃᓄᐃᒻᒪᑦ ᑭᖑᕙᖅᓯᒪᖕᒪᖔᑕ ᑎᑎᕋᖅᓯᒪᔪᓐᓇᓐᖏᑦᑐᑦ ᓄᐊᓯᒪᔪᓂ, ᐊᔾᔨᑎᐊᕆᒐᓗᐊᖅᖢᒋᑦ ᓄᐊᓯᒪᔪᑦ ᐅᖓᑖᓂᓕ 90-ᐅᓪᓗᐃᑦ ᐱᔨᑦᑎᕋᖅᑕᐅᓂᖏᑦᑎᒍᑦ ᐱᐅᓯᕐᒥᖕᓂᒃ.

ᓇᓂᔭᐅᔪᖅ 10: ᐱᐅᓯᕚᓪᓕᖅᓯᒪᓕᕋᓗᐊᖅᑎᓪᓗᒋᑦ, ᐃᓚᖏᑦ ᖃᐅᔨᓴᖅᑕᐅᓯᒪᔪᑦ ᖄᖏᐅᑎᓯᒪᓲᑦ ᐱᐅᓯᕐᒥᖕᓄᑦ ᖃᓄᖅ ᐊᑯᓂᐅᔭᕆᐊᖃᕈᓯᖏᓐᓂᒃ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᓯᒪᔪᑦ V ᐸᓖᓯᖃᕐᕕᒃ ᐱᔭᕇᖅᓯᕋᑖᖅᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᖢᑎᒃ ᑎᑎᖃᖏᓐᓂᒃ ᓄᐊᓯᒪᔪᓂᒃ ᐃᓗᐊᓂ 90-ᐅᓪᓗᐃᑦ ᐱᐅᓯᑦ ᑎᑎᕋᖅᓯᒪᔪᑦ ᐸᓖᓯᒃᑯᑦ-ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᑎᑎᖃᖏᑦ ᑐᑭᓯᖃᑎᒌᒍᑎᒥᖕᓄᑦ (MOU). ᓇᓗᓇᐃᖅᓯᔪᖅ 3 ᑕᑯᑎᑦᑎᔪᖅ ᖃᓄᖅ ᐊᑯᓂᐅᑎᒋᒐᔪᖕᓂᖓ ᐱᔭᕇᖅᓯᓇᓱᒃᖢᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᓯᒪᔪᓂᒃ ᓄᐊᓯᒪᔪᓂᒃ, ᐊᕕᒃᑐᖅᓯᒪᔪ ᒪᓕᒃᖢᒋᑦ ᖃᓄᖅ ᐋᕿᒃᑕᐅᓂᑰᖕᒪᖔᑦ.

V ᐸᓖᓯᖃᕐᕕᒃ ᐊᖏᔪᒥᒃ ᐱᐅᓯᕚᓪᓕᖅᑐᖅ ᓄᐊᑦᑎᓂᖏᑦ ᑎᑎᖃᓂᒃ ᐱᔭᕇᕐᕕᒃᓴᒥᖕᓄᑦ

ᖃᓄᖅ ᐊᑯᓂᐅᑎᒋᔭᕆᐊᖃᕐᓂᖓ ᖃᐅᔨᓴᖅᑕᐅᔪᑦ ᑎᑎᖃᑦ ᓄᐊᓯᒪᔪᑦ ᐱᐅᓯᕚᓪᓕᖅᓯᒪᓕᖅᑐᑦ ᑕᐃᒪᖓᓂᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᒋᐊᖅᐸᓪᓕᐊᓕᓵᖅᖢᑎᒃ ᕿᒥᕐᕈᐊᖅᐸᓪᓕᐊᓂᖏᓐᓄᑦ ᐃᓚᒋᓪᓗᒍ ᖃᓄᐃᓕᖓᔪᓐᓇᕐᓂᖏᑦ ᖃᐅᔨᓴᕈᓯᑦ ᐱᓕᕆᐊᖑᓂᖏᓐᓄᑦ (ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᒋᐊᓕᓵᖅᕈᑎᖏᑦ ᖃᓄᐃᓕᖓᓇᔭᕐᒪᖔᑕ ᕿᒥᕐᕈᐊᕈᓯᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᖃᓂᒃ ᓄᐊᓯᒪᔪᓂᒃ ᐊᕙᑖᓂ ᐊᐃᕆᓕ 1, 2015 ᐊᒻᒪᓗ ᒫᑦᓯ 31, 2021). ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐊᐅᓪᓚᕐᑎᑦᑎᓚᐅᖅᑐᑦ ᑭᒡᒐᖅᑐᖅᑎᒥᖕᓂᒃ ᑖᒃᑯᓄᖓ V ᐸᓖᓯᖃᕐᕕᒃ ᐊᑖᓂ 2017 ᐸᓖᓯᒃᑯᑦ ᐃᓗᐊᓂᒃ ᒪᓕᑦᑎᐊᕐᒪᖔᑕ ᖃᐅᔨᓴᕆᐊᖅᑐᖅᖢᓂ^{Footnote 25} ᐅᑯᐊᓗ ᒪᓕᑦᑎᐊᕐᓂᖅᓴᐅᓕᖅᑐᑦ ᐅᖃᖅᑕᐅᓯᒪᔪᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᑦ ᐊᒻᒪᓗ ᐱᐅᓯᕚᓪᓕᖅᖢᑎᒃ ᑎᑎᖃᑦ ᓄᐊᓯᒪᔪᑦ ᐱᔭᕇᖅᓯᒪᑦᑎᐊᓕᖅᖢᑎᒃ ᑭᖑᕙᖅᓯᒪᓇᑎᒃ.

ᑕᒪᕐᒥᐸᓗᒃ ᑎᑎᖃᑦ ᓄᐊᓯᒪᔪᖅ ᐱᔭᕇᖅᓯᒪᔪᑦ ᑭᖑᕙᖅᓯᒪᓇᑎᒃ

ᐅᑯᐊ ᑎᑎᖃᑦ ᓄᐊᓯᒪᔪᑦ ᕿᒥᕐᕈᐊᖅᑕᐅᓚᐅᖅᑐᑦ ᑕᐃᑲᓂ ᖃᐅᔨᓴᖅᑎᑕᐅᑎᓪᓗᒋᑦ ᐱᔭᕇᓚᐅᖅᑐᑦ ᓈᒻᒪᓈᑦᑎᐊᐸᓗᒃᖢᑎᒃ 79 ᐅᓪᓗᑦ. ᐊᕙᖏᑦ ᑎᑎᖃᑦ ᓄᐊᓯᒪᔪᑦ ᐱᔭᕇᓚᐅᖅᑐᑦ ᐃᓗᐊᓂ 35 ᐅᓪᓗᐃᑦ ᐅᕝᕙᓘᓐᓃᑦ ᑐᖔᓂ. ᖃᐅᔨᒪᓂᐊᖅᐳᓯ ᐅᑯᐊ ᓈᓴᖅᓯᒪᔪᑦ ᐃᓚᖃᖅᑐᑦ ᑕᒪᐃᓐᓂᒃ ᑎᑎᖃᓂᒃ ᓄᐊᓯᒪᔪᓂᒃ, ᐃᓚᓕᐅᑎᓯᒪᔪᑦ ᑖᒃᑯᐊ ᖁᔭᓈᖅᓯᓂᑯᑦ, ᓄᖃᖅᑎᑕᐅᓂᑯᑦ ᐸᓖᓯᒃᑯᑦ, ᐅᕝᕙᓘᓐᓃᑦ ᐋᕿᒃᑕᐅᓂᑯᑦ ᐃᒻᒥᒍᑦ.

ᑎᑎᖃᑦ ᓄᐊᓯᒪᔪᑦ ᑎᑭᐅᑎᔪᓐᓇᕐᒪᑕ ᒐᕙᒪᒃᑯᑎᒍᑦ ᖃᐅᔨᓴᖅᑕᐅᓗᑎᒃ ᐊᒻᒪᓗ ᐅᖃᐅᓯᐅᓗᑎᒃ ᐊᑯᓂᐅᓗᐊᓕᖅᐸᑕ ᑕᐃᒫᒃ ᒪᕐᕈᐃᓪᓗᐊᓕᖅᐸᑕ ᐱᐅᓯᖏᓐᓄᑦ

ᑲᒪᓇᓐᖏᑦᑐᖅ, ᐊᑯᓂᐅᓛᖑᔪᖅ ᐱᔭᕇᕋᓱᒃᖢᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐅᑯᐊᓗ ᐱᔭᕇᓲᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᖃᐅᔨᓴᖅᑕᐅᓚᐅᖅᖢᑎᒃ ᐅᓂᒃᑳᓕᐊᖑᔭᕌᖓᑕ. ᑕᒫᓂ ᖃᓂᒋᔮᓂ ᑖᒃᑯᐊ ᑎᑎᖃᑦ ᓄᐊᓯᒪᔪᑦ ᐱᔭᕇᖅᐸᑕ 194 ᐅᓪᓗᓄᑦ, ᖄᖏᐅᑎᒃᐸᑕ ᒪᕐᕈᐃᕐᓗᐊᖓᓕᕐᓗᓂ 90-ᐅᓪᓗ ᐱᐅᓯᖅ ᓇᓗᓇᐃᖅᓯᒪᔪᖅ ᐃᓗᐊᓂ ᐸᓖᓯᒃᑯᑦ-ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᑎᑎᕋᖅᓯᒪᔪᑦ ᑐᑭᓯᖃᑎᒌᒍᑎᒥᖕᓂᒃ. ᒪᕐᕉᒃ ᑎᑎᖃᑦ ᓄᐊᓯᒪᔪᑦ ᑕᐃᒪᓐᓇᐅᒐᓗᐊᖅᑎᓪᓗᒍ ᐊᑯᓂᐅᓂᖅᓴᒥᒃ 365 ᐅᓪᓗᓄᑦ ᐱᔭᕇᕋᓱᓲᑦ.

ᓇᓗᓇᐃᖅᓯᔪᖅ 3: ᐃᓂᖃᖅᑎᑕᐅᓗᑎᒃ ᐱᔭᕇᕋᓱᑦᑎᐊᕐᓗᒋᑦ ᐅᓐᓂᕐᓘᑎᑦ ᑎᑎᖃᖏᑦ ᓄᐊᓯᒪᔪᑦ ᒪᓕᒃᓗᒋᑦ ᖃᓄᖅ ᐋᕿᒍᑎᓂᐊᕐᒪᖔᑕ

ᑎᑎᖃᑦ ᓄᐊᓯᒪᔪᑦ ᐋᕿᒃᓯᓂᖓ	ᖃᓂᒋᔮᓂ ᐅᓪᓗᑦ ᐱᔭᕇᖅᑕᐅᓇᓱᖕᓂᖓ	ᖃᑦᓯᐅᓂᖏᑦ ᐱᓕᕆᐊᖑᔪᑦ
ᒐᕙᒪᒃᑯᑎᒍᑦ ᖃᐅᔨᓴᖅᓯᓂᖅ ᐊᒻᒪᓗ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐅᓂᒃᑳᖏᑦ ᐱᔭᕇᑦᑎᐊᕐᓗᑎᒃ	194	16
ᐸᓖᓯᒃᑯᑦ ᓄᖃᕐᑎᑦᑎᔪᑦ ᐅᓐᓂᕐᓘᑎᓂᒃ ᐃᓅᑉ ᐊᑐᕈᒪᔭᖏᓐᓂᒃ ᐱᔾᔪᑎᒋᓪᓗᒋᑦFootnote 26	56	5
ᐸᓖᓯᒃᑯᑦ ᓄᖃᕐᑎᑦᑎᓯᒪᔪᑦ ᐅᓐᓂᕐᓘᑎᑦ ᐊᑑᑎᖃᓐᖏᑦᑎᐊᖅᑎᓪᓗᒋᑦFootnote 27	38	5
ᐃᒻᒥᒍᑦ ᐋᕿᒃᓯᓂᖏᑦ	38	28
ᖁᔭᓈᖅᓯᔪᑦ	53	21
ᖃᓄᑐᐃᓐᓇᑦᑎᐊᖅ ᐋᕿᒍᓐᓇᖅᑐᑦ	79	75

ᓇᓂᔭᐅᔪᖅ 11: ᐅᑯᐊ ᐸᓖᓯᒃᑯᑦ ᐊᒻᒪᓗ V ᐸᓖᓯᖃᕐᕕᒃ ᐱᑕᖃᓐᖏᑦᑐᑦ ᒐᕙᒪᒃᑯᓂᑦ ᐋᕿᒃᑕᐅᓯᒪᔪᓂᒃ ᐱᓕᕆᔾᔪᓯᕐᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᖃᐅᔨᓴᖅᑕᐅᔪᓐᓇᕐᓂᐊᕐᒪᑕ/ᑎᑎᖃᑦ ᓄᐊᑕᐅᓂᖏᑦ ᒪᓕᒋᐊᖃᖅᑐᓂᒃ ᑲᓇᑕᒥ ᐊᑐᐊᒐᕐᓂᒃ ᐅᕝᕙᓘᓐᓃᑦ ᑐᑭᒧᐊᒍᑎᓂᒃ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᓯᓂᖏᑦ ᓇᓂᓯᓯᒪᔪᑦ ᑕᒪᐃᓐᓄᑦ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ, ᐊᒻᒪᓗ V ᐸᓖᓯᖃᕐᕕᒃ ᑭᓯᐊᓂ ᐊᑐᓲᑦ ᐃᒻᒥᒍᑦ ᒪᓕᒃᖢᒋᑦ ᐱᓕᕆᔾᔪᓯᖃᖅᑐᑦ. ᐅᑯᐊ ᐊᔾᔨᒌᓐᖏᓕᖅᓯᒪᖃᑦᑕᖅᑐᑦ ᓇᓂᔭᐅᔪᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᖅᑕᖏᓐᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᖃᑦ ᓄᐊᓯᒪᔪᑦ ᑕᐃᑲᓂ V ᐸᓖᓯᖃᕐᕕᒃ ᐅᓄᓐᖏᓗᐊᖅᑐᑦ.

ᐃᒻᒥᒍᑦ ᐸᓖᓯᒃᑯᑦ ᖃᐅᔨᓴᖃᑦᑕᖅᑐᑦ ᓴᕿᑦᑐᖃᕌᖓᑦ ᐃᓱᒫᓘᑎᓂᒃ ᐱᔾᔪᑎᒋᓪᓗᒍ ᐃᒻᒥᒍᑦ ᐋᕿᒍᓐᓇᖅᑐᓂᒃ ᐃᒻᒥᒍᑦ ᒪᓕᒃᑐᒃᖢᒋᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᓯᒪᔭᖏᑦ ᑖᒃᑯᑎᒍᑦ ᐸᓖᓯᒃᑯᑦ Audit of Policy Management – Phase Two [ᖃᐅᔨᓴᖅᓯᒪᔭᖏᑦ ᐊᑐᐊᒐᕐᓂᒃ ᐊᐅᓚᑦᑎᓂᕐᒧᑦ – ᖃᓄᐃᑉᐸᓪᓕᐊᓂᖓ 2] ᐅᓂᒃᑳᖅᓯᒪᔪᑦ ᓇᓂᓯᒪᔭᒥᖕᓂᒃ ᑕᐃᒫᒃ:

• ᑕᒪᐃᓐᓂ ᐱᓕᕆᕕᒋᔭᓕᒫᖏᓐᓂ, ᐅᑯᐊ ᐸᓖᓯᒃᑯᑦ ᒐᕙᒪᒃᑯᓂᑦ ᐋᕿᒃᑕᐅᓯᒪᔪᓂᒃ ᐱᓕᕆᔾᔪᓯᖃᓐᖏᑦᑐᑦ ᑕᐃᒫᒃ ᐃᖅᑲᓇᐃᔭᖅᑎᑦ ᐊᑐᐊᒐᕐᓂᒃ ᐊᑐᖅᓯᒋᐊᖃᖅᑐᑦ ᑲᓇᑕᒥ ᐊᑐᐊᒐᕐᒥᒃ ᐅᕝᕙᓘᓐᓃᑦ ᑐᑭᒧᐊᒍᑎᒥᒃ
• ᐅᑯᐊ ᐸᓖᓯᒃᑯᑦ "…ᐊᑐᖅᓯᖃᑦᑕᕐᒪᑕ ᑭᓯᐊᓂ ᖃᐅᑕᒫᖅᓯᐅᑎᓂᒃ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑕᐅᔪᓂᒃ ᑕᐃᒪᓗ ᐊᑐᖅᑕᐅᒍᓂ ᐃᒻᒥᒍᑦ ᖃᐅᔨᓇᓱᒍᑕᐅᓗᓂ ᑕᐃᒪᓗ ᐊᑐᐊᒐᐃᑦ ᒪᓕᒃᑕᐅᓚᐅᕐᒪᖔᑕ"
• ᑕᒪᒃᑯᐊ ᐃᒻᒥᒍᑦ ᐱᓕᕆᔾᔪᓯᐅᔪᑦ ᑐᓂᓯᓯᒪᔪᓐᓇᓐᖏᑦᑐᑦ ᑕᒪᒃᑭᖅᓯᒪᑦᑎᐊᖅᑐᓂᒃ ᑐᓴᒐᒃᓴᓂᒃ ᑕᑯᔭᒥᑦ-ᐊᑐᖅᓯᓄᑎᒃ ᐃᓱᒪᓕᐅᕆᓂᐊᕐᒪᑕ ᐱᔾᔪᑎᒋᓪᓗᒍ ᐱᔭᕆᐅᖅᓴᑎᑦᑎᓂᖅ ᐊᒻᒪᓗ ᐊᑐᐊᒐᐃᑦ ᐊᓯᕈᖃᑦᑕᖅᑐᑦ/ᐱᐅᓯᕚᓪᓕᖃᑦᑕᖅᑐᑦ.

ᐅᓇ ᐅᓂᒃᑳᖅ, ᓴᕿᑕᐅᓯᒪᔪᖅ ᐅᒃᑑᐸ 2020, ᓇᓗᓇᐃᖅᓯᓯᒪᔪᖅ ᐱᒻᒪᕆᐅᓂᖓᓂ ᖃᐅᔨᓴᑦᑎᐊᕐᓗᓂ ᒪᓕᑦᑎᐊᕐᒪᖔᑕ ᐊᑐᐊᒐᕐᒥᒃ:

"ᐊᑐᐊᒐᐃᑦ ᐱᒻᒪᕆᐅᔪᒥᒃ ᐃᓚᒋᔭᖏᑦ ᐸᓖᓯᒃᑯᑦ ᑕᐃᒪᓗ ᑐᑭᒧᐊᒃᑎᑦᑎᖃᑦᑕᕐᒪᑕ ᐋᓐᓂᐊᓕᖅᑐᖃᖁᓇᒍ ᐊᒻᒪᓗ ᐊᑦᑕᕐᓇᖅᑐᒦᑦᑐᖃᓕᖁᓇᒍ, ᓈᒻᒪᒃᑐᒥᒃ ᐱᓕᕆᑦᑎᐊᕐᓗᑎᒃ, ᐊᒻᒪᓗ ᐱᖁᔭᕋᓛᖅᑎᒍᑦ ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᒪᓕᒃᓗᒋᑦ. ᑕᐃᒪᓐᓇᐅᓪᓗᓂ, ᐱᒻᒪᕆᐅᔪᖅ ᒥᐊᓂᕆᓗᒋᑦ ᒪᓕᑦᑎᐊᖏᓐᓇᕐᒪᖔᑕ ᐊᑐᐊᒐᕐᓂᒃ ᑕᐃᒪᓗ ᐸᓖᓯᑦ ᐊᒻᒪᓗ ᐃᖅᑲᓇᐃᔭᖅᑐᑦ ᒪᓕᒃᓂᐊᕐᒪᑕ ᑐᑭᒧᐊᒍᑎᓂᒃ ᐊᒻᒪᓗ ᒪᓕᑦᑎᐊᖅᑐᓂᒃ ᐃᓱᒪᓕᐅᕆᔾᔪᑎᖃᕐᓗᑎᒃ. ᐱᒻᒪᕆᐅᖕᒥᔪᖅᑕᐅᖅ ᒥᐊᓂᕆᓂᕐᒧᑦ ᐊᑐᐊᒐᖅ ᖃᐅᔨᓴᖅᓯᓂᐊᕐᓗᓂ ᐊᓯᖑᖅᑐᖃᕆᐊᖃᒪᖔᑦᑕᐅᖅ ᐊᑐᐊᒐᓂ ᑕᐃᒪᓐᓇᐅᔭᕆᐊᖃᕈᑎᒃ." [ᐅᖃᕆᐊᑦᑎᐊᒃᑲᓐᓂᒻᒪᕆᒡᓗᒍ]

ᐅᑯᐊ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐃᓂᖏᑦ ᖃᐅᔨᓇᓱᑦᑎᐊᕐᓗᑎᒃ ᒪᓕᑦᑎᐊᕐᒪᖔᑕ ᑲᓇᑕᑎᒍᑦ ᐅᓄᓐᖏᑑᖕᒪᑕᓗ

ᐅᑯᐊ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᒪᓕᖃᑦᑕᖅᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᖃᑦ ᓄᐊᓯᒪᔪᓂᒃ ᓇᓗᓇᐃᑦᑎᐊᕐᓂᐊᕐᒪᑕ ᖃᓄᖅ ᐊᑯᓂᐅᑎᒋᔭᕆᐊᖃᕐᓕᕐᒪᖔᑕ ᐊᒻᒪᓗ ᖃᐅᔨᑎᑦᑎᖃᑦᑕᕐᓗᑎᒃ ᓇᒦᓕᕐᒪᖔᑦ ᐊᑐᓂ ᐃᓄᑐᐃᓐᓇᓄᑦ ᐅᑯᐊᓗ ᐅᓐᓂᕐᓘᑎᖃᖅᓯᒪᔪᑦ ᐊᒻᒪᓗ ᐸᓖᓯᒃᑯᑦ ᐅᑯᐊᓗ ᐅᓐᓂᕐᓘᑕᐅᔪᑦ. ᖃᐅᔨᓴᖅᓯᔪᓄᑦ ᑕᐃᑯᖓ ᐃᓱᐊᓄᑦ ᑭᒃᑯᑐᐃᓐᓇᐃᑦ ᐅᓐᓂᕐᓗᑎᖏᑦ ᐅᓂᒃᑳᑦ, ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᖃᐅᔨᓇᓱᑦᑎᐊᕐᓂᐊᖅᑐᑦ ᖃᓄᖅ:

• ᑕᒪᕐᒥᒃ ᐸᓯᒃᓯᐅᑕᐅᔪᑦ ᐱᓕᕆᔭᐅᑦᑎᐊᕋᓗᐊᕐᒪᖔᑕ
• ᑕᒪᕐᒥᒃ ᐱᖁᔭᕋᓛᑦ ᖃᐅᔨᓴᕆᐊᖃᕐᓂᕐᒧᑦ ᐱᕙᓪᓕᐊᔭᕆᐊᓕᑦ ᐊᑐᖅᑕᐅᖕᒪᖔᑕ
• ᖃᓄᐃᓕᖓᓇᔭᕐᓂᖓ ᐃᑲᔫᑎᑦ ᓇᓂᔭᐅᔪᓄᑦ

ᑕᐃᒪᓐᓇᐅᒐᓗᐊᖅᑎᓪᓗᒍ, ᐃᓚᖏᑦ ᐱᓕᕆᐊᖑᓯᒪᔪᑦ ᓄᖃᓲᑦ ᖁᔭᓈᖅᑕᐅᓪᓗᑎᒃ ᐅᕝᕙᓘᓐᓃᑦ ᐃᒻᒥᒍᑦ ᐋᕿᒃᓯᓪᓗᑎᒃ, ᐊᒥᓲᓐᖏᑦᑐᑦ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐱᓕᕆᖔᓕᕈᓐᓇᖅᑕᖏᑦ. ᐅᑯᐊ ᑲᓇᑕᒥ ᑭᒃᑯᑐᐃᓐᓇᓄᑦ ᐅᓐᓂᒃᓘᑎᑦ ᑎᑎᕋᖅᑕᐅᕕᖏᑦ ᐃᓂᖓᑦ ᐃᓚᖃᓐᖏᑦᑐᖅ ᖃᐅᔨᓴᖅᓯᓂᕐᒥᒃ ᖃᓄᑐᐃᓐᓇᐅᒐᓗᐊᖅᐸᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᕐᓂᖅ ᐅᕝᕙᓘᓐᓃᑦ ᑎᑎᕋᖅᑕᐅᔪᓂᒃ ᑲᓇᑕᒥ ᐊᑐᐊᒐᖅᑎᒍᑦ ᐅᕝᕙᓘᓐᓃᑦ ᑐᑭᒧᐊᒍᑎᑦᑎᒍᑦ, ᐱᔭᕐᓂᕉᓐᓃᖅᓯᒪᔪᖅ ᓇᓗᓇᐃᖅᓯᒋᐊᒃᓴᖅ ᐃᓗᐊᖏᔾᔪᑎᓂᒃ ᐊᒻᒪᓗ ᐱᓕᕆᐊᕆᓗᒋᑦ ᑭᖑᕙᖅᓯᒪᓐᖏᓪᓗᑎᒃ.

ᒪᓕᑦᑎᐊᕐᒪᖔᑕ ᐅᔾᔨᕆᔭᐅᓐᖏᑦᑐᑦ V ᐸᓖᓯᖃᕐᕕᖓᓂ ᐊᔾᔨᒌᓕᕈᓐᓇᓐᖏᑦᑐᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐃᓕᑦᑎᓚᐅᖅᑐᑦ ᑕᐃᒫᒃ ᐃᓗᐊᓂ V ᐸᓖᓯᖃᕐᕕᒃ:

• ᐊᐅᓚᑕᐅᔪᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᔭᒃᓴᕆᔭᐅᓪᓗᑎᒃ ᑖᔅᓱᒪ ᐃᖅᑲᓇᐃᔭᖅᑎᑦ ᐊᐅᓚᑦᓯᔨᖓᑦ ᐸᓖᓯᑦ (EMRO), ᐅᓇᓗ ᐊᑕᐅᓯᑑᔪᖅ ᐊᒥᓱᓂᒃ ᐱᔭᒃᓴᖃᖅᖢᓂ
• ᐊᑐᓂ ᐃᖅᑲᓇᐃᔭᖅᑎᑦ ᐊᐅᓚᑦᓯᔨᖓᑦ ᐸᓖᓯᑦ ᐃᓚᓯᖃᑦᑕᖅᑐᑦ ᓇᖕᒥᓂᖅ ᐅᔾᔨᕆᔭᐅᓐᖏᑦᑐᓂᒃ ᐱᓕᕆᔾᔪᓯᕐᒧᑦ
• ᐃᓚᖏᑦ ᐃᖅᑲᓇᐃᔭᖅᑎᑦ ᐊᐅᓚᑦᓯᔨᖓᑦ ᐸᓖᓯ ᐅᖃᓪᓚᐅᓯᖃᖅᐸᒃᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐃᓚᒋᔭᐅᔪᓄᑦ ᐱᓕᕆᔪᓐᓇᖅᑕᒥᖕᓂᒃ ᑕᐃᒪᓗ ᐅᖃᐅᓯᐅᔪᒥᒃ ᖃᐅᔨᒪᔨᒻᒪᕆᖕᒪᑕ ᐅᕝᕙᓘᓐᓃᑦ ᓴᕿᑦᑎᔪᓐᓇᖅᑐᑦ ᐱᔭᒃᓴᒥᖕᓂᒃ ᓇᖕᒥᓂᖅ ᐱᓕᕆᔾᔪᓯᕐᒧᑦ ᑖᓐᓇ 90-ᐅᓪᓗᖅ ᐱᔨᑦᑎᕋᐅᑎᒥᖕᓄᑦ ᐱᐅᓯᖅ ᑎᑭᐅᑎᑦᑎᐊᕐᓂᐊᕐᒪᑦ

ᐅᔾᔨᕈᓱᓐᖏᓂᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᕐᒥᑦ ᐊᑐᖅᓯᓪᓗᐊᓐᖏᑦᑐᑦ ᓇᓕᐊᒃ ᐸᓖᓯ ᐃᓂᖃᖅᐸ ᑖᔅᓱᒪᖓ ᐊᒻᒪᓗ ᐱᓯᒪᓂᖃᑐᐃᓐᓇᕆᐊᖃᓐᖏᒻᒥᔪᖅ ᐃᓱᓕᕕᒃᓴᖓᓂᒃ ᐅᑕᕿᐅᕈᑎᑐᐃᓐᓇᕐᓗᒋᑦ. V ᐸᓖᓯᖃᕐᕕᒃ ᐱᓕᕆᔾᔪᑎᖃᕆᐊᖃᖅᑐᖅ ᐋᕿᑦᑎᐊᖅᓯᒪᔪᒥᒃ ᐊᑐᖅᑕᐅᔪᓐᓇᕐᓂᐊᖅᑐᒥᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᖃᐅᔨᓴᖅᑕᐅᕕᖃᕐᓗᑎᒃ ᐊᒻᒪᓗ ᑎᑎᖃᑦ ᓄᐊᑕᐅᓗᑎᒃ ᑲᓇᑕᒥ ᐊᑐᐊᒐᕐᒧᑦ ᐊᒻᒪᓗ ᑐᑭᒧᐊᒍᑎᒧᑦ.

ᑭᒃᑯᑐᐃᓐᓇᐃᑦ ᖃᐅᔨᒪᓂᖏᑦ ᐊᒻᒪᓗ ᑕᐅᑦᑐᖏᑦ ᑖᒃᑯᓂᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᕐᒥᒃ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᑐᑦ ᖃᓄᖅ ᖃᐅᔨᒪᑎᑦᑎᔪᓐᓇᕐᒪᖔᑕ ᑭᒃᑯᑐᐃᓐᓇᕐᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᕐᒥᖕᓂᒃ, ᖃᓅᑎᒋᑦᑕᕐᓂᖓ ᐅᒃᐱᒋᔭᖃᑦᑎᐊᕐᓂᖅ ᐊᒻᒪᓗ ᑭᒃᑯᑐᐃᓐᓇᓂᒃ ᐅᒃᐱᕆᔭᖃᕐᓂᖅ ᐱᓕᕆᔾᔪᓯᕐᒥᒍᑦ, ᐊᒻᒪᓗ ᐊᑑᑎᖃᕐᒪᖔᑕ ᒫᓐᓇᐅᔪᖅ ᐋᕿᒃᓲᑕᐅᖃᑦᑕᖅᑐᑦ ᐊᒃᑐᓗᐊᖅᑕᐃᓕᑎᑦᑎᓂᒃᑯᑦ ᒫᓐᓇᐅᔪᖅ ᐱᔾᔪᑕᐅᔪᓄᑦ.
ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓂᓯᓚᐅᖅᑐᑦ ᑕᒪᐃᓐᓄᑦ ᐱᔾᔪᑕᐅᔪᓂᒃ ᐊᒻᒪᓗ ᐋᕿᒃᓯᓚᐅᖅᑐᑦ ᐱᖓᓱᓂᒃ ᐊᑐᓕᖅᑕᐅᖁᔨᓪᓗᑎᒃ. ᐊᑐᓕᖅᑕᐅᑎᑦᑎᓂᖅ ᑖᒃᑯᓂᖓ ᐊᑐᓕᖁᔭᐅᔪᓂᒃ ᐱᕚᓪᓕᕐᑎᑦᑎᐊᕐᓂᐊᕐᓗᒍ ᓴᐃᒪᖃᑎᒌᒍᑎᒃᓴᑦ ᐃᓄᐃ ᓄᓇᖏᓪᓗ ᐊᒻᒪᓗ ᖃᐅᔨᒪᑎᑦᑎᓗᑎᒃ ᑕᒪᓐᓇ ᑭᓐᖒᒪᒋᔭᐅᓛᖑᑎᓪᓗᒍ, ᐱᓕᕆᔪᓐᓇᑦᑎᐊᕋᓗᐊᖅᐹᖅᓯᒪᓂᖅ, ᐊᒻᒪᓗ ᒪᓕᒃᑕᐅᑦᑎᐊᕐᑎᑦᑎᒐᓗᐊᖅᐸᑦ ᑭᒃᑯᑐᐃᓐᓇᓄᑦ ᐅᓐᓂᓘᓯᕆᓂᕐᒥᒃ ᓄᓇᕗᒻᒥ.

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᓚᐅᖅᑐᑦ:

• NVision-ᑯᑦ ᐅᓂᒃᑳᖏᑦ Handling of Public Complaints by the RCMP in Nunavut [ᐱᓕᕆᐊᕆᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ ᓄᓇᕗᒻᒥ] (ᓄᕕᐱᕆ 30, 2022)
• ᐅᑯᐊ ᒐᕙᒪᑐᖃᒃᑯᑦ ᐃᓄᐃᑦ ᓄᓇᖓᓂ ᐊᑐᐊᒐᖅ
• Aaqigiarutiqarniq between the Royal Canadian Mounted Police and Inuit [ᐋᕿᒋᐊᕈᑎᖃᕐᓂᖅ ᐊᕙᑖᓂᑦ ᐸᓖᓯᒃᑯᑦ ᐊᒻᒪᓗ ᐃᓄᐃᑦ]. (ᕕᕗᐊᕆ 2022). ᑎᑎᕋᖅᑕᖓ ᐸᓖᓯᒃᑯᑦ, ᓄᓇᖅᑲᖅᑳᖅᓯᒪᔪᓂᑦ ᐸᓖᓯᓂᒃ ᐱᔨᑦᑎᕋᖅᑎᑦ, ᑲᓇᑕᒥ ᐊᖓᔪᖅᑳᖃᕐᕕᖓᑦ.
• ᐅᑯᐊ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᓐᓄᑦ ᐱᖁᔭᕐᔪᐊᖅ – ᒪᓕᒐᖅ ᐃᓚᖓ 8 ᐃᑲᔪᖅᑐᖅ "…ᑐᓂᓯᓯᒪᓂᖅ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᑦᑎᑐᑦ ᐊᑐᖅᑐᑦ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᐱᔨᑦᑎᕋᐅᑎᑦ ᐃᓗᐊᓂ ᐃᓕᓐᓂᐊᖅᑐᓕᕆᓂᖅ, ᐋᓐᓂᐊᖃᖅᑕᐃᓕᑎᑦᑎᓂᖅ, ᐊᒻᒪᓗ ᑎᑎᕋᓕᕆᓂᖓ ᐊᐅᓚᑕᐅᓂᖓ ᐸᓖᓯᓕᕆᓂᖅ ᐃᖃᖅᑐᐃᔪᓕᕆᓂᖅ."
• ᐃᓄᐃᑦ ᑕᐱᕇᑦ ᑲᓇᑕᒥ-ᐸᓖᓯᒃᑯᑦ ᐱᓕᕆᐊᒃᓴᓄᑦ ᐸᕐᓇᐅᑎᖏᑦ
• ᐅᑯᐊ ᐊᓪᓚᐃᑦ ᐊᒻᒪᓗ ᐃᓄᐃᑦ ᐸᓖᓯᐅᓂᕐᒧᑦ ᐃᓕᓐᓂᐊᕈᑎᑦ – ᐅᓇ ᒐᕙᒪᑐᖃᒃᑯᑦ ᐃᓕᓐᓂᐊᕈᑎᖓ ᐊᐅᓚᑕᐅᔪᖅ ᑭᒃᑯᑐᐃᓐᓇᐃᑦ ᐊᑦᑕᕐᓇᖅᑐᒦᑐᖃᖁᓇᒋᑦ ᑲᓇᑕ
• ᐅᑯᐊ ᔭᓗᓇᐃᕝ ᐊᕐᓇᐃᑦ ᑲᑐᔾᔨᖃᑎᒌᖏᑦ ᐅᓂᒃᑳᖅ

ᐊᑐᓕᖁᔭᐅᔪᖅ 6: ᐸᓖᓯᒃᑯᑦ ᐊᒻᒪᓗ V ᐸᓖᓯᖃᕐᕕᒃ ᑐᑭᓯᓇᓱᖃᑎᒌᖃᑦᑕᖅᑐᑦ ᑖᒃᑯᐊᓗ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐋᕿᒃᓱᓂᐊᕐᒪᑕ ᑐᑭᓯᐅᒪᔭᐅᑦᑎᐊᕆᐊᓕᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᓐᓂᒃ ᐊᒻᒪᓗ ᐱᐅᓯᕚᓪᓕᕐᓗᒋᑦ ᐊᑐᖅᑕᐅᔪᓐᓇᕐᓂᖓ.

ᓇᓂᔭᐅᔪᖅ 12: ᖃᐅᔨᒪᔭᐅᓂᖏᑦ ᐊᒻᒪᓗ ᐊᑐᖅᑕᐅᔪᓐᓇᕐᓂᖏᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᑦ ᐱᑕᖃᓐᖏᑦᑐᑦ

ᐅᑯᐊ ᑭᒃᑯᑐᐃᓐᓇᐃᑦ ᓄᓇᕗᒻᒥ ᖃᐅᔨᒪᑦᑎᐊᓐᖏᑦᑐᑦ ᑕᒪᑐᒥᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᕐᒥᒃ, ᑕᒪᒃᑯᐊᖑᒐᓗᐊᑦᑎᓪᓗᒋᑦ ᑭᖑᓂᑦᑎᓐᓂ ᐸᓖᓯᒃᑯᑦ ᐊᒻᒪᓗ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᓕᕆᓇᓱᐊᖅᓯᒪᔭᖏᑦ. ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᑐᓂᓯᓯᒪᔪᑦ ᐅᖃᓕᒫᒐᕐᓂᒃ ᑐᑭᓯᒋᐊᕈᑎᒃᓴᓂᒃ ᐊᒻᒪᓗ ᐊᑭᐊᕐᒥᐅᑕᓂᒃ ᐊᔾᔨᖑᐊᖃᖅᑐᓂᒃ ᐃᓄᒃᑎᑐᑦ ᑎᑎᕋᖅᓯᒪᔪᑦ ᐊᑐᓂ ᐸᓖᓯᖃᕐᕕᖕᒥ ᑎᐅᓕᑐᐊᓕᔅ ᓇᓗᓇᐃᑦᑎᐊᖅᓯᒪᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᓕᕆᔾᔪᓯᖓᓐᓂᒃ ᐊᒻᒪᓗ ᐃᓂᖓᓐᓂᒃ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ. ᑕᐃᒪᓗ ᐱᒻᒪᕆᐅᔪᒥᒃ ᐱᒋᐊᕈᑎ ᓯᕗᒻᒧᐊᒃᐸᓪᓕᐊᓂᐊᕐᓗᓂ ᑎᑭᐅᑎᓂᐊᕐᓗᒋᑦ ᓄᓇᓖᑦ, ᒫᓐᓇ ᓈᒻᒪᓐᖏᑦᑐᖅ ᐱᔾᔪᑎᒋᓪᓗᒍ ᐃᓄᐃᑦ ᐱᔪᓐᓇᕐᒪᑕ ᑭᓯᐊᓯ ᑕᒪᑐᒥᖓ ᑐᓴᒐᒃᓴᒥᒃ ᐅᐸᒍᑎᓗᑎᒃ ᑭᓯᐊᓂ ᐸᓖᓯᖃᕐᕕᖕᒧᑦ.

ᐱᕕᖃᖅᑎᑦᑎᓂᖅ ᐱᐅᓯᕚᓪᓕᕐᓗᒍ ᑭᒃᑯᑐᐃᓐᓇᓄᑦ ᑎᑭᐅᔪᓐᓇᕐᓂᖅ

ᓄᓇᓕᖕᓂ ᐱᓕᕆᖃᑕᐅᔪᑦ ᐊᒻᒪᓗ ᐊᓯᖏᑦ ᐃᓚᒋᔭᐅᔪᑦ ᑭᒃᑯᑐᐃᓐᓇᐃᑦ ᐊᐱᖅᓱᑦᑕᐅᓚᐅᖅᑐᑦ^{Footnote 28} ᐃᓱᒪᓕᖅᓯᓚᐅᖅᑐᑦ ᐊᓯᖏᓐᓂᑦᑕᐅᖅ ᐊᑐᖅᑕᐅᔪᓐᓇᕐᒪᖔᑦ ᑎᑭᐅᑎᔪᓐᓇᕐᒥᓗᑎᒃ ᐋᕿᒃᓯᒪᔾᔪᑎᓯᒃᓴᓄᑦ ᓲᕐᓗ ᐱᒍᒥᓇᖅᓴᐅᑎᑦᑎᒍᑦ:

• ᐅᖃᓪᓚᒃᕕᒃᑯᑦ, ᓄᓇᓕᖕᓂ ᑕᓚᕖᓴᒃᑯᑦ, ᐅᖃᓘᑎᕋᓛᖅᓯᐅᑎᑦᑎᒍᑦ (ᕕᔅᐳᒃ ᑕᒪᐃᓐᓂᑦ ᐊᑐᖅᑕᐅᔪᖅ ᓄᓇᕗᒻᒥ)
• ᐃᓗᐊᓂ ᒐᕙᒪᒃᑯᑦ ᐃᒡᓗᖁᑎᖏᓐᓂ, ᓯᐊᕐᕆᔮᕐᕕᖕᓂ, ᐊᒻᒪᓗ ᑕᕐᕆᔭᕐᕕᖕᓂ

ᐋᕿᒃᓱᐃᓗᑕ ᓴᖕᖏᔪᒥᒃ ᓄᓇᓕᖕᓂ ᑲᑎᑦᑎᐊᕈᑎᒃᓴᓂᒃ, ᐱᓗᐊᖅᑐᒥᒃ ᐃᓄᐃᑦ ᓄᓇᖏᓐᓂ, ᐅᓄᖅᓯᑎᑦᑎᓂᐊᖅᑐᖅ ᖃᐅᔨᒪᓕᕐᑎᑦᑎᓗᓂ ᐊᕙᑖᓂᑦ ᓄᓇᓖᑦ ᐊᒻᒪᓗ ᐸᓖᓯᒃᑯᑦ ᐅᑯᐊ ᑖᒃᑯᓄᖓ ᐱᔨᑦᑎᕋᕐᒪᑕ.^{Footnote 29}

ᐃᓕᓐᓂᐊᖅᑎᑦᑎᖃᑦᑕᕐᓗᑎᒃ ᑲᑎᒪᓗᑎᒃ ᐋᕿᒃᓱᐃᓂᐊᕐᒪᑕ ᖃᓄᖅ ᖃᐅᔨᒪᖃᑎᒋᑦᑎᐊᕈᓐᓇᕐᓂᐊᕐᒪᑕ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᕐᓂᒃ

ᒪᓕᒃᖢᒋᑦ ᑭᐅᓯᔾᔪᑎᖏᑦ, NVision-ᒃᑯᑦ ᐃᓱᒪᓕᖅᓯᓯᒪᔪᑦ ᑖᒃᑯᐊ ᐸᓖᓯᒃᑯᑦ ᐊᒻᒪᓗ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐱᕙᓪᓕᐊᑎᑦᑎᓗᑎᒃ ᐃᒻᒥᒍᑦ ᑲᑎᖓᓗᑎᒃ ᐃᓕᓐᓂᐊᖃᑦᑕᕐᓗᑎᒃ ᓄᓇᓖᓪᓗ ᐊᖓᔪᖅᑳᖏᑦ ᐊᒻᒪᓗ ᓴᓇᔩᑦ ᓄᓇᓕᖕᓄᑦ ᑐᓴᕐᑎᑦᑎᖃᑦᑕᕐᓂᐊᕐᒪᑕ ᐱᔾᔪᑎᒋᓪᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔭᐅᕙᓪᓕᐊᓂᖏᓐᓂᒃ. ᐅᑯᐊ ᐅᖃᐅᓯᐅᒐᔭᖅᑐᑦ ᓲᕐᓗ:

• ᑭᓲᕙᑦ ᑐᓴᖅᑕᐅᔭᕆᐊᖃᖅᑐᑦ ᐅᖃᐅᓯᐅᑎᓪᓗᒍ ᐅᓐᓂᕐᓘᑎᒥᒃ,
• ᖃᓄᐃᓕᖓᓂᐊᖅᐸᑦ ᑕᐃᒪᓗ ᐅᓐᓂᕐᓘᑎᖓ ᑐᓂᔭᐅᒃᐸᑦ
• ᖃᓄᖅ ᐸᓖᓯᒃᑯᑦ ᐱᓕᕆᓂᐊᖅᐸᑦ ᑲᓐᖑᓇᖅᑐᓕᕆᓂᕐᒥ ᑐᓴᐅᒪᔪᓕᕆᓂᖅ
• ᐅᓇ ᐃᓂᖓᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᒻᒪᓗ ᐸᓖᓯᒃᑯᑦ ᑕᒪᑐᒧᖓ ᐱᓕᕆᐊᕆᔭᖏᓐᓂᒃ

ᐊᑐᓕᖁᔭᐅᔪᖅ 7: ᐸᓖᓯᒃᑯᑦ ᑐᑭᓯᓇᓱᖃᑎᖃᕐᓗᑎᒃ ᐃᓄᖕᓂᑦ-ᐊᐅᓚᑕᐅᔪᑦ ᑎᒥᐅᔪᓂᒃ ᐊᒻᒪᓗ ᓄᓇᓕᖕᓂ ᐱᓕᕆᖃᑎᒋᔭᒥᖕᓂᒃ, ᐊᒻᒪᓗ ᑖᒃᑯᐊᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᓂᕐᓗᑎᒃ ᐱᕙᓪᓕᐊᑎᑦᑐᓐᓇᖅᑕᒥᖕᓂᒃ ᐱᐅᓯᑐᖃᕐᒧᑦ ᓈᒻᒪᒃᑐᓂᒃ ᐊᓯᐊᒎᖓᔪᓐᓇᖅᑐᑦᑕᐅᖅ ᐅᓐᓂᕐᓘᑕᐅᔪᓄᑦ ᐋᕿᒃᓱᐃᔾᔪᑕᐅᓗᑎᒃ.

ᐊᑐᓕᖁᔭᐅᔪᖅ 8: ᐸᓖᓯᒃᑯᑦ ᑐᑭᓯᓇᓱᖃᑎᖃᕐᓗᑎᒃ ᑖᒃᑯᐊᓗ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᓂᖅᖢᑎᒃ ᐊᑐᕈᓐᓇᖅᑕᒥᖕᓂᒃ ᓴᕿᑦᑎᓂᐊᕐᓗᑎᒃ ᐃᑭᐊᕿᕕᑰᕈᑎᒃᓴᓂᒃ ᐊᔪᖏᓐᓂᐊᕐᒪᑕ ᑭᑯᑐᐃᓐᓇᐃᑦ ᓇᓗᓇᐃᕐᕕᐅᔪᓐᓇᕐᓗᑎᒃ ᖃᓄᐃᓕᖓᓕᕐᒪᖔᑕ ᐅᓐᓂᒃᓘᑎᕕᓂᖏᑦ.

ᓇᓂᔭᐅᔪᖅ 13: ᓄᓇᓖᑦ ᐊᔪᕐᓇᕐᓂᐊᕐᒥᔫᖅᓯᒪᔪᑦ ᑕᒪᑐᒧᖓ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᐊᕆᔭᒥᖕᓂᒃ

ᐅᓄᓐᖏᓗᐊᕐᒪᑕ ᓄᓇᓖᑦ ᖃᐅᔨᒪᔭᕆᐊᒃᓴᖅ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᐊᕆᔭᒥᖕᓂᒃ. ᐃᒃᐱᒍᓱᒍᓐᓇᑦᑎᐊᖅᑐᑦ ᐊᒻᒪᓗ ᐃᓄᒃᓂᑦ ᑕᑎᒃᓴᕆᔭᐅᔪᖅ ᐊᔪᕐᓇᖏᑦᑐᑦ ᐃᓄᑐᐃᓐᓇᖅ ᖃᐃᓗᓂ ᐅᖃᐅᓯᕆᓗᒋᑦ ᐅᓐᓂᕐᓘᑎᓂ. ᐊᔪᕋᓱᒋᓐᓈᖕᒪᑕ ᐊᒻᒪᓗ ᐃᒃᐱᒋᔭᐅᔮᓇᓱᒋᓇᖏᑦ ᐱᓯᒪᔪᑦ ᑕᒪᒃᑯᓄᖓ ᐱᖓᓱᓄᑦ ᐱᔾᔪᑕᐅᔪᓄᑦ ᐊᑖᓂ ᑎᑎᕋᖅᓯᒪᔪᑦ.

ᐅᖃᐅᓯᕆᔭᕆᐊᒃᓴᖓ ᑭᒃᑯᑐᐃᓐᓇᐃᑦ ᐅᓐᓂᓘᑎᖏᑦᑎᒍᑦ ᐃᓕᕋᓇᖅᑐᖅ ᓄᓇᓕᖕᓄᑦ

ᐸᓖᓯᒃᑯᑦ ᐊᒻᒪᓗ ᓄᓇᓖᑦ ᐅᖃᐅᓯᕆᓯᔭᖏᑦ ᓴᕿᑎᓪᖢᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᖓ ᑲᑉᐱᐊᕈᓐᓇᖅᑐᖅ ᐃᓕᕋᓇᕈᓐᓇᖅᑐᖅ ᑭᓇᑐᐃᓐᓇᒧᑦ ᐱᔾᔪᑎᒋᓪᓗᒍ:

• ᒥᑭᔫᖕᒪᑕ ᐸᓖᓯᖃᕐᕕᑦ, ᐸᓖᓯᒃᑯᑦ ᑖᓐᓇ ᐅᓐᓂᕐᓘᑎᒋᓂᐊᖅᑕᓂ ᑐᓂᓯᓗᓂ ᑭᓯᐊᓂᐅᔪᖅ ᑕᑕᑎᕆᐊᓕᖕᓂᒃ
• ᐅᑯᐊ ᐹᖅᓯᓃᑦ ᐸᓖᓯᒃᑯᑦ ᑕᐃᒪᐃᖃᑦᑕᖅᓯᒪᔪᑐᖃᑦ ᐸᓖᓯᒃᑯᑦ, ᑕᐃᒪᓗ ᑖᒃᑯᓄᖓ ᐊᑦᑕᕐᓇᖅᑐᒦᔾᔪᑎᒋᔭᖏᑦ
• ᐃᓄᐃᑦ "ᐃᓱᒫᓘᑎᖃᕐᒪᑕ ᐊᐃᕙᐅᑕᐅᓕᕆᐊᒃᑕᖓ ᑖᓐᓇ ᑐᓂᔭᑎᒃ ᐅᓐᓂᕐᓘᑎᒋᔭᑎᒃ ᑖᔅᓱᒧᖓᑦᑕᐃᓐᓇᖅ ᐸᓖᓯᒧᑦ," ᐅᓇ ᓇᓗᓇᐃᖅᑕᐅᓚᐅᖅᑐᖅ NVision-ᑯᑦ ᐅᓂᖄᖓᓂ
• ᑕᒪᒃᑭᓐᖏᑦᑐᑦ ᐸᓖᓯᒃᑯᑦ ᑕᐃᒫᒃ ᐊᑑᑎᖃᖅᑐᓂᒃ ᐱᐅᓯᑐᖃᖏᓐᓂᒃ ᐃᓕᓐᓂᐊᖅᓯᒪᓐᖏᑦᑐᑦ ᐊᒻᒪᓗ ᖃᐅᔨᒪᓐᖏᑦᑐᑦ ᐃᒻᒪᑲᓪᓚᓂᑦ ᖃᓄᐃᓕᐅᖅᑕᐅᓯᒪᓂᖏᑦ ᐸᓖᓯᒃᑯᑦ ᓄᓇᕗᒻᒥ.

ᐊᑐᖅᑕᐅᓂᖓ ᐃᓄᐃᑦ ᐸᓖᓯᒃᓴᐃᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᕆᐊᖃᑦᑕᖅᖢᑎᒃ ᐅᕝᕙᓘᓐᓃᑦ ᑎᑎᕋᖅᑎᐅᓪᓗᑎᒃ ᐊᒃᑐᐊᓐᖏᑎᑦᑎᔪᓐᓇᖅᑐᑦ ᐱᔾᔪᑕᐅᔪᓂᒃ ᓇᓗᓇᐃᖅᑕᐅᓯᒪᔪᓂᒃ ᖁᓚᓂ ᑎᑎᕋᖅᓯᒪᔪᑦ ᐊᒻᒪᓗ ᐅᓄᖅᓯᒋᐊᕐᓗᒋᑦ ᐃᓄᑐᐃᓐᓇᐃᑦ ᑐᓂᓯᔪᒪᔪᑦ ᐅᓐᓂᕐᓘᑎᒃᓴᓂᒃ ᐱᐅᓯᑐᖃᖏᑦᑎᒍᑦ ᓈᒻᒪᒃᑑᓗᑎᒃ ᐃᑲᔫᑕᐅᓗᑎᒃ ᓄᓇᖃᑎᒌᖕᓄᑦ. "ᑖᑉᑯᐊᑦ [ᐃᓄᐃᑦ ᐸᓖᓯᒃᓴᐃᑦ] ᖃᐅᔨᒪᔪᑦ ᐃᓄᒃᑐᑦ, ᐱᐅᓯᑐᖃᖏᓐᓂᒃ ᐊᒻᒪᓗ ᓄᓇᓕᖕᓂᒃ ᑖᒃᑯᐊᓗ ᐱᒻᒪᕆᐅᔪᑦ ᐋᕿᒃᓱᐃᕙᓪᓕᐊᓂᐊᕐᓗᓂ ᐅᒃᐱᕆᔭᖃᕈᓐᓇᕐᓂᐊᕐᒪᑕ ᐊᒻᒪᓗ ᓴᓇᖃᑎᒌᑦᑎᐊᕐᓗᑎᒃ ᓴᐃᒪᖃᑎᒌᑦᑎᐊᖅᐸᓪᓕᐊᓂᕐᒧᑦ ᐃᓄᖕᓄᑦ. ᐱᓕᕆᔨᐅᖃᑦᑕᖅᑐᑦ ᐱᐅᓯᑐᖃᖅᑎᒍᑦ ᓵᖓᖃᑎᒌᒃᑎᐅᓪᓗᑎᒃ ᐱᐅᓯᕚᓪᓕᖅᑎᓪᓗᒋᑦ ᐅᒃᐱᕆᓱᒍᓐᓇᕐᓂᐊᕐᒪᑎᒃ ᐊᕙᑖᓂᑦ ᐸᓖᓯᒃᑯᑦ ᐊᒻᒪᓗ ᐃᓄᐃᑦ."^{Footnote 30} ᐊᒥᓲᓂᖅᓴᐃᑦ ᐃᓄᐃᑦ ᖃᐃᒍᒪᓇᔭᖅᑐᑦ ᐊᒻᒪᓗ ᐅᖃᐅᓯᕆᓗᒋᑦ ᐅᓐᓂᕐᓘᑎᒋᔭᑎᒃ ᑕᐃᒪᓗ ᐃᓄᒃ ᐸᓖᓯᒃᓴᖅ ᐱᓕᕆᖃᑕᐅᓕᖅᐸᑦ ᑕᒪᑐᒥᖓ.

ᐊᒻᒪᓗᑦᑕᐅᖅ ᐃᓚᒃᑲᓐᓂᕐᓗᒍ, ᐱᐅᓯᑐᖃᕐᒧᑦ ᓈᒻᒪᒋᔭᖏᓐᓂᒃ ᐅᓐᓂᕐᓘᑎᒥᖕᓂᒃ ᐋᕿᒃᓯᔪᓐᓇᕐᓗᑎᒃ ᑕᐃᒪᑦᑕᐅᖅ ᐱᐅᓯᕚᓪᓕᕈᑎᒋᔪᓐᓇᖅᑐᖅ ᐱᔪᒪᓂᖅᓴᐅᓕᕐᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔭᐅᕙᓪᓕᐊᔪᑖᓄᑦ.^{Footnote 31} ᑕᒪᓐᓇ ᐱᓕᕆᔭᐅᓂᖓ ᐃᓚᐅᑎᑦᑎᓗᑎᒃ ᓄᓇᓕᖕᓂ ᑐᕌᕐᓗᒋᑦ ᐋᕿᒃᓯᓇᓱᒍᑎᒋᓗᒋᑦ ᐅᓐᓂᕐᓘᑎᓂᒃ ᐅᑯᐊᓗ ᐱᐅᓯᕚᓪᓕᕐᓂᐊᕐᒪᑕ ᓄᓇᓕᖕᓂᑦ ᐅᒃᐱᕆᔭᐅᔪᓐᓇᕐᓗᑎᒃ ᐸᓖᓯᒃᑯᑦ. ᐱᐅᓯᑐᖃᖏᓐᓄᑦ ᐊᑑᑎᖃᖅᑐᓂᒃ ᐱᒋᐊᕈᑎᖃᕐᓗᑎᒃ ᑕᑯᔭᐅᓯᒪᔪᓐᓇᖅᑐᖅ ᐱᐅᓂᖅᓴᐅᓂᖓᓂ ᐊᒻᒪᓗ ᓄᓇᓕᖕᓄᑦ-ᐱᓯᒪᓂᖃᕐᓂᖓᓂ, ᐊᑭᕋᖅᑑᑎᓂᖃᓐᖏᑦᑐᖅ ᐊᒻᒪᓗ ᐃᓄᖕᒧᑦ-ᐊᐅᓪᓗᑎᔪᖅ. ᐅᑯᐊᑦᑕᐅᖅ ᐊᑦᑎᒃᓯᓯᒪᑎᑦᑎᔪᓐᓇᖅᑐᑦ ᓵᑦᑎᔭᖃᑦᑕᕐᓂᖏᑦ ᐅᖃᐅᓯᕆᔭᕆᐊᒃᓴᖅ ᐅᓐᓂᕐᓘᑎᒋᓗᒍ ᐸᓖᓯᒃᑯᑦ.^{Footnote 32} ᐅᓇ ᐱᓕᕆᔾᔪᓯᖅ ᐋᕿᒃᓯᖃᑎᒌᒍᑕᐅᔪᓐᓇᖅᑐᖅ ᐊᑑᑎᖃᖅᑐᓄᑦ ᑎᒥᐅᔪᓄᑦ ᐊᒻᒪᓗ ᐋᕿᒃᓱᖅᓯᒪᓂᖅᓴᐅᓗᓂ ᓈᒻᒪᒋᔭᖏᓐᓄᑦ ᐱᔪᒪᔭᖏᓐᓄᑦ ᓄᓇᓖᑦ.

ᖃᑦᓯᐅᓂᖏᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᑐᓐᓂᖁᑕᐅᓯᒪᔪᑦ ᑕᐃᒪᖓᒥᑦ 4-ᐊᕐᕌᒍᓄᑦ ᕿᒥᕐᕈᐊᖅᑕᐅᕕᖓᓂ ᐅᓄᓐᖏᑑᓚᐅᖅᑐᑦ ᑕᐃᑲᓂᑐᐃᓐᓇᖅ 75. ᑕᐃᒪᓗ ᓈᒻᒪᒋᔭᐅᑦᑎᐊᑐᐃᓐᓇᖅᑐᖅ ᑖᒃᑯᐊ ᐅᒃᐱᕆᔭᖃᕐᓂᖓᑦ ᐊᑑᑎᖃᒻᒪᕆᖕᒪᑦ ᐊᑑᑎᖃᕐᓂᐊᕐᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᓕᕆᔾᔪᓯᖏᓐᓄᑦ.^{Footnote 33} ᑕᐃᑲᓂᑐᐊᖅ ᐃᓄᐃᑦ ᐊᔪᖏᓐᓇᓱᒋᑦᑎᐊᕌᖓᒥᔾᔪᒃ ᑖᒃᑯᐊ ᐱᔾᔪᑎᒋᔭᑎᒃ ᐱᓕᕆᐊᖑᑦᑎᐊᕐᓂᐊᖅᑐᑦ, ᑕᒪᒃᑭᖅᑕᐅᓗᑎᒃ ᐊᒻᒪᓗ ᐱᐅᓯᑐᖃᖏᑦᑎᒍᑦ ᐊᑑᑎᖃᖅᑐᓂᒃ ᐱᓕᕆᔭᐅᑎᑦᑎᓲᑦ ᐃᒻᒥᖕᓄᑦ ᑖᒃᑯᓄᖓ ᐱᓕᕆᔾᔪᓯᖏᓐᓄᑦ. ᐅᓄᓐᖏᑦᑑᔪᑦ ᐅᓐᓂᕐᓗᒃᓯᒪᔪᑦ ᓄᓇᕗᒻᒥ ᑕᐃᒪᖓᓂᑦ 4-ᐊᕐᕌᒍᑦ ᕿᒥᕐᕈᐊᖅᑕᐅᒐᒥᒃ ᐱᔾᔪᑎᒋᔭᒃᓴᕆᓪᓗᒍ ᐅᒃᐱᕆᔭᖃᓐᖏᒻᒪᑕ ᐱᓕᕆᔾᔪᓯᖓᓂᒃ, ᑕᐃ, ᓗ ᐱᓗᐊᖅᑐᓂᒃ ᑕᐃᒪᓐᓇᐅᔪᖅ ᐃᓄᐃᑦ ᓄᓇᖏᓐᓂ, ᖃᐅᔨᒪᓂᖅᑕᖃᓗᐊᓐᖏᑦᑐᓂ, ᐅᕝᕙᓘᓐᓃᑦ ᑕᒪᕐᒥᒃ.^{Footnote 34}

ᑕᒪᐃᓐᓂᒃ ᑕᒻᒪᖅᑑᔪᑦ ᖃᐅᔨᒪᑎᑦᑎᓚᐅᓐᖏᒻᒪᑕ ᐃᓄᖕᒥᒃ ᖃᓄᐃᓕᖓᓕᕐᒪᖔᑦᑕ ᐅᓐᓂᕐᓘᑎᒋᓯᒪᔭᖏᑦ

ᐅᓇ ᐊᖏᔪᒥᒃ ᐊᒃᑐᐃᓯᒪᖕᒪᑦ ᐅᒃᐱᕆᔭᐅᖃᑦᑕᕈᓐᓇᖅᓯᓗᑎᒃ ᑕᒪᓐᓇ ᐱᓕᕆᐊᖑᒐᓗᐊᕐᒪᖔᑦ. Nvision-ᒃᑯᑦ ᖃᐅᔨᓴᖅᑕᖏᑦ ᓴᕿᑎᑦᑎᓚᐅᖅᑐᑦ ᑖᒃᑯᐊ ᐃᓄᑐᐃᓐᓇᐃᑦ "ᐃᒃᐱᒋᖃᑦᑕᑦᑕᖏᑦ ᐅᓐᓂᕐᓘᑎᒋᔭᑎᒃ 'ᑐᓴᖅᑕᐅᓐᖏᑦᑐᑦ ᓲᕐᓗ ᑐᓵᓐᖏᑦᑐᓄᑦ ᐅᖃᓪᓚᒃᑐᑦ ᐃᒃᐱᖕᓇᓲᖅ ᐅᒡᒍᐊᓇᖅᖢᓂ ᖃᐅᔨᒪᑎᑕᐅᔮᓐᖏᓇᒥᒃ ᖃᓄᐃᓕᖓᓕᕐᒪᖔᑕ ᐅᓐᓂᕐᓘᑎᒋᔭᑎᒃ." ᐱᒻᒪᕆᐅᔪᖅ ᓴᕿᑦᑎᓗᑎᒃ ᐱᓕᕆᔾᔪᓯᕐᒥᒃ ᑐᓂᓯᓯᒪᓂᐊᖅᑐᖅ ᐊᖏᔪᒥᒃ ᐊᒻᒪᓗ ᐊᑯᓚᐃᑦᑐᒃ ᖃᓄᐃᓕᐃᓕᕐᒪᖔᑕ ᑐᓴᕐᑎᑦᑎᕙᓪᓕᐊᖏᓐᓇᕐᓂᐊᖅᑐᑦ. ᐅᓇ ᐱᓕᕆᔾᔪᓯᖓᑦ ᐱᓕᕆᓂᐊᓕᕐᒥᔪᖅ ᒪᓕᒃᖢᒍ ᖃᐃᓕᖓᓪᓚᑖᕐᓂᖓ ᓱᒃᑲᔪᑦ ᐃᑭᐊᕿᕕᑦ ᐊᑦᑕᑕᐅᑎᖏᑦ ᐊᒻᒪᓗ ᐅᖃᓘᑎᕋᓛᑦ ᑕᐃᒪᐃᑦᑐᐃᓐᓇᐅᓐᖏᒪᑕ ᐊᒥᓱᓂ ᓄᓇᓕᖕᓂ.^{Footnote 35}

Nvision-ᒃᑯᑦ ᐊᑐᓕᖅᑕᐅᖁᔭᖏᑦ ᐃᑭᐊᕿᕕᒃᑯᑦ ᑕᒪᐃᓐᓄᑦ ᐊᑦᑕᑕᐅᑎᑦ ᒪᓕᒍᓐᓇᖅᑐᑦ ᐃᓅᑉ ᖃᓄᐃᓕᖓᓕᕐᓂᖓ ᐅᓐᓂᕐᓘᑎᖏᓐᓄᑦ

ᐅᑯᐊ ᐃᑭᐊᕿᕕᒃᑯᑦ ᐊᑦᑕᑕᐅᑎᑦ ᐊᔪᖏᑎᑦᑎᔪᑦ ᑭᓇᑐᐃᓐᓇᒥᒃ ᐱᔪᓐᓇᖅᖢᒋᑦ ᐅᓐᓂᕐᓘᑎᑦ ᑎᑎᕋᖏᑦ, ᑕᑯᔪᓐᓇᖅᑐᑦ ᖃᓄᐃᓕᖓᓕᕐᒪᖔᑕ, ᐊᒻᒪᓗ ᐅᖃᓕᒫᕐᓗᑎᒃ ᖃᓄᐃᓕᖓᓕᖅᑐᑦ ᒫᓐᓇ ᐊᑐᓂ ᐅᓐᓂᕐᓘᑎᒋᓚᐅᖅᑕᖏᑦ. ᐅᑯᐊ ᐊᔪᖏᑎᑦᑎᔪᑦ ᐱᔭᐅᔪᓐᓇᖅᖢᑎᒃ ᑐᓴᕐᑎᑦᑎᔪᑦ ᖃᖓ ᑐᓵᔨ ᐊᑐᐃᓐᓇᐅᓂᐊᕐᒪᖔᑦ ᐊᒻᒪᓗ ᐊᑑᑎᖃᖅᑐᑦ ᐃᑭᐊᕿᕕᒃᑯᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐅᓇ ᑖᓐᓇᑑᓗᓂ ᐋᕿᒃᓯᔾᔪᑕᐅᔪᓐᓇᓐᖏᑦᑐᖅ. ᐊᑑᑎᖃᖅᑐᓂᒃ ᐱᓕᕆᔾᔪᓯᖃᕐᓗᓂ ᐃᓱᒪᒋᔭᐅᑦᑎᐊᕐᓗᑎᒃ ᑲᑎᖓᑦᑎᐊᕈᓐᓇᕐᓂᖏᑦ ᐃᑭᐊᕿᕕᒃᑯᑦ ᐊᒻᒪᓗ ᐊᑐᕆᐊᒃᓴᖅ ᐱᔾᔪᑎᖃᓐᖏᑦᑎᐊᖅᑐᑦ.

V ᐸᓖᓯᖃᕐᕕᒃ ᒫᓐᓇ ᑭᐅᔪᓐᓇᓐᖏᑦᑐᖅ ᐅᓐᓂᕐᓘᑎᓂᒃ ᐊᓯᖏᓐᓂᒃ ᐅᖃᐅᓯᕐᓂᒃ ᐊᑐᕐᓗᑎᒃ

ᑕᒪᕐᒥᐸᓗᒃ ᓄᓇᕗᒻᒥ ᓄᓇᖃᖅᑐᑦ ᐅᖃᓪᓚᓲᑦ ᐃᓄᒃᑐᑦ^{Footnote 36} ᐅᓇᓗ ᓯᕗᓪᓕᖅᐹᖅ ᐅᖃᕆᐅᕈᓯᖏᑦ, ᑖᒃᑯᐊᑐᐊᖅ, ᐅᕝᕙᓘᓐᓃᑦ ᐊᑐᖅᑕᐅᔭᕆᐊᓕᖕᓂᒃ ᐅᖃᐅᓯᕐᓂᒃ. ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᓚᐅᖅᑐᑦ ᐊᒻᒪᓗ NVision-ᑯᑦ ᐅᓂᒃᑳᖓ ᓇᓂᓯᓯᒪᔪᑦ ᐅᖃᐅᓯᕐᒥᒃ ᐊᑐᕈᓐᓇᖏᒻᒪᑕ ᑕᐃᒪᓗ ᐱᔾᔪᑕᐅᔪᖅ ᑭᒃᑯᑐᐃᓐᓇᓄᑦ ᐅᓐᓂᕐᓘᑎᑦ ᐱᓕᕆᔾᔪᓯᖏᓐᓄᑦ ᐱᔾᔪᑎᒋᓪᓗᒋᑦ ᐃᓄᐃᑦ:

• ᑐᓂᓯᔪᓐᓇᓚᐅᓐᖏᑦᑐᖅ ᐅᓐᓂᕐᓘᑎᒥᓂᒃ ᐃᓄᒃᑐᑦ (ᐅᕝᕙᓘᓐᓃᑦ ᐊᓯᖏᑦ ᐅᖃᐅᓯᑦ)
• ᐊᔭᐅᖅᑕᐅᔪᑦ ᐊᑐᕐᓗᑎᒃ ᑭᓯᐊᓂ ᑐᓵᔨᒥᒃ ᐊᒻᒪᓗ ᑕᐃᒪᖓᓂᑦ ᐊᑐᐃᓐᓇᖅᑕᖃᓚᐅᖅᓯᒪᓐᖏᑦᑐᖅ
• ᑲᔪᓯᑎᑦᑎᔪᓐᓇᖃᑦᑕᓐᖏᑦᑐᑦ ᐅᓐᓂᕐᓘᑎᒥᖕᓂᒃ – "…ᓄᓇᓖᑦ ᑐᓂᓯᔪᓐᓇᓐᖏᑦᑐᑦ ᐱᒋᐊᕈᑎᒃᓴᓄᑦ ᐅᓐᓂᕐᓘᑎᓂᒃ ᐃᑲᔪᖅᑕᐅᓗᑎᒃ ᑭᓯᐊᓂ ᒪᕐᕉᖕᓂᒃ ᐅᖃᐅᓯᕐᓂᒃ (ᐃᓄᒃᑐᑦ ᐊᒻᒪᓗ ᖃᓪᓗᓈᑎᑐᑦ) ᐱᖃᓐᓇᕆᔭᒥᖕᓂᑦ ᐅᕝᕙᓘᓐᓃᑦ ᐃᓚᒥᖕᓂᑦ ᑕᐃᒪᓗ ᖁᔭᓈᖅᓯᓕᖃᑦᑕᖅᑐᑦ ᐅᓐᓂᕐᓘᑎᒐᓗᐊᕐᒥᖕᓂᒃ ᐱᔾᔪᑎᒋᓪᓗᒍ ᐱᓕᕆᔾᔪᑎᖃᓐᖏᓗᐊᕐᒪᑕ ᖃᓄᐃᓕᖓᓕᕐᒪᖔᑕ ᑐᓴᖅᑎᑕᐅᒃᑲᓐᓂᕆᐊᒃᓴᖅ ᐅᓐᓂᕐᓘᑎᒋᔭᑎᒃ (ᓲᕐᓗ ᑐᓵᔨ ᐊᑐᐃᓐᓇᐅᔪᓐᓇᕋᓂ ᑲᔪᓯᔪᒥᒃ ᐃᑲᔪᕐᓂᐊᖅᑐᓂᒃ ᑖᒃᑯᓂᖓ)."

ᑐᓴᒐᒃᓴᖅᑕᖃᒃᑲᓐᓂᕆᐊᓕᒃ ᐃᓄᒃᑎᑑᖅᑐᓂᒃ ᖃᓄᑐᐃᓐᓇᖅ ᐋᕿᒃᓯᒪᔪᓂᒃ, ᐊᒻᒪᓗ ᓄᓇᓕᖕᓂ ᐱᔪᓐᓇᕐᓗᑎᒃ ᐱᔨᑦᑎᕋᐅᑎᓂᒃ ᐃᓄᒃᑐᑦ.^{Footnote 37} ᐊᒻᒪᓗᑦᑕᐅᖅ, ᑲᓇᑕᒥ ᐃᓄᐃᑦ ᖃᓄᐃᓕᓯᒋᐊᕈᑎᓄᑦ ᐸᕐᓇᐅᑦ ᐅᑯᓄᖓ ᑭᓐᖑᖅᑕᐅᓯᒪᔪᑦ ᐊᒻᒪ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪ 2SLGBTQQIA+ ᐃᓄᓐᓄᑦ ᐅᖃᖅᓯᒪᔪᑦ ᐱᑕᖃᕆᐊᖃᕐᓂᖓᓂᒃ ᒐᕙᒪᑐᖃᒃᑯᓂ ᐱᐅᓯᕚᓪᓕᕐᓗᒋᑦ ᐃᓄᒃᑐᑦ ᐱᓕᕆᕕᐅᔪᓐᓇᖅᑐᑦ ᐃᓚᒋᔭᐅᓗᑎᒃ ᐸᓖᓯᐅᓂᖅ.

NVision-ᒃᑯᑦ ᐊᑐᓕᖅᑕᐅᖁᔨᕗᑦ ᐃᓄᐃᑦ ᓄᓇᓕᖕᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᑲᒪᔨᖃᕐᓗᑎᒃ

NVision-ᒃᑯᑦ ᐃᓱᒪᓕᖅᓯᓯᒪᔪᑦ ᐃᓄᐃᑦ ᐃᓚᒋᔭᐅᔪᑦ ᐊᐅᓚᑦᑎᓗᑎᒃ ᐅᓐᓂᕐᓘᑎᓂᒃ ᐅᑯᐊᓗ ᐃᒪᓐᓇᐅᓗᑎᒃ:

• ᐃᑲᔪᕐᓗᒋᑦ ᓄᓇᓖᑦ ᑐᓂᓯᓗᑎᒃ ᐅᓐᓂᕐᓘᑎᒥᖕᓂᒃ ᐱᔭᕐᓂᕐᓂᖅᓴᐅᓗᓂ
• ᐅᒃᐱᕆᑦᑎᐊᕈᓐᓇᖅᓯᓗᒋᑦ ᑕᒪᑐᒨᓇ ᐱᓕᕆᔭᐅᔾᔪᓯᖓᓄᑦ
• ᐃᑲᔪᖅᑐᑦ ᐊᑐᖅᑕᐅᑎᑦᑎᓪᓗᑎᒃ ᐱᓕᕆᔾᔪᓯᑦ ᓈᒻᒪᖕᓂᖅᓴᐅᔪᖅ ᐱᔪᒪᔭᖏᓐᓄᑦ ᓇᓪᓕᐊᖕᓂ ᓄᓇᓕᖕᓂ

ᐃᓄᐃᑦ ᓄᓇᖓᑦ ᐊᑐᐊᒐᖅ ᑲᔪᖏᖅᓴᐃᔪᖅ ᑕᒪᐃᓐᓄᑦ ᐃᓂᖃᕐᓗᑎᒃ ᐃᓄᐃᑦ

ᐅᓇ ᐃᓚᖓᑦ ᑐᑭᒧᐊᒍᑎ ᑐᓐᖓᔾᔪᑎᒋᓪᓗᒍ ᐊᑐᐊᒐᖅ ᐅᖃᖅᓯᒪᔪᖅ ᐃᒪᓐᓇ: "ᐃᓄᐃᑦ ᖃᐅᔨᒪᓂᖅᐹᑦ ᑖᒃᑯᓂᖓ ᐱᔾᔪᑕᐅᔪᓂᒃ ᐊᒃᑐᐃᔪᓂᒃ ᓄᓇᓕᖕᓂᒃ, ᐊᕕᒃᑐᖅᓯᒪᔪᓂᒃ, ᐊᒻᒪᓗ ᓄᓇᖃᑎᒌᖕᓂᒃ ᐊᒻᒪᓗ, ᑕᐃᒪᐃᒻᒪᑦ, ᑕᒪᐃᓐᓂᑦ ᐃᓂᖃᖅᑐᑦ ᐊᒻᒪᓗ ᐱᔭᒃᓴᖃᖅᑐᑦ ᐃᓱᒪᓕᐅᕆᓗᑎᒃ ᑖᒃᑯᐊ ᐊᑑᑎᖃᖅᑐᑦ ᐃᓄᖕᓄᑦ ᐊᒻᒪᓗ/ᐅᕝᕙᓘᓐᓃᑦ ᐃᓄᐃᑦ ᓄᓇᖓᓄᑦ." ᐊᔪᖏᑦᑎᐊᖅᑐᓂᒃ ᐃᓗᐊᓂ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᑦ ᐊᒻᒪᓗ ᖃᐅᔨᒪᑎᑦᑎᓂᖅ ᐱᐅᓯᕚᓪᓕᖅᓯᒪᔪᓐᓇᖅᑐᖅ ᑕᒪᐅᓐᓇ ᑭᒡᒐᖅᑐᖅᑕᐅᑦᑎᐊᕐᓗᑎᒃ. ᐅᓇ ᐅᖃᐅᓯᐅᓯᒪᔪᖅ ᑲᓇᑕᒥ ᐃᓄᐃᑦ ᖃᓄᐃᓕᓯᒋᐊᕈᑎᓄᑦ ᐸᕐᓇᐅᑦ (ᐊᑐᓕᖁᔭᐅᔪᖅ 6.12), ᐅᑯᐊᓗ ᐊᓯᖏᑦᑕᐅᖅ, ᒪᓕᒐᕐᓂᒃ ᐊᓯᖑᐃᖁᔨᔪᑦ ᑎᓕᔭᐅᓯᒪᔾᔪᑎᓂᒃ ᐃᓄᖕᓄᑦ-ᐃᓚᒋᔭᐅᔪᓄᑦ ᐃᖅᑲᓇᐃᔮᖓᓂ ᑕᐃᑲᓂ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ.

ᐊᑐᓕᖁᔭᐅᔪᖅ 9: ᐸᓖᓯᒃᑯᑦ ᓴᕿᑦᑎᓗᑎᒃ ᐸᕐᓇᐅᑎᒃᓴᓂᒃ ᐅᓄᖅᓯᒋᐊᕐᓗᒋᑦ ᐱᓕᕆᔨᒋᓂᐊᖅᑕᖏᑦ ᐊᒻᒪᓗ ᐃᖅᑲᓇᐃᔭᖅᑎᒌᓐᓇᕐᓂᐊᖅᑕᖏᑦ ᐃᓄᒃᑐᑦ-ᐅᖃᓪᓚᓲᑦ ᑭᒃᑯᑐᐃᓐᓇᕐᓂᑦ ᐅᓐᓂᕐᓗᒃᕕᐅᔪᓐᓇᖅᑐᑦ ᖃᐅᔨᓴᖅᑎᑦ ᐊᒻᒪᓗ ᑎᑎᕋᖅᑎᑦ.

ᓇᓂᔭᐅᔪᖅ 14: ᐅᓄᓐᖏᓗᐊᖅᑐᑦ ᐃᓄᐃᑦ ᑭᒡᒐᖅᑐᐃᔪᑦ ᐸᓖᓯᒃᑯᑦ

ᐅᓄᓐᖏᓗᐊᖅᑐᑦ ᐃᓄᐃᑦ ᐸᓖᓯᒃᑯᓂ V ᐸᓖᓯᖃᕐᕕᖕᒥ ᐊᑐᖅᓯᑎᑦᑎᓕᖃᑦᑕᖅᑐᑦ ᐅᖃᐅᓯᖃᑎᒋᓇᒋᑦ ᑐᑭᓯᖃᑎᒌᒍᓐᓇᕋᑎᒃ, ᓴᖕᖏᓂᖏᑦ ᓇᓕᖃᕇᓕᕈᓐᓇᓐᖏᑦᑐᑦ, ᐊᒻᒪᓗ ᐅᒃᐱᕆᔭᐅᓕᕈᓐᓇᓐᖏᑦᑐᑦ ᓄᓇᓕᖕᓂᑦ. ᐱᐅᓯᕚᓪᓕᕐᓗᓂ ᐃᓄᖕᓂᒃ ᑭᒡᒐᖅᑐᖅᑎᖃᕐᓂᖅ ᐸᓖᓯᒃᑯᑦ ᐃᒪᓐᓇ:

• ᐱᕚᓪᓕᖅᑎᓪᓗᒍ ᓴᐃᒪᖃᑎᒌᖕᓂᖅ ᐱᓕᕆᐊᖑᓇᓱᐊᖅᑐᑦ ᐃᓄᖕᓂ ᓄᓇᓕᖕᓂ
• ᑐᓂᓯᓯᒪᓗᑎᒃ ᐱᐅᓯᑐᖃᕐᒥᒃ ᖃᐅᔨᒪᔨᓕᕐᑎᑦᑎᓗᑎᒃ ᐃᑲᔪᕐᓂᐊᕐᒪᑕ ᐊᒻᒪᓗ ᖃᐅᔨᒪᓕᕐᑎᑦᑎᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᖅ ᐱᓯᒪᓂᖃᖅᑐᑦ ᐃᓄᐃᑦ ᓄᓇᖏᓐᓂ
• ᒪᓕᑦᑎᐊᕐᓗᑎᒃ ᑖᒃᑯᓂᖓ ᑲᓇᑕᒥ ᐃᓄᐃᑦ ᖃᓄᐃᓕᓯᒋᐊᕈᑎᓄᑦ ᐸᕐᓇᐅᑦ, ᐅᓇ ᐅᖃᖅᓯᒪᔪᖅ ᑭᒡᒐᖅᑐᖅᑎᖃᕆᐊᖃᖅᑐᑦ ᐃᓄᖕᓂᒃ ᐃᖅᑲᓇᐃᔭᖅᑐᑎᒍᑦ
• ᐅᑯᐊᓗ ᐅᖃᖅᓯᒪᔪᑦ ᑖᒃᑯᐊ ᐃᓄᐃᑦ ᑭᒡᒐᖅᑐᑕᐅᖓ ᐱᑕᖃᕆᐊᖃᖅᑐᑦ ᐊᔪᖏᓐᓂᐊᕐᒪᑕ ᑲᓅᑎᒋᔪᖅ ᐱᓕᕆᔪᓐᓇᖅᑕᑦ ᐊᒻᒪᓗ ᖃᐅᔨᒪᔭᐅᓕᕐᑎᑦᑎᓂᖅ ᑕᒪᐃᓐᓂᒃ ᐃᒃᐱᒍᓱᑦᑎᐊᕆᐊᖃᕐᓂᖅ ᑕᐃᒪᖓᓂᑦ ᐃᒻᒪᑲᓪᓚᓂᑦ ᐊᒻᒪᓗ ᐱᒻᒪᕆᐅᓂᖓ ᐃᓄᒃᑎᑐᑦ, ᐊᒻᒪᓗ ᐋᕿᒃᓱᐃᓗᑎᒃ ᐃᓅᓯᓕᕆᓂᕐᒧᑦ-ᒪᑭᒪᓇᓱᐊᕐᓂᕐᒧᑦ ᐊᒻᒪᓗ ᐱᐅᓯᑐᖃᕐᒧᑦ ᐃᓚᐃᓐᓈᓐᖏᓂᖅ ᐊᕙᑖᓂᑦ ᐃᓄᐃᑦ ᐊᒻᒪᓗ ᐊᓯᖏᑦ ᑲᓇᑕᒥᐅᑦ.^{Footnote 38}
• ᒪᓕᑦᑎᐊᕐᓗᑎᒃ ᐅᑯᓂᖓ:
  • ᐃᓄᐃᑦ ᑕᐱᕇᑦ ᑲᓇᑕᒥ-ᐸᓖᓯᒃᑯᑦ ᐱᓕᕆᐊᒃᓴᒥᖕᓄᑦ ᐸᕐᓇᐅᑎᑦ, ᐅᑯᐊᓗ ᓇᓗᓇᐃᖅᓯᓯᒪᔪᑦ ᑖᒃᑯᐊ ᐸᓖᓯᒃᑯᑦ ᓴᓇᖃᑎᖃᕐᓗᑎᒃ ᐃᓄᐃᑦ ᓄᓇᑖᖅᓯᒪᔪᑦ ᐊᐅᓚᑦᓯᔨᖏᓐᓂᒃ ᐋᕿᒋᑦᑎᐊᕐᓗᒋᑦ ᐃᖅᑲᓇᐃᔭᓕᕐᑎᑦᑎᓂᖅ ᐊᒻᒪᓗ ᐱᓯᒪᐃᓐᓇᕐᓂᖅ ᐋᕿᒃᓯᒪᔾᔪᑎᒃᓴᓂᒃ ᐃᓄᖕᓄᑦ ᐃᖅᑲᓇᔭᖅᑎᓄᑦ
  • ᑎᑎᖃᑦ ᑎᑎᕋᖅᑕᐅᔪᑦ ᐸᓖᓯᒃᑯᑦ ᐅᑯᐊᓗ ᐊᑐᓕᖅᑕᐅᖁᔨᓯᒪᔪᑦ ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒧᑦ ᐸᕐᓇᐅᑎᑦ ᐋᕿᒃᓯᒪᔾᔪᑎᒃᓴᖏᑦ^{Footnote 39}
  • ᐊᑐᓕᖁᔭᐅᔪᑦ ᑖᒃᑯᓇᖓᑦ ᔭᓗᓇᐃᕝ ᐊᕐᓇᐃᑦ ᑲᑐᔾᔨᖃᑎᒌᖏᑦ ᐅᓂᒃᑳᖅ ᐃᖅᑲᓇᐃᔭᖅᑎᑦᑎᓂᖅ ᓄᓇᖅᑲᖅᑳᖅᓯᒪᔪᓂᒃ ᐸᓖᓯᒃᑯᑦ

ᐃᖅᑲᓇᐃᔭᖅᑎᑦᑎᓂᖅ ᐊᒻᒪᓗ ᐱᓯᒪᐃᓐᓇᕐᓂᖅ ᐃᓄᒃᑐᑦ-ᐅᖃᓪᓚᒍᓐᓇᖅᑐᓂᒃ ᐱᑕᖃᕆᐊᖃᖅᑐᖅ ᑕᒪᓐᓇᓗ ᓯᕗᓪᓕᐅᑎᒋᐊᓕᒃ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᓚᐅᖅᑐᑦ ᓇᓂᓯᓪᓗᑎᒃ ᐃᓄᒃᑐᑦ ᐅᖃᕈᓇᓐᖏᑦᑐᑦ ᐃᓚᒋᔭᐅᔪᑦ ᓇᓂᓯᔭᕆᐊᖃᖅᑐᑦ ᖃᓄᖅ ᐱᓕᕆᔪᓐᓇᖅᑕᒥᖕᓂᒃ ᐱᔨᑦᑎᕋᕐᓂᐊᕐᓗᒋᑦ ᓄᓇᓖᑦ. ᐃᓚᖏᑦ ᐊᐱᕆᔭᕆᐊᖃᓲᑦ ᓄᖃᖓᔪᒥᒃ ᐸᓖᓯᒃᑯᑦ ᐅᕝᕙᓘᓐᓃᑦ ᐃᓄᖕᓂᒃ ᓵᑦᑎᓯᒪᓲᑦ ᐸᓖᓯᓂᒃ ᐅᖃᓪᓚᖃᑎᖃᕐᓗᑎᒃ ᐃᓄᒃᑐᑦ (ᓲᕐᓗ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᑦ) ᐃᑲᔪᖅᑕᐅᔪᒪᓕᕌᖓᒥᒃ. ᐅᓇ ᐃᓗᐊᖏᔾᔪᑎᑦ ᐱᒋᐊᓪᓚᒃᓯᒪᓕᖅᑐᖅ ᐃᒪᓐᓇᐅᓂᖓᓄᑦ:

• ᐅᓄᖅᑐᑦ ᐃᓄᐃᑦ ᐸᓖᓯᒃᑯᑦ ᓱᒃᑲᔪᒥᒃ ᐅᓄᕈᓐᓃᖅᐸᓪᓕᐊᔪᑦ^{Footnote 40}
• ᑕᐃᒪᓗ ᐱᑕᖃᓐᖏᑦᑐᖅ ᑲᔪᖏᖅᓴᐅᑎᒃᓴᓂᒃ (ᓲᕐᓗ ᐅᖃᐅᓯᖅ ᐊᑐᖅᑕᖓᓄᑦ ᐃᑲᔫᓯᐊᖅᑖᕈᑎᑦ) ᑖᒃᑯᓄᖓ ᐃᓄᒃᑐᑦ ᐅᖃᓪᓚᓲᑦ ᑕᐃᑲᓂ ᐃᑲᔪᖃᑦᑕᕐᒪᑕ ᑕᒪᒃᑯᓄᖓ ᐱᓕᕆᔭᐅᔪᓄᑦ

ᐅᑯᐊ NVision-ᑯᑦ ᐅᓂᒃᑳᖓ ᓇᓗᓇᐃᖅᓯᔪᖅ ᐱᔭᕐᓂᓐᖏᑑᓂᖓᓂᒃ ᐃᓄᑐᐃᓐᓇᖅ ᐅᖃᓪᓚᒋᐊᒃᓴᖅ ᑭᒃᑯᑐᐃᓐᓇᕐᓄᑦ ᐅᓐᓂᕐᓘᑎᓂᒃ ᖃᐅᔨᓴᖅᑐᓄᑦ ᐅᕝᕙᓘᓐᓃᑦ ᐅᓐᓂᕐᓘᑎᖓᓂᒃ ᑎᑎᕋᖅᐸᓪᓕᐊᔪᖅ ᐅᖃᐅᓯᕐᒥᒃ ᐊᑐᕈᒪᔭᒥᓂᒃ ᐊᑐᕆᐊᒃᓴᖅ ᑭᓯᐊᓂ ᐊᑐᕈᔭᐅᔪᒥᒃ ᐊᑐᖅᓯᓗᑎᒃ ᐅᖃᐅᓯᕐᒥᒃ. ᐃᖅᑲᓇᐃᔭᓕᕐᑎᑦᑎᓂᖅ ᐊᒻᒪᓗ ᐃᖅᑲᓇᐃᔭᖅᑎᖃᐃᓐᓇᕐᓂᖅ ᑭᒃᑯᑐᐃᓐᓇᓄᑦ ᐅᓐᓂᕐᓘᑎᖏᓐᓄᑦ ᖃᐅᔨᓴᖅᑎᓂᒃ ᐊᒻᒪᓗ ᑎᑎᕋᖅᑎᓂᒃ ᐅᑯᐊᓗ ᐃᓄᒃᑐᑦ ᐅᖃᕈᓐᓇᕐᓗᑎᒃ ᐊᑑᑎᖃᕋᔭᖅᑐᑦ ᐊᑐᖅᑕᐅᔪᓐᓇᕐᓂᖅᓴᐅᓕᕐᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᖏᑦ ᓄᓇᕗᒻᒥ.

ᐊᐱᖅᓱᖅᑕᐅᓚᐅᖅᑐᖅ ᒫᓐᓇ V ᐸᓖᓯᖃᕐᕕᖕᒥ ᐸᓖᓯᒃᑯᑦ ᐊᖓᔪᖅᑳᖓ, ᐅᓇᓗ ᐊᖓᔪᖅᑳᕆᔭᐅᓕᖅᑐᑦ ᑕᐃᒪᖓᓂᑦ 2022, ᓴᕿᑦᑎᓚᐅᖅᑐᖅ ᑖᒃᑯᐊ ᐊᑖᒍᑦ ᐃᓇᖏᖅᑎᒋᓚᐅᖅᑕᖓ, V ᐸᓖᓯᖃᕐᕕᒃ ᐱᒋᐊᓕᖅᑐᑦ ᐃᖅᑲᓇᐃᔭᓕᕐᑎᑦᑎᕙᓪᓕᐊᓂᕐᒧᑦ ᐃᖏᕐᕋᓯᑎᑕᐅᔪᑦ ᓴᓇᓯᒪᔪᑦ ᐃᓂᖃᕐᑎᑦᑎᓗᑎᒃ ᐃᓄᖕᓂᒃ ᐊᒻᒪᓗ ᐃᖅᑲᓇᐃᔭᖅᑎᖏᓐᓂᒃ. ᐅᓇ ᐃᖏᕐᕋᓯᑎᑕᐅᓯᒪᔪᖅ ᑭᐅᓯᔪᖅ ᑭᒃᑯᑐᐃᓐᓇᐃᑦ ᐊᑦᑕᕐᓇᖅᑐᒦᑕᐃᓕᓂᕐᒧᑦ ᒥᓂᔅᑕᖓᑕ ᑎᓕᔭᐅᓯᒪᔾᔪᑎᖓ ᑎᑎᕋᖅ ᐅᖃᖅᓯᒪᔪᖅ ᐸᓖᓯᒃᑯᑦ ᐃᖅᑲᓇᐃᔭᓕᕐᑎᑦᑎᓂᖅᓴᐅᓗᑎᒃ ᐃᓄᖕᓂᒃ.^{Footnote 41} ᐅᓇ ᐋᕿᒃᓯᒪᔾᔪᑎᒃᓴᖅ ᐸᕐᓇᐅᑎ ᐃᖅᑲᓇᐃᔭᖅᑎᑦᑎᓗᑎᒃ ᐃᓚᖃᖅᑐᑦ:

• ᓇᓗᓇᐃᖅᓯᓗᑎᒃ ᓈᒻᒪᒃᑐᓂᒃ ᐃᖅᑲᓇᐃᔭᖅᑖᕈᓐᓇᖅᑐᓂᒃ
• ᐱᐅᓯᕚᓪᓕᖅᑎᓪᓗᒋᑦ ᐃᖅᑲᓇᐃᔭᕈᓐᓇᖅᓯᑎᑦᑎᓂᖅ ᓯᓚᑖᓂᑦ ᑎᒥᐅᔪᓂᑦ ᑐᓂᓯᓯᒪᓂᐊᖅᑐᑦ ᐅᖃᐅᓯᕐᒥᒃ ᐃᓕᓐᓂᐊᖅᑎᑦᑎᔪᑦ, ᖃᓄᖅ ᐊᑐᖅᑕᐅᓲᖑᖕᒪᖔᑕ ᖃᕆᓴᐅᔭᐃᑦ ᐊᒻᒪᓗ ᖃᖓᑦᑕᖅᑎᑕᐅᓯᒪᔪᓕᕆᓂᖅ ᐃᑭᐊᕿᕕᒃ
• ᐃᓕᓐᓂᐊᕐᑎᑦᑎᓗᑎᒃ ᐊᑐᓂ ᐊᒻᒪᓗ ᐊᔪᕆᖅᓱᖅᑕᐅᕙᓪᓕᐊᓗᑎᒃ ᐃᖅᑲᓇᐃᔭᖅᑎᑖᕆᔭᐅᓂᐊᖅᑐᑦ ᓇᓪᓂᐊᖕᓄᑦ
• ᐋᕿᒃᓱᖅᓯᒪᓗᑎᒃ ᐅᖃᓪᓚᒃᑎᑕᐅᓗᑎᒃ ᖃᐅᔨᓴᖅᑕᐅᓗᑎᒃ ᐃᓕᓐᓂᐊᕈᑎᖏᑦ ᑖᒃᑯᑎᒍᑦ ᐸᓖᓯᒃᑯᑦ

V ᐸᓖᓯᖃᕐᕕᒃ ᐃᓱᒪᔪᓐᓇᖅᑐᖅ ᐊᓯᖏᓐᓂᒃ ᐃᖏᕐᕋᓯᑎᑦᑎᓗᑎᒃ ᐱᕚᓪᓕᕈᑎᓂᐊᖅᑐᓂᒃ ᐃᖅᑲᓇᐃᔭᕈᓐᓇᖅᑐᓂᒃ ᐊᒻᒪᓗ ᐃᖅᑲᓇᐃᔭᖅᑎᒋᔭᐅᖏᓐᓇᕐᓗᑎᒃ ᐃᓄᐃᑦ ᐊᒻᒪᓗ ᐃᖅᑲᓇᐃᔭᖅᑎᑦ

ᖃᐅᔨᓴᖅᓯᒐᒥᒃ ᖃᐅᔨᓇᖅᓯᓚᐅᖅᑐᖅ ᓴᕿᓪᖢᑎᒃ ᐃᓚᖏᑦ ᐃᓱᒪᓕᕈᑎᒃᓴᐃᑦ:

• ᐊᑐᕐᓗᒋᑦ ᐃᓄᐃᑦ ᓄᓇᓕᖕᓂ ᐸᓖᓯᑦ ᐊᒻᒪᓗ ᐃᓄᐃᑦ ᐸᓖᓯᕈᖅᐸᓪᓕᐊᔪᑦ ᐸᓖᓯᒃᓴᐃᑦ – ᐅᓇ ᐊᐱᖅᓱᕐᓂᖅ ᒐᕙᒪᒃᑯᓄᑦ ᑭᒡᒐᖅᑐᖅᑎᒥᒃ ᐅᖃᓚᐅᖅᑐᑦ ᑲᑐᔾᔨᓂᐊᕐᒪᑕ ᑕᒪᓐᓇ ᐃᖏᕐᕋᓯᑎᑕᐅᓯᒪᔪᖅ, ᑮᓇᐅᔭᒃᓴᖃᖅᑎᑕᐅᔪᖅ ᑖᒃᑯᑎᒍᑦ ᐊᓪᓚᐃᑦ ᐊᒻᒪᓗ ᐃᓄᐃᑦ ᐸᓖᓯᒃᓴᐅᓂᕐᒧᑦ ᐃᓕᓐᓂᐊᕈᑎᑦ, ᐃᓂᖃᕐᑎᑦᑎᔪᑦ ᐃᓄᐃᑦ ᓄᓇᖓᓂ ᓴᓇᔨᓂᒃ ᐸᓖᓯᓂ ᑕᒪᐃᓐᓂ ᓄᓇᕗᑦ ᐸᓖᓯᖃᕐᕕᖏᓐᓂ. ᐃᓄᐃᑦ ᓄᓇᖓᓂ ᐸᓖᓯᖏᑦ ᐱᓕᕆᒐᔭᓐᖏᑦᑐᑦ ᐱᔭᒃᓴᑐᐃᓐᓇᖏᓐᓂᒃ ᐸᓖᓯᒃᑯᑦ ᑭᓯᐊᓂ ᐱᔨᑦᑎᕋᕐᓗᑎᒃ ᖃᐅᔨᒪᔨᒋᔭᐅᓗᑎᒃ ᐊᕙᑖᓂᑦ ᓄᓇᓕᖕᓂᑦ ᐊᒻᒪᓗ ᓄᓇᓕᖕᓂ ᐸᓖᓯᖃᕐᕕᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᓂᕈᐊᖅᓯᒪᔪᓐᓇᖅᑕᖓᑦ ᐃᑲᔫᑎᔪᓐᓇᖅᑐᖅᑕᐅᖅ ᑖᒃᑯᓂᖓ ᐊᒻᒪᓗ ᓯᕗᓕᐅᕆᓗᑎᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᖃᐅᔨᓴᖅᑕᐅᑎᑦᑎᓗᑎᒃ, ᐱᓗᐊᖅᑐᒥᒃ ᑖᒃᑯᐊ ᐱᔾᔪᑕᐅᑎᓪᓗᒋᑦ ᐃᓄᐃᑦ ᐃᓄᑐᐃᓐᓇᐃᑦ.
• ᐱᒋᐊᖅᑎᑕᐅᒃᑲᓐᓂᕐᓂᖓ ᐃᓄᒃᑐᑦ ᐅᖃᓪᓚᒍᓐᓇᖅᑐᑦ ᑲᔪᖏᖅᓴᐅᑎᒃᓴᖅ – ᑕᐃᑲᓂ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᐱᖅᓱᖅᑎᓪᓗᒋᑦ, ᐸᓖᓯᒃᑯᑦ ᑎᑎᕋᖅᑎᓪᓗᒋᑦ ᓇᓗᓇᕈᓐᓃᖅᓯᒪᔪᖅ ᐅᑯᐊ ᒪᕐᕉᖕᓂᒃ ᐅᖃᐅᓯᖃᖅᑐᑦ ᐃᑲᔫᓯᐊᕈᓐᓇᖅᑐᑦ ᑭᓯᐊᓂ ᐊᑕᐅᓯᕐᒥᒃ ᑲᓇᑕᐅᑉ ᒪᕐᕉᒃ ᑲᓇᑕᒥ ᐅᖃᐅᓯᖁᑎᖏᓐᓂᑦ ᐊᑐᖅᑐᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᐱᖅᓲᑎᑦ ᓴᕿᑎᑦᑎᓚᐅᖅᑐᑦᑕᐅᖅ ᑖᒃᑯᐊ, ᐊᑕᐅᓯᐊᕋᓗᐊᖅᖢᑎᒃ, ᐃᓚᒋᔭᐅᔪᑦ ᐃᑲᔫᓯᐊᖅᓯᒪᔪᑦ ᐃᓄᒃᑐᑦ ᐅᖃᓪᓚᒍᓐᓇᕐᓂᖏᑦ ᐱᔾᔪᑎᒋᓪᓗᒋᑦ. ᑕᐃᒪᐃᒻᒪᑦ, ᐸᓖᓯᒃᑯᑦ ᓴᓇᖃᑎᖃᕐᓗᑎᒃ ᑎᐅᓕᑐᐊᓕᔅ ᒐᕙᒪᒃᑯᓐᓂᒃ ᕿᓂᕐᓗᑎᒃ ᓂᕈᐊᖅᓯᒪᔪᓐᓇᖅᑕᒥᖕᓂᒃ ᐊᑭᖏᓐᓂᒃ-ᐋᕿᒃᓯᖃᑎᒌᒡᓗᑎᒃ ᐊᖏᕈᑎᑦᙱᒍᑦ ᑕᐃᒪᓗ ᑐᓂᓯᓯᒪᓂᐊᕐᒪᑕ ᐃᑲᔫᓯᐊᒃᓴᖏᓐᓂᒃ ᐃᓄᒃᑐᑦ-ᐅᖃᓪᓚᓲᑦ ᐸᓖᓯᒃᑯᓄᑦ. ᐅᑯᐊ ᑲᔪᖏᖅᓴᐅᑎᒃᓴᑦ ᒪᓕᑦᑎᐊᕐᓂᐊᖅᑐᑦ ᐊᑐᓕᖁᔭᐅᔪᓂᒃ ᑎᑎᕋᖅᓯᒪᔪᑦ ᐸᐃᐹᒥ ᑎᑎᕋᖅᑕᐅᓪᓗᑎᒃ ᐸᓖᓯᒃᑯᑦ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ ᐊᒻᒪᓗ ᐃᓄᐃᑦ.^{Footnote 42}

ᐃᓱᐊ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᑕᐅᔪᑦ ᓇᓂᔭᐅᔪᓐᓇᖅᑐᑦ ᐊᓯᕈᖅᑐᑦ ᐱᐅᓯᕚᓪᓕᖅᑎᓐᓂᐊᕐᓗᒍ ᑭᒃᑯᑐᐃᓐᓇᐃᑦ ᐅᓐᓂᕐᓗᒍᓐᓇᕐᓂᖏᑦ ᐱᓕᕆᔾᔪᓯᖓᑦ ᓄᓇᕗᒻᒥ. ᐊᑐᓕᖁᔭᐅᔪᑦ ᑕᕝᕙᓂ ᐅᓂᒃᑳᒥ ᑐᕌᖅᑐᑦ ᐱᓕᕆᔾᔪᓯᖓᑦ ᐱᐅᓯᑐᖃᕐᒧᑦ ᓇᒻᒪᒃᓯᓂᖅᓴᐅᓗᒋᑦ, ᐊᑐᖅᑕᐅᔪᓐᓇᕐᓂᖅᓴᐅᓕᕐᓗᑎᒃ, ᐊᒻᒪᓗ ᖃᐅᔨᒪᔭᐅᑦᑎᐊᕐᓂᖅᓴᐅᓕᕐᓗᑎᒃ ᑭᒃᑯᑐᐃᓐᓇᓂᑦ, ᑐᕌᖅᑕᕗᑦ ᐱᐅᓯᕚᓪᓕᕐᓗᓂ ᐅᒃᐱᕆᔭᖃᕈᓐᓇᕐᓂᖏᑦ ᐸᓖᓯᒃᑯᑦ ᐅᓐᓂᕐᓘᑎᓄᑦ ᐱᓕᕆᔾᔪᓯᖓᓄᑦ ᐊᒻᒪᓗ ᐱᐅᓯᕚᓪᓕᕐᓗᑎᒃ ᓵᑕᒃᓴᐅᔪᓐᓇᕐᓂᖏᑦ.

ᐅᐃᒍᖅ A – ᑭᓱᑦ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᓚᐅᖅᑕᖏᑦ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓴᖅᓯᒪᔭᖏᑦ ᑕᒪᕐᒥᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᑎᑎᖃᑦ ᓄᐊᓯᒪᔪᑦ ᑕᐃᑲᓂ V ᐸᓖᓯᖃᕐᕕᖓᓂ ᑕᐃᑲᓂ ᕿᒥᕐᕈᐊᕐᓇᐅᑎᓪᓗᒍ (ᐊᐃᕆᓕ 1, 2018, ᑎᑭᓪᖢᒍ ᒫᑦᓯ 31, 2022). ᕿᒥᕐᕈᐊᖅᑕᐅᓯᒪᔪᑦᑕᐅᖅ:

ᐊᑐᐊᒐᐃᑦ, ᐱᐅᓯᑦ, ᐊᒻᒪᓗ ᑐᑭᒧᐊᒍᑎᑦ

• ᐊᑑᑎᖃᖅᑐᑦ ᑲᓇᑕᒥ ᑭᒃᑯᑐᐃᓐᓇᓂᑦ ᐅᓐᓂᕐᓘᑎᑦ ᐊᑐᐊᒐᖅ (ᑕᐃᔭᐅᔪᖅ ᑲᓇᑕᒥ ᐊᑐᐊᒐᖅ)
• ᐅᓇ ᑲᓇᑕᒥ ᑐᑭᒧᐊᒍᑎ – ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐅᓪᓗᖃᖅᑐᑦ ᕕᕗᐊᕆ 23, 2017, (ᑕᐃᔭᐅᔪᖅ ᑐᑭᒧᐊᒍᑎ)
• V ᐸᓖᓯᖃᕐᕕᒃ ᐱᐅᓯᖓᑦ ᐊᐅᓚᑦᑎᓂᕐᒧᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ
• ᖃᓄᕆᑦᑐᑐᐃᓐᓇᐃᑦ ᖃᐅᔨᒪᔾᔪᑎᒃᓴᑦ ᑎᑎᕋᖅᓯᒪᔪᑦ ᐅᑯᐊᓗ ᐃᓚᒋᔭᐅᓪᓗᑎᒃ
• Police Organization and Training [ᐸᓖᓯᒃᑯᑦ ᐊᐅᓚᑦᑎᔨᖓ ᐊᒻᒪᓗ ᐱᔭᕆᐅᖅᓴᐅᑎᖏᑦ]
• 10-Step Evaluation for Training and Performance Improvement [10 ᐱᓕᕆᔭᕆᐊᓕᑦ ᖃᐅᔨᓴᖅᑕᐅᓂᐊᕐᓗᓂ ᐱᔭᕆᐅᖅᓴᐅᑎᒃᓴᓄᑦ ᐊᒻᒪᓗ ᐱᓕᕆᑦᑎᐊᕈᓐᓇᕐᓂᕐᒧᑦ ᐱᐅᓯᕚᓪᓕᕈᑎᒃᓴᓄᑦ]
• Police Victim and Witness Interviewing in a Northern Canadian Territory: Measuring Perceptions and Practice [ᐸᓖᓯᒃᑯᑦ ᐱᓂᕐᓗᒃᑕᐅᔪᓂᒃ ᐊᒻᒪᓗ ᑕᑯᔪᓂᒃ ᐊᐱᖅᓱᖅᑎᓪᓗᒋᑦ ᐅᑭᐅᖅᑕᖅᑐᐊᓂ ᑲᓇᑕᐅᑉ ᑎᐊᓕᑐᐊᓕ: ᐱᓕᕆᔾᔪᓯᑦ ᑕᐅᑦᑐᕆᐊᔭᐅᔪᑦ ᐊᒻᒪᓗ ᐊᑐᖅᑕᐅᓲᑦ]

ᐱᔭᕆᐅᖅᓴᓂᖅ

• ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᔭᕆᐅᖅᓴᔭᐅᓂᖅ
• ᐅᑭᐅᖅᑕᖅᑐᒥ ᐃᖅᑲᓇᐃᔭᕆᐊᕐᓂᐊᖅᑐᑦ ᐱᔭᕆᐅᖅᓴᑎᑕᐅᓗᑎᒃ

ᐊᐱᖅᓱᖅᖢᒋᑦ

ᐊᐱᖅᓱᖅᑕᐅᔪᑦ ᐸᓖᓯᒃᑯᑦ ᐃᓚᐅᔪᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᖓᓄᑦ ᑕᐃᑲᓂ V ᐸᓖᓯᖃᕐᕕᖕᒥ:

• ᐊᖓᔪᖅᑳᖅ ᐸᓖᓯᒃᑯᓄᑦ
• ᐊᐅᓚᑦᓯᓕᔨᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᒃᑯᑦ
• ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪᓗ ᐊᐅᓚᑦᓯᔨᑦ ᓴᓇᔨᖏᑦ
• ᐊᕕᒃᑐᖅᓯᒪᔪᓂ ᖃᐅᔨᒪᔨᒋᔭᐅᔪᑦ ᑲᒥᓯᓇᐅᓐᖏᑦᑐᖅ ᓴᓇᔨ
• ᐊᖁᑎᓂ ᐸᓖᓯᑦ
• ᐸᓖᓯᖃᕐᕕᖕᒥ ᐊᖓᔪᖅᑳᑦ
• ᖃᐅᔨᓴᖅᑎᑦ

ᐊᐱᖅᓱᖅᑕᐅᔪᑦ ᐋᑐᕚᒥ ᑕᐃᑲᓂ ᑲᓇᑕᒥ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᑲᒪᒋᔭᐅᕕᒃ:

• ᐸᓖᓯ ᐸᓖᓯᓄᑦ ᑲᒪᔨᐅᔪᖅ
• ᐊᐅᓚᑦᓯᔨᐊᔪᑦ ᕿᒥᕐᕈᐊᖅᑎᑦ
• ᖃᐅᔨᓴᖅᑎᒻᒪᕇᑦ

ᐊᐱᖅᓱᖅᑕᐅᔪᑦ ᐃᓄᑐᐃᓐᓇᐃᑦ ᓄᓇᕗᒻᒥ ᖃᐅᔨᒪᔪᑦ ᐸᓖᓯᒃᑯᑦ ᑭᒃᑯᑐᐃᓐᓇᕐᓄᑦ ᐅᓐᓂᕐᓘᑎᖏᓐᓂᒃ ᐱᓕᕆᔾᔪᓯᖓᓂᒃ, ᐃᓚᒋᔭᐅᓚᐅᖅᑐᑦ ᑎᐅᓕᑐᐊᓕᔅ ᒐᕙᒪᒃᑯᑦ ᐊᖓᔪᖅᑳᖏᑦ.

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐅᖃᖃᑎᒋᔭᐅᓚᐅᕐᒥᔪᑦ ᑖᒃᑯᓇᖓᑦ NVision-ᑯᑦ, ᐅᓄᓛᑦ ᓄᓇᖅᑲᖅᑳᖅᓯᒪᔪᑦ-ᓇᖕᒥᓂᖁᑎᖓ ᑲᒻᐸᓂ, ᐱᓕᕆᓪᓗᓂ ᓄᓇᓕᖕᓂ ᑲᑎᒪᖃᑎᖃᖅᖢᓂ. NVision-ᑯᑦ ᓇᓗᓇᐃᖅᓯᓚᐅᖅᑐᑦ ᐊᒻᒪᓗ ᐊᐱᖅᓱᖅᖢᑎᒃ ᐊᒥᓱᓂᒃ ᐱᓕᕆᖃᑎᒋᔭᖏᓐᓂᒃ ᓄᓇᕗᒻᒥ ᐃᓂᖃᖅᑐᓂᒃ ᖃᒥᒋᔮᓃᑦᑐᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓄᑦ ᐱᓕᕆᔾᔪᓯᕐᓂ ᐃᓚᒋᔭᐅᔪᑦ ᐊᖓᔪᖅᑳᖏᑦ ᑎᐅᓕᑐᐊᓕᔅ ᒐᕙᒪᒃᑯᖏᑦ, ᑭᒡᒐᖅᑐᖅᑎᑦ ᐃᓄᐃᑦ ᐊᐅᓚᑦᓯᔨᖏᓐᓂᑦ, ᓄᓇᓕᖕᓂ ᓴᓇᔨᑦ, ᐊᒻᒪᓗ ᐸᓖᓯᒃᑯᑦ ᐃᓚᒋᔭᐅᔪᑦ ᐅᑭᐅᖅᑕᖅᑐᒥ. ᐅᓇ ᐅᓂᒃᑳᖅ ᖃᐅᔨᓴᖅᑕᐅᔪᓂᒃ ᓇᓂᔭᒥᖕᓂᒃ, ᐃᓚᖃᖅᑐᑦ ᐊᑐᓕᖁᔭᐅᔪᓂᒃ ᖃᓄᖅ ᐱᐅᓯᕚᓪᓕᕈᓐᓇᕐᓂᖓ ᑕᒪᓐᓇ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᓂᕆᔾᔪᓯᖓᑦ ᓄᓇᕗᒻᒥ, ᑐᓂᔭᐅᓚᐅᖅᑐᑦ ᑖᒃᑯᓄᖓ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ (Handling of Public Complaints by the RCMP in Nunavut [ᐱᓕᕆᐊᕆᓗᒋᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᑦ ᐱᔾᔪᑎᒋᓪᓗᒋᑦ ᐸᓖᓯᒃᑯᑦ ᓄᓇᕗᒻᒥ], ᓄᕕᐱᕆ 30, 2022).

ᐅᐃᒍᖅ B – ᑐᓴᒐᒃᓴᒃᑲᓐᓃᑦ ᒪᓕᑦᑎᐊᕆᐊᓕᖕᓄᑦ

ᖃᓄᖅ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᓇᓗᓇᐃᖅᓯᖃᑦᑕᖅᐸᑦ ᖃᐅᔨᓴᕈᓯᕐᒧᑦ ᑕᖏᕆᓂᐊᖅᑕᒥᖕᓂᒃ

ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐊᑐᖅᓯᓲᑦ ᑎᑎᕋᖅᓯᒪᔪᓂᒃ ᒪᓕᒋᐊᖃᖅᑐᓂᒃ ᓇᓗᓇᐃᖅᓯᓯᒪᔪᓂᒃ 83 ᑕᖏᒃᓴᐃᑦ ᐱᓯᒪᔪᑦ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖃᖅᑎᓪᓗᒋᑦ ᖃᐅᔨᓴᖅᑕᐅᔾᔪᓯᖏᑦ (ᐅᑯᐊᓗ ᐃᓗᐊᓃᑦᑐᑦ 9 ᐊᕕᒃᑐᖅᓯᒪᔪᓂ ᑎᑎᕋᖅᓯᒪᕗᑦ ᐊᑖᓂ). ᐊᑐᓂ ᑕᖏᖏ ᐋᕿᒃᓲᑕᐅᖃᑦᑕᖅᑐᑦ ᖃᓅᑎᒋᔪᒥᒃ ᐱᒻᒪᕆᐅᑎᒋᕙᑦ ᒪᓕᒃᖢᒋᑦ ᑖᒃᑯᐊ ᑕᐃᒎᓯᑦ ᑐᑭᒧᐊᒍᑎᒥ. ᐅᑯᐊ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᐋᕿᒃᓯᓲᑦ ᓈᒻᒪᒋᔭᐅᔪᓂᒃ ᑭᒃᑯᑐᐃᓐᓇᐃᑦ ᐅᓐᓂᕐᓘᑎᖏᓐᓂᒃ ᑎᑎᕋᖅᓯᒪᔪᑦ ᒪᓕᒃᖢᒋᑦ ᖃᐅᔨᓇᓱᑦᑎᐊᕆᐊᖃᖅᑐᑦ (ᐱᓕᕆᔭᕆᐊᖃᖅᑕᑦ) ᑕᖏᖏᓐᓂᑐᐊᖅ. ᐊᓯᖏᑦᑎᒍᑦ ᐅᖃᕐᓗᒍ, ᐊᖏᔪᒥᒃ ᐊᑐᓕᖁᔭᐅᔪᖅ ᐅᕝᕙᓘᓐᓃᑦ ᐊᑐᓕᖁᔭᐅᔪᓂ ᑕᖏᖓ ᐃᓂᖃᓐᖏᑦᑐᑦ ᖃᐅᓕᓇᓱᒃᓗᓂ ᓈᒻᒪᑦᑎᐊᕐᒪᖔᑕ ᑎᑎᕋᖅᓯᒪᔪᑦ ᓄᐊᓯᒪᔪᑦ. ᐅᓇ ᐋᕿᒍᑎᔪᖅ 67 ᐱᓕᕆᔭᕆᐊᓂᑦ ᑖᒃᑯᓇᖓᑦ 83 ᑕᖏᖏᓐᓂᑦ ᑐᑭᒧᐊᒍᑎᑦ.

9 ᐊᕕᒃᑐᖅᓯᒪᔪᑦ ᑐᑭᒧᐊᒍᑎᒥ

1. ᐱᓕᕆᑦᓯᐊᕈᒪᓂᐅᑉ ᒪᓕᒐᖁᑎᖓ
2. ᐅᓐᓂᕐᓘᑎᓂᕐ ᐱᕙᓪᓕᐊᓂᖅ ᐊᒻᒪᓗ ᖃᐅᔨᓴᑦᑎᐊᕐᓂᖅ
3. ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᕿᒥᕐᕈᐊᖅᑕᖏᑦ
4. ᒐᕙᒪᒃᑯᑎᒍᑦ ᖃᐅᔨᓴᖅᑕᐅᓂᖓ
5. ᐃᒻᒥᒍᑦ ᐋᕿᒃᓯᓂᖏᑦ
6. ᐋᒃᑳᖅᑕᐅᔪᖅ ᐊᒻᒪᓗ ᓄᖃᖅᑎᑕᐅᔪᖅ
7. ᒪᒥᑦᑎᔾᔪᑎᒃᓴᑦ
8. ᐊᒃᓱᐊᓘᖅᑐᒥᒃ ᖃᓄᐃᓕᔪᖅ
9. ᖁᔭᓈᖅᓯᔪᖅ

ᖃᓄᖅ ᓄᓇᓕᖕᓂᑦ ᕿᒥᕐᕈᐊᖁᔭᐅᔪᓄᑦ ᐊᒻᒪᓗ ᐅᓐᓂᕐᓘᑕᐅᔪᓄᑦ ᑲᑎᒪᔨᑦ ᖃᐅᔨᓂᐊᖅᐸᑦ ᐊᑑᑎᒋᖕᒪᖔᑦ ᐱᒻᒪᕆᐅᔪᑦ ᒪᓕᒃᖢᒋᑦ ᑕᐃᒎᓯᖏᑦ

ᖃᓄᕆᑑᓂᖏᑦ ᐊᒻᒪᓗ ᐅᓄᕐᓂᖏᑦ ᐸᓯᒃᓯᐅᑕᐅᔪᑦ ᓄᓇᕗᒻᒥ

ᑲᑎᓪᖢᒋᑦ 75 ᑭᒃᑯᑐᐃᓐᓇᓄᑦ ᐅᓐᓂᕐᓘᑎᑦ ᑎᑎᕋᖅᓯᒪᔪᑦ ᕿᒥᕐᕈᐊᖅᑕᐅᓚᐅᖅᑐᑦ ᑖᒃᑯᐊ ᐊᐃᕆᓕ 1, 2018 ᑎᑭᓪᖢᒍ ᒫᑦᓯ 31, 2022. ᐅᓄᓛᑦ ᐅᓐᓂᕐᓘᑕᐅᖃᑦᑕᖅᑐᑦ ᐸᓯᔭᐅᓪᓗᑎᒃ V ᐸᓖᓯᖃᕐᕕᒃ ᑎᑎᕋᖅᑕᐅᓯᒪᔪᑦ ᕿᒥᕐᕈᐊᖅᑕᐅᓚᐅᖅᑐᖅ, ᐱᔾᔪᑎᒋᓪᓗᒋᑦ ᐃᓄᑦᑎᐊᕙᐅᖃᑦᑕᓐᖏᓂᖏᓐᓂ ᐃᒡᓯᓇᐃᓯᒪᓪᓗᑎᒃ ᐱᔭᒃᓴᒥᖕᓂᒃ, ᐊᑐᖅᓯᑦᑎᐊᕋᑎᒃ ᐸᓖᓯᐅᔾᔪᓯᕐᒥᖕᓂᒃ, ᐊᒻᒪᓗ ᑎᒍᔭᕆᐊᖃᓐᖏᑕᒥᖕᓂᒃ ᑎᒍᓯᓪᓗᑎᒃ. ᑎᓴᒪᑦ ᖁᑦᑎᓛᑦ ᐅᓐᓂᕐᓘᑕᐅᖃᑦᑕᖅᑐᑦ ᐸᓯᒃᓯᐅᑕᐅᔪᑦ ᓄᓇᕗᒻᒥ ᐊᔾᔨᑎᐊᐸᓗᖏᑦ ᐅᓐᓂᕐᓘᑕᐅᖃᑦᑕᖅᑐᑦ ᐸᓖᓯᒃᑯᑦ ᑕᒪᐃᓐᓂᒃ, ᑕᐃᒪᓐᓇᐅᒐᓗᐊᖅᑎᓪᓗᒍ ᐊᑐᖅᓯᑦᑎᐊᓐᖏᓂᖓᑦ ᐸᓖᓯᐅᔾᔪᓯᕐᒥᖕᓂᒃ ᐊᖏᓛᖑᔪᖅ ᑲᑎᓪᖢᒋᑦ ᐸᓯᒃᖠᕈᑕᐅᔪᓂ ᓄᓇᕗᒻᒥ ᐊᔾᔨᒋᓐᖏᑕᖓ ᑲᓇᑕ (22% ᐊᔾᔨᒋᓐᖏᑕᖓ 10%) ᐊᒻᒪᓗ ᐃᒡᓯᓇᖅᓯᓯᒪᖃᑦᑕᖅᑐᑦ ᐱᔭᒃᓴᒥᖕᓂᒃ ᐊᑎᖕᓂᖅᓴᐅᔪᖅ ᑲᑎᓪᖢᒋᑦ ᐸᓯᒃᓯᐅᑕᐅᔪᑦ ᓄᓇᕗᒻᒥ ᐊᔾᔨᒋᓐᖏᑕᖓ ᑲᓇᑕ (26% ᐊᔾᔨᒋᓐᖏᑕᖓ 43%).

ᖁᑦᑎᓛᑦ ᑎᓴᒪᑦ ᐸᓯᒃᖠᖅᑐᑦ ᓄᓇᕗᒻᒥ ᐊᒻᒪᓗ ᑲᓇᑕᒥ

ᑖᒃᑯᓄᖓ ᐸᓯᒃᓯᐅᑎᑦ ᐅᖃᐅᓯᑐᐃᓐᓇᐃᑦ, ᐃᓚᖏᑦ ᖁᔭᓈᖅᓯᔪᑦ ᐅᓄᓛᖑᖕᒥᔪᑦ ᓄᓇᕗᒻᒥ ᑖᒃᑯᓇᖓᓪᓕ ᑲᓇᑕᒥ (27% ᐊᔾᔨᒋᓐᖏᑕᖓ 11%), ᑕᐃᒪᓐᓇᐅᒐᓗᐊᖅᑎᓪᓗᒍ ᑖᒃᑯᐊ ᖃᑦᓯᐅᓂᖏᑦ ᐃᑲᔪᖅᑕᐅᔪᑦ ᓱᖁᐃᖅᑕᐃᒋᐊᖃᖅᑐᑦ ᐸᓯᒃᓯᔪᑦ ᐅᓄᕐᓂᖅᓴᐅᖕᒥᔪᑦ ᓄᓇᕗᒻᒥ ᑖᒃᑯᓇᖓᓪᓕ ᑲᓇᑕᒥ (12% ᐊᔾᔨᒋᓐᖏᑕᖓ 7%).

ᐸᓯᒃᓯᐅᑎᑦ ᓱᖁᐃᖅᑕᐅᒋᐊᓕᑦ ᓄᓇᕗᒻᒧ ᐊᒻᒪᓗ ᑲᓇᑕᒧᑦ

ᐋᕿᒍᑎᔪᑦ	ᓄᓇᕗᑦ ᖃᑦᓯᐅᓂᖏᑦ ᐸᓯᒃᖠᖅᑐᑦ	ᓄᓇᕗᑦ ᓴᑎᖓ ᑲᑎᓪᓗᒋᑦ ᐸᓯᒃᖠᖅᑐᑦ	ᑲᓇᑕ ᐳᓴᑎᖓ ᑲᑎᓪᓗᒋᑦ ᐸᓯᒃᖠᖅᑐᑦ
ᐃᑲᔫᑎᓕᑦ	20	12%	7%
ᐃᑲᔫᑎᖃᓐᖏᑦᑐᑦ	41	24%	54%
ᐃᒻᒥᒍᑐᐃᓐᓇᖅ	56	32%	26%
ᓄᖃᖅᑎᑕᐅᔪᑦ	9	5%	3%
ᖁᔭᓈᖅᓯᒪᔪᑦ	47	27%	11%